الموضوع: هل حقا أن مصر خاضت ثلاثة حروب "من أجل " فلسطين ؟؟

المشاركة الأصلية كتبت بواسطة ramberandt

اخى الكريم انا لم اكن انتظر رد حضرتك عشان تعتزر عن التاخير فى الرد الزى اسعدنى بلتاكيد, ولكن اخى التاريخ يحكم بلنتائج وليس بلنواية الحسنا سيادتك بتتكلم عن نصر مجيد فى حرب اكتوبر تقدر سيادتك تقولى ما نتيجة هزة الحرب الان روح سينا شوف المعبر مين الى بيتحكم فيها روح جبال موسى وأقرأ اليفت الى هناك روح شوف اليهود وهم بيصطادو فى راس محمد الى هية فى الاصل محمية طبيعية وممنوع الصيد فيها بقوانين دولية ولو مصرى اصلا دخلها يبقى اعجاز دة حتى بدو سينا لا يشعرو بلانتماء لمصر لما شيخ القبيلة بيمرض اسرائيل بترسل طائرة هليكوبتر طبية مجهزة امام الخيمة وبتخدو على مستشفى عسقلان العسكرى للعلاج ودة مش مبالغة منى والله العظيم وكل دة على مرئى ومسمع من الجميع ياريت بلاش كلام القناة الاولى دة عشان خلاص كل حاجة بقت على المكشوف هو حضرتك مش متابع ما يحدث الان على المعابر اةة اسف على الاطالة

انا مش فاهم ايه اللي جاب راس محمد وجبال موسي والمعابر لحرب 73
انت كدة بتخلط بين حرب 73 و الواقع السياسي الحالي ومعاهدة السلام
اليهود كانو في سيناء بالكامل ومربطعين فيها و محتلينها من 1967 و كانت قناة السويس مغلقة
مصر حررت قناة السويس و سيطرت علي ممرات استراتيجية و دمرت خط بارليف وكبدت اسرائيل خسائر رهيبة لم تكن قد خسرتها في التاريخ المعاصر ... وفي 1975 اعادت مصر فتح قناة السويس وفي 1977 بدأت مفاوضات السلام التي كانت اسرائيل ترفضها بعنجهية وتكبر قبل 73 و استعادت مصر سيناء بالكامل ستة 1984 ولولا النصر العسكري المصري ما كانتش اسرائيل سابت شبر من سيناء
لو انت شايف ان ده هزيمة و دك لبنان وخاصة مناطق السنة فيها ( والابتعاد عن مناطق الشيعة بتاعت الشيخ نصر الله لسبب لا يعلمه الا الله )و تدمير البنية التحتية هو اللي انتصار ....
يبقي الله يرحم شهداءنا اللي استشهدو في الحرب ..... دمهم راح هدر لو كانو يعرفو ان الاجيال اللي بعدهم ح تتصور انهم انهزمو في 73
اما ان امريكا لم تشارك في الحرب فطبعا لما طيارين امريكان يشاركو في المعارك الجوية مش ح يعلنو عن نفسهم ...و بعدين لما امريكا لم ترسل سلاح لأسرائيل و لم تشارك في الحرب .... امال امريكا عملت ايه لأسرائيل لما جولدامائير اتصلت وقالتلهم انقذو اسرائيل يا..... الكلام المحذوف ممكن تقرأة في مذكراتها لأنه يدخل ضمن الفاظ نابية لا يمكن اكتبها ( دي هيا اللي قالت في مذكراتها )... تفتكر امريكا عملت ايه .... لما بتقول ان امريكا لم ترسل سلاح ولم تشارك في المعارك ؟؟؟؟؟؟
امريكا ساندت اسرائيل بعمل جسر جوي لنقل احدث اسلحة في العالم وقتها و تعويض الخسائر اللي خسرتها اسرائيل في الايام الاولى و امريكا حركت اساطيلها الي البحر المتوسط و لولا الانذار الروسي لتدخلت علنا و مباشرة
الطائرات الامريكية الحديثة اللي اول مرة تظهر تفتكر كان طيارينها اسرائيلين ؟؟؟؟؟؟ طيب واتدربو عليها امتى وفين ؟؟؟؟؟
امريكا ساندت اسرائيا بالخبراء العسكريين وبالمعلومات العسكرية بواسطة احدث اجهزة الاستطلاع ... وكان نتيجة ذلك ان اكتشفت اسرائيل وجود ثغرة بين الجيش الثاني والثالث استغلها السفاح ايريل شارون ( كان عقيد ايامها ) ودخل بقواته فيها و لولا الانذار الامريكي لتم تصفية الثغرة و تدمير ثلث القوة العسكرية الاسرائيلية بين الجيشين الثاني والثالث
من الآخر .... فيه ناس كتير بتكره السادات ومش بتطيق سيرته وقد يكون معهم بعض الحق ( لأن الحكام المصريين كلهم من مئات السنين لا يستحقو الاشادة ) عشان كدة بيحاولو تحويل نصر 73 الى هزيمة عشان منسوبة للسادات ......لكن الواقع انها مش ملكية خاصة للسادات ....
اولا بداية اعادة بناء الجيش وخاصة حائط الصواريخ اللي بدأ من اسيوط و تقدم خطوة خطوة الي قناة السويس .... ده كان في عهد عبد الناصر مش السادات
ثانيا الحرب دي لو تنسب ... مش للسادات لوحده ....
ده الشعب داق الذل علشان يوفر كل مليم للمجهود الحربي ....
واللي ما حضرش الايام دي يسأل والده ...... كان الحال ضنك ...
دلوقت الناس بتصرخ عشان السلع غالية
ساعتها ما كانش فيه سلع اساسا ... لا غالي ولا رخيص
مفيش سكر
مفيش زيت
مفيش رز
مفيش لحوم
مفيش فراخ
......
اللي شاف غير اللي سمع



.....
وبعد الملاحم دي والناس اللي ماتت والناس اللي قاتلت والناس اللي ضحت ...... بقت مصر مهزومة في 73 ....
انا صعبان عليا جدا ان هيه دي الصورة اللي بعض شبابنا مصدقينها