عفشة لل128

**MohaMed_Refaat** · 23-01-2009 04:17 PM

ممكن اعرف ازاى عرفت ان سوست الكورسا تمشى وتركب عندك فى ال 128 لانى عايز اعرف اية السوست اللى تمشى او تركب عندى فى ال 132 ؟؟

**elbatanony** · 19-02-2010 06:45 AM

انا دى يمكن تانى مشاركة ليا فى المنتدى وبصراحة أنا تابعت مواضيع كتير فى تعديل ال128 هنا فى المنتدى والحمد لله عرفت حجات كتير فى التعديل كانت واقعة منى والبركة فى الأستاذ ممدوح و الأستاذ أيمن وباقى الأعضاء طبعاً المهم أنا الحاجة الوحيدة ألى أنا لسة مش فاهملها تعديل هيا عفشة ال128 فى ناس تقول ركب مساعدين مونرو وحط سوست رياضية وفى ناس تقول ركب كورسا وركب سوست 127 أنا بصراحة محتار مين فيهم الصح وبصراحة أنا مش عارف أجيب أيه انا بشد عربية 128 دلؤقتى وناوى بأذن الله أخليها حاجة مميزة فياريت حد يقولنا
هل المونرو احسن ولا مساعدين الكورسا ؟
وأيه هوا نوع السوست ألى ممكن تركب على ال28 بدون مشاكل سواء مع المساعدين المونرو او مساعدين الكورسا ضرورى جداً

اللون الاحمر مخصص للادارة, يرجى مراجعة قوانين المنتدى

مشرف القسم

**أبو إياد** · 24-02-2010 01:13 PM

بالتجربه
بالنسبه للـ 128

بالنسبه للمشتروات (جوز سوست 127 امامى) فقط لاغير
وده فى حاله ان الاربع مساعدين تمام والسوسته الخلفيه تمام والبطاحات تمام وجلب المقص تمام (ياعنى من الاخر شوف ايه اللى بايظ وغيره علشان ماترجعش ليه تانى ) وفى حاله ان كله سليم مش هتحتاج غير لشراء جوز سوست 127 امامى فقط

هانعتبر العفشجى مش بيفهم يبقا انت لازم تكون عارف ايه اللى المفروض يتم
والعمليه نسبه وتناسب
اول حاجه هايبداء بيها زى ما قولت الكشف على جميع الاجزاء اللى اتذكرت
ونبداء بالجزء الامامى وهو فك السوست القديمه وتركيب سوست الـ 127 >>> اظن مافيش اسهل من كده
بعد ما العربيه تنزل هاتفوجىء بان العربيه من ادام وطيت جدا بس من ورا عاليه جدا والعجل من تحت مقلوب لجوه

ورا بقا ده زيتونة الموضوع كله ومحتاجه فعلا واحد بيفهم بعد مايرفع العربيه ويفك العجل يبداء بفك السوست الخلفيه اللى متثبته بافيزات فى الشاسيه والمقصين وكل اللى هايعمله فيها بدل ما هى 3 ورقات هايخليها ورقتين فقط ياعنى هايشل ورقه منهم
ويقوم بفرد الراقين الموجودين شويه (هى عباره عن راقين حديد بعرض السياره بين المقصين كلما اتفردت كلما هبطت السياره والعجل بيخرج لبره من تحت زى العربيات الـ bm )
ويبداء فى التركيب
واتفرج على العربيه وعلى الثبات والاداء

**أبو إياد** · 24-02-2010 02:16 PM

المشاركة الأصلية كتبت بواسطة mohamed9999

سؤال بس غبى شويه هما المساعدين بيركبو قدام بس (يعنى بنسيب المساعدين بتوع 128 زى ما هما ورا ونغير قدا بمساعدين 127)

سؤال غبى ليه ياعنى بس يا محمد بيك

انا مجيبتش سيره تغيير مساعدين انا قولت سوست
هانغير السوست الاماميه بسوست 127

وال128 و127 والريجاتا والريتمو كل العربيات دى سوسته ومساعد لكل عجله اماميه
و2 مساعد وسوسته واحده فقط (قنطره ) للجزء الخلفى

**أبو إياد** · 25-02-2010 07:36 AM

للاسف معنديش اى معلومات عن موضوع مساعدين الكورسا
انما المنرو جامدين جدا طبعا بالنسبه للـ128
وتغيير المساعدين عندك ده بيكون حسب حاله السياره وحاله المساعدين الموجودين حاليا
انما فى جميع الاحوال لو تم تغيير الاربعه هايكون افضل وهاتحس بفرق كبير خصوصا فى الثبات

**ehab_10** · 19-03-2010 07:19 PM

ممكن اعرف الموضوع ده هايكلفنى كام لو حبيت اعمله لسيارة 127

**amrziedan312** · 23-04-2010 06:13 PM

والله ألي أعرفه أن العفشة الكوني بتوطي العربيه لوحدها بالأضافة للثبات العالي بس هي ناشفة شويه وممكن تسأل عليها في شارع دمشق سعرها 2000 جنيه ورأي أبعد عن القص واللحامات وكلام ده لانه هتصرف على الفاضي