الموضوع: عفشة لل128

المشاركة الأصلية كتبت بواسطة أبو إياد

بالتجربه
بالنسبه للـ 128

بالنسبه للمشتروات (جوز سوست 127 امامى) فقط لاغير
وده فى حاله ان الاربع مساعدين تمام والسوسته الخلفيه تمام والبطاحات تمام وجلب المقص تمام (ياعنى من الاخر شوف ايه اللى بايظ وغيره علشان ماترجعش ليه تانى ) وفى حاله ان كله سليم مش هتحتاج غير لشراء جوز سوست 127 امامى فقط

هانعتبر العفشجى مش بيفهم يبقا انت لازم تكون عارف ايه اللى المفروض يتم
والعمليه نسبه وتناسب
اول حاجه هايبداء بيها زى ما قولت الكشف على جميع الاجزاء اللى اتذكرت
ونبداء بالجزء الامامى وهو فك السوست القديمه وتركيب سوست الـ 127 >>> اظن مافيش اسهل من كده
بعد ما العربيه تنزل هاتفوجىء بان العربيه من ادام وطيت جدا بس من ورا عاليه جدا والعجل من تحت مقلوب لجوه

ورا بقا ده زيتونة الموضوع كله ومحتاجه فعلا واحد بيفهم بعد مايرفع العربيه ويفك العجل يبداء بفك السوست الخلفيه اللى متثبته بافيزات فى الشاسيه والمقصين وكل اللى هايعمله فيها بدل ما هى 3 ورقات هايخليها ورقتين فقط ياعنى هايشل ورقه منهم
ويقوم بفرد الراقين الموجودين شويه (هى عباره عن راقين حديد بعرض السياره بين المقصين كلما اتفردت كلما هبطت السياره والعجل بيخرج لبره من تحت زى العربيات الـ bm )
ويبداء فى التركيب
واتفرج على العربيه وعلى الثبات والاداء

كلام جميل ومعقول جدا بس هل حد جرب يركب مساعدين ال127 على 128 وفعلا مفيش اثار جانبية على العربية وجزاكم الله خير على الافادة انا فعلا اتعلمت كتير قوى من المنتدى الجميل ده وكمان انا عايز اخد رايكم فى حاجة انا مقتنع بيها قوى وعارف كويس الاضرار ان شاء الله انا هاركب موتور لانشيا 1600 وجنوط 15 وهاعمل كل التعديلات الازمة من تقوية شاسيه وبارات وفى فكرة تانية انى اركب موتور 1300 لانشيا برضو بس ممكن اجربه الاول فى عربية واحد هنا فى المنتدى اسمه الاستاذ باسم انسان محترم جدا وكان قاللى ان احنا نتقابل ونجرب العربية مع بعض فى الاخر انا كنت عايز الناس اللى فى المنتدى الجميل ده ان هى تشاركنى الراى وانا هاقبل كل الردود من غير زعل حتى لو كان نقض مفيش مشكلة بس عايز اقول حاجة بالرغم من كرم ربنا عليا وممكن اوسع على نفسى واجيب حاجة حلوة فكرت انى اعدل الاسطورة 128 مش بسرعتها لا ولا بشكلها بس لكن اللى يتعرف صح على العربية دى ويصاحبها والله الاداء يكون احسن من اى عربية تانية الحاجة الوحيدة اللى فارقة هى الرفاهية والحمد لله طول عمرى شقيانمابين ال127 وال128 وماذدا قديم فالحمد لله انا مش واخد على الرفاهية هههههه واسف لو كنت اطلت على سيادتكم ومستنى المشاركة .