اقتباس المشاركة الأصلية كتبت بواسطة raafat10 مشاهدة المشاركة
أخوانى الأعزاء
متشكر جدا على ردكم الكريم واهتمامكم بالموضوع وأحب أن أعرفكم أنى كنت فعلا رحت للحاج محمد على ودة بناء على كلامكم علية وشكركم فية وهو اللى قلى أن دى عملية صعبة شوية لكن أنا مكنتش أعرف أن فيها فك وقطع ولحام وطبعا أنتوا عارفين أن مافيش حاجة بترجع زى ما كانت لما حد بيفكها وعلشان كدة هلغى ا لموضوع الا أذا كان فية حل تانى غير القطع واللحام لأنى مش عايز بدل ما أصلح حاجة أبوظ حاجة تانية بس أنا قلت أعليها شوية علشان هى ناشفة فى المطبات وخايف لحسن الرقبة بتاعتها تتكسروكان عندى تخيل أنة يمكن تعلية العفشة عن طريق اعادة زبط ربط الزراعين اللى ماسكين العجل من ناحية واللى مسكين السوست من الناحية التانية يعنى يفك المسمار اللى ماسك الدراع فى السستة ويغير مكان ربطة فقط بحيث يبقى الدراع مربوط أزيد لتحت فيدى أرتفاع أعلى ودة كان تصورى خصوصا أنى مش عايز أعليها قوى أنا بس عايزها تبقى مظبوطة
وبعدين فيةحاجة بالنسبة لموديل العربية فأنا أشتريت العربية دى على أساس أنها موديل 1978 المانى 1300 ودة أخر موديل طلعتة المانيا ومكتوب فى رخصتها أنها موديا 78 وبيقولوا أن مدخلش مصر منها الا عدد قليل لكن الحاج محمد على شككنى فى الموضوع دة مع أنى كنت جبت الكتالوج بالنسبة للعربية اللى هى أنتاج اخر سنة 77 واللى بيقولوا علية 78 من على النت ولقيتها نفس الشكل ونفس شكل الطابلوة . أية رأيكم؟
عموما متشكر جدا على موقعكم الجميل دة اللى أنا أستفدت منة كتير وأنشاء الله أكون مشارك معاكم فى المستقبل وعضو فعال
وشكرا
اخي الفاضل
الفكرة اللي انت فكرة فيها صح وانا كنت وطيت العربية عندي بنفس الطريقة عند واحد اسمه مجدي جنب عمرو دوكو خلف حديقة بدر جسر السويس فكينا الجنبين وكل ركبة منهم ليها عدلتين واطية وعالية وفعلا عملتها من غير فك الدنجل ولا قطع ولا لحام بس هو في ناس كتير متعرفش الموضوع ده