السلام عليكم
بص يا باشا
بالنسبه للكونسول ده بيتباع جاهز ب 35 جنيه بس بيبقى مش قووي
الافضل انك تروح لواحد بتاع كماليات يوصفلك صنيعي تبعه يعملك الكونسول عموله الشكل الي انت عاوزه و بيتعمل بيبقى تحفه ب 100 جنيه
المخادع بقى دي في منها بيتباع شبه بتات الاونو بالظبط ودوول هيبقى في حدود 30 جنيه الاتنين والافضل برضه انك تعمل الكراسي جلد وافضل لون النبيتي الغامق قوي و بيعدلك الكراسي بتاعت العربيه وبيظبطهملك السروجي ب 400 500 جنيه بتبقى تحفه
في اطقك دوسات شيك اووي بيتباعو في كل حته في مصر وفي بلمبه بينور وحركات دي مفتوحلك المجال يا باشا من 25 جنيه لغايت 150 جنيه
موضوع الازاز ده
بتروح الاول لبتاع الازاز بيشيل الازاز بتاعك ويركبلك حته وحده هيكلفك 60 جنيه للبابين طبعا ازاز مش 3 طبقات يعني كل مبتبقى طبقات اكتر السعر بيفرق بس ده في الجمب مش مشكله و بتطلع بعد كده على بتاع البيبان يعدلك مكنه الازاز و يظبطهولك ب 30 جنيه
و المرايات افضل حاجه فكك من الصيني هات الاصلي بنتع 128 موديل 2008 ده ب 100 جنيه الاتنين ازاز مقعر كده تمام يلملك الطريق كله وراك
تعالى بقى في الشبكه دي فكك منها خالص اسمع مني بقى
روح لبتاع كماليات وقله عاوز افرغ الشبكه دي و اعملها سلك شبك بيبقى شكله خطيييييييييييييييير و حط كلمه مومو مثلا من تحت على اليمين كده بعد متفرغه هيكلفك الموضوع ده 50 جنيه لو شبك عادي و 150 جنيه لو شبك مركه
وانا كده جبتلك الاسعار الرخيص والغالي وانت تختار حسب امكانياتك
وبالنسبه لنور الصالون
هات الشكل الي انت تحبه وحطله لمض تلجي ليدات ب 30 جنيه عند بتاع الكماليات و شوف شكل عربيتك هتبقى ايه
وانا في الخدمه
المفضلات