المياه الحمراء (لماذا)؟؟؟؟؟؟

**abdelaziz-waleed** · 04-01-2009 12:07 AM

وانا في توكيل مقار اخر مرة
كنت بغير مياه الردياتير
وبعد التغيير وجدت ان المهندس حاطط
مياه تبريد حمراء موبيل
سألته ليه ما حطش مياه خضراء
قاللي ان العربية الاوبل فكترا ما ينفعشي احطلها مياه خضراء
ولازم احط مياه حمراء علشان الردياتير الومينيوم واجزاء الموتور اللي بتدخل فيها المياه من الانتيمونيا
والمياه الخضراء بتضر بالاجزاء ديه وبتضر بالالومونيوم

انا بصراحة بدأت البحث على الانترنت عن الفرق بين المياه الحمراء والخضراء

اولا كل مبردات الردياتير مبنية على اساس الجليكول سواء ايثيلين او بروبلين جليكول
الاختلاف بيكون في الاضافات المانعة للصدأوالتآكل

التآكل بيحصل نتيجة ان مياه الردياتير بتكون حامضية وده اللي بيسبب التأكل
لذلك بتحاول شركات تصنيع مياه التبريد جعل وسط مياه التبريد قاعدي عن طريق الاضافات

المياه الخضراء هي تكنولوجيا قديمة وتحتوي على اضافات الفوسفات والنيترات والامينات

المياه الحمراء هي تكنولوجيا احدث وصديقة للبيئة ولا تحتوي على الفوسفات والنيترات والامينات ولكن انا مش عارف بالضبط ايه نوع الاضافات اللي موجودة فيها واللي بتجعل الوسط قاعدي

لاحظت على النت ان شركات كتير زي فولكس فاجن بتوصي باستخدام المياه الحمراء والزرقاء
لاحظت برده مكتوب على عبوة مياه الردياتير
انه بيستخدم لسبائك الالومينيوم وثمن العبوة 45 جنيه من التوكيل او من اي بنزينة موبيل
ده كل اللي استنتجته من النت
ياريت لو حد عنده اي معلومات او تصحيح لكلامي
او توضيح يتفضل مشكورا لوضعه للمنفعة العامة

___________
تم إضافة لينك الموضوع إلي المواضيع الهامة في قسم اوبل
مشرف القسم

**crazylambada** · 04-01-2009 01:32 AM

انا اللي اعرفه ان الاوكتافيا نازلة بمية حمرا
و ده الافضل بس ليه معرفش للامانة

**abdelaziz-waleed** · 04-01-2009 11:46 AM

المشاركة الأصلية كتبت بواسطة crazylambada

انا اللي اعرفه ان الاوكتافيا نازلة بمية حمرا
و ده الافضل بس ليه معرفش للامانة

فعلا انا قرأت على النت اثناء البحث ان افضل شيء
انك تستخدم نفس نوع المياه اللي العربية نزلت بيه

**M.Mokhtar** · 04-01-2009 02:58 PM

الفكترا الجديده انا شوفتها نازله بمية حمرا على ما اتذكر

**Ahmad Allawy** · 04-01-2009 03:06 PM

انا باستعمل المية الحمرا دي من اول ما جيبت عربيتي الكورسا..
بس ليه..؟؟ عشان قريبي نصحني بيها.. و قالي افضل من الخضرا لسبب.. انها مضمونة المصدر مش اكتر..

ممكن نستعين بخبراته.. و يقولنا ايه الحكاية دي..

**lancerevolution** · 04-01-2009 04:03 PM

انا فعلا شوفت المية الحمرا دى فى عربية لانوس كان التوكيل هوا الى حاطتها

**Ahmad Allawy** · 10-01-2009 03:33 AM

هو انا النهاردة الفضول اكلني.. و قريت شوية من الكلام اللي مكتوب علي عبوة المية الحمرا دي.. و لفت نظري انها تنفع لأي ردياتير.. النحاس و الالومنيوم..
العربيات الملاكي و النقل و الاوتوبيسات و كل حاجة..
و ان المادة الفعالة اللي فيها الاثيلين جليكول..
هاحاول انقل اللي مكتوب بالظبط.. و اجيبهولكم ان شاء الله بكرة..

**therealhatem** · 10-01-2009 09:48 AM

طب يا جماعه اللى بيحط مايه عاديه ده إيه يروح فى داهيه

**Ahmad Allawy** · 10-01-2009 12:18 PM

لأ يا باشا بس لسة في امل.. ممكن يلحق نفسه. و يظبط الدنيا..
انا نازل بس دلوقتي.. و اول لما ارجع.. هاقول لسعاتك بالظبط فايدة المية الحمرا دي..

**Ahmad Allawy** · 10-01-2009 02:49 PM

شوف يا باشا..
فايدة المية الحمرا اكتر من حاجة..
اولا. عليها اضافات مانعه للصدا..و دي عشان المية اللي فيها مقطرة.. كويس؟؟
و عليها مادة اسمها ايثيلين جليكول..
الفايدة منها:
اولا.. الاضافات اللي ليعاه بتحسن من خواص المية ف التبريد.. بتخليها كفاءة اعلي.. ممكن تكون بتعلي درجة حرارة غليان المية.. و بالتالي.. تقلل التبخر اللي ممكن يحصل او كده..
و غير كده المية بيبقي ملمسها دهني كده.. و ميزة كده انها بتعمل تليين و تزييت لدورة المية من جوة..و طلمبة المية..

غير كده و دي جديدة انا اول مرة اعرفها كانت امبارح..
ان المية العادية فيها املاح.. بتتراكم جوة الطلمبة.. و بتبوظ حاجات فيها.. بتخلي المية تدخل في اماكن مش المفروض انها تدخل جواها.. و بالتالي بتخليها تبقي خشنة و تبوظ.. المية الحمرا مش بتخلي ده يحصل..

الموضوع: المياه الحمراء (لماذا)؟؟؟؟؟؟

LinkBack

أدوات الموضوع

عرض

المياه الحمراء (لماذا)؟؟؟؟؟؟ - انشر الموضوع فى :

-

-

-

-

-

-

-

-

-

المواضيع المتشابهه

المياه الخضراء و الحمراء

المياه الحمراء

ما هو الفرق بين المياه الخضراء و الحمراء ؟؟

الكلمات الدلالية لهذا الموضوع

المفضلات

المفضلات

ضوابط المشاركة