العربيه بتاكل بنزين وهاتجنن خلاص

**moudy88** · 16-01-2009 12:37 AM

انا فعلا لما اشتريت العربيه كان زيت الفتيس ناقص حوالي كيلو لانه كان بقاله 40 الف كم ماتغيرش وكان الفتيس بيتاخر في النقل والسحب فوق الفظيع...بعد لما غيرت الزيت بعد لما اشتريتها بيوم واحد العربيه فرقت في السحب والفتيس نقلاته بقت كويسه واديني مشيت بيها حوالي 6000 كم والزيت مانقصش ...وبصراحه حتى بعد تغيير الزيت العربيه عموما سحبها وحش ..... إن شاء الله انا هاكشف عليها في خلال الاسبوع ....وربنا يستر..... بصراحه حضرتك رعبتني جدا لان كله الا الفتيس الاوتوماتيك

**samirayad** · 16-01-2009 12:48 AM

معلش ....ماتزعلش.....أنا الموضوع دة ركزت فية كويس......وأعتقد انة مش حيخرج عن كدة.....ولو أننى زعلان من نفسى أننى لم أكن لك مبشرا.....ولكنى بحب المواجهة الواضحة....وياريت يكون كل اللى أنا قلتة يكون مش مضبوط.......لأننى فى الاّخر لا أتمنى لك الا الخير.....وأنا فى انتظار ردك

**moudy88** · 16-01-2009 01:09 AM

المشاركة الأصلية كتبت بواسطة samirayad

معلش ....ماتزعلش.....أنا الموضوع دة ركزت فية كويس......وأعتقد انة مش حيخرج عن كدة.....ولو أننى زعلان من نفسى أننى لم أكن لك مبشرا.....ولكنى بحب المواجهة الواضحة....وياريت يكون كل اللى أنا قلتة يكون مش مضبوط.......لأننى فى الاّخر لا أتمنى لك الا الخير.....وأنا فى انتظار ردك

ياسيدي جزاك الله خير وجعله الله في ميزان حسناتك... وانا من اول لما جبتها والناس بتتكلم على فتيس النوبيرا ... علشان كده انا خايف .. وربنا يقدم اللي فيه الخير

**samirayad** · 16-01-2009 01:17 AM

المشاركة الأصلية كتبت بواسطة moudy88

ياسيدي جزاك الله خير وجعله الله في ميزان حسناتك... وانا من اول لما جبتها والناس بتتكلم على فتيس النوبيرا ... علشان كده انا خايف .. وربنا يقدم اللي فيه الخير

ربنا يكرمك يا أخى............................

**goofy_in_love** · 16-01-2009 01:26 AM

ياجماعه انا محتار قوي من موضوع فتيس النوبيرا الاوتوماتيك دا هوا فعلا فيه عيوب و الا ايه ؟؟؟ انا معروض عليا نوبيرا اوتوماتيك بس بجد مش عارف هوا الكلام دا صح و الا ايه من فضلكم حد يوجهني في الموضوع دا لاني عمري ما كان عندنا دايو و مش عارف الصراحه انا هتجنننننننننننننن خلااااااااااااااااص :k30:

**moudy88** · 17-01-2009 08:58 PM

سؤال ... لو حساس الشكمان في حاجه غلط .. لمبهEngine هتنور ؟ لان اللمبه مابتنورش... يبقى كده الحساس سليم

**samirayad** · 17-01-2009 09:28 PM

المشاركة الأصلية كتبت بواسطة moudy88

سؤال ... لو حساس الشكمان في حاجه غلط .. لمبهEngine هتنور ؟ لان اللمبه مابتنورش... يبقى كده الحساس سليم

شوف يا أستاذ/مودى.....اللمبة اللى أنت بتقول عليها دى أسمهاcheck engine .....ودى بتنور لما يكون فية عطل فى اى جزء خاص بمنظومة التحكم بتاعة المحرك...بمعنى أصح بتكون لقائد السيارة بمثابة تنبية عن وجود عطل معين فى دائرة التحكم....قد يكون حساس الأكسجين(الشكمان)او حساس درجة الحرارة أو حساس الMAP أو حساس الTPS وهكذا.......ولكنك مش حاتعرف أى دائرة تحكم موجود فيها العطل ولكن موجود عطل ما.......طيب ازاى حنعرف العطل....هنا يجىء دوركاشف الأعطالSCANNER ودة جهاز صغير يتم توصيلة على روزتة معينة بوحدة التحكم الالكترونى بيطلق عليها روزتة ال SERIAL DATA COMMUNICATION وبعد كدة بتظهرلك كود عطل معين.....من خلال الكود دة (يتم التعرف على مسماة من الكتالوج)....بيتعرف سبب اضاءة لمبة التحذير هذة وبالتالى يمكن للمتخصص التعامل مع العطل......معلش طولت عليك ...بس حبييت أوضح....وبالنسبة لسؤالك واضح ان ماعندكش مشكلة فى دائرة الكنترول........أتمنى أن أكون الصورة واضحة الاّن....................شكرا

**moudy88** · 17-01-2009 09:35 PM

اولا : ربنا مايحرمنا منك يابشمهندس ومن معلوماتك القيمه
ُثانيا :فعلا الصورة وضحت وإن شاء الله كله هيتظبت يوم الاتنين ويارب ماتكونش مكلفه

**samirayad** · 17-01-2009 09:56 PM

المشاركة الأصلية كتبت بواسطة moudy88

اولا : ربنا مايحرمنا منك يابشمهندس ومن معلوماتك القيمه
ُثانيا :فعلا الصورة وضحت وإن شاء الله كله هيتظبت يوم الاتنين ويارب ماتكونش مكلفه

اللهم هيىء له من أمره رشدا......آمين

**moudy88** · 20-01-2009 06:34 PM

النهارده رحت للميكانيكي (ورشه الثلاثيه في المريوطيه الهرم )واللي حصل كالاتي :
اول لما رحت جرب العربيه وقالي ان الفتيس سليم وانه بس محتاج تغيير الفلتر.. وبعد كده قلتله على البنزين ...وقالي انه هيفتح الماتور ويشوف علشان هو شاكك ان يكون فيه صباب معوج..وبعد لما فتح وبص عليه ولقى كله سليم ..قالي تبقى اكيد الرشاشات هي اللي بايظه..وشال الرشاشات وبص عليها..قلته ازاي بايظه ومفيش اي حاجه من الاعراض ...(العربيه بتدور من اول مره ومبطلعش دخنه والبوجيهات مش مهببه).. نظر الي نظره مش ولابد (معناها انت هتعلمني شغلي)..وقالي ان الرشاشات هي السبب لان مفيش اي سبب تاني وقالي اني دي مش رشاشاتها ودي رشاشات هيونداي..وانه هيجبلي رشاشات دايو استيراد ب350 .. المهم قلته قفل وهبقى اجيلك وقت تاني لحد ماستشير الخبراء........