بعد شهور من ظهور اللوجان في مصر
هل نجحت بالمستوى اللي كان متوقع له ؟
ولا هتظل اللانوس مكتسحة السوق المصرية ؟
انا حاسس ان رغم كل الامكانيات الموجودة في اللوجان واللي تعتبر فعلا تنافسيةبالنسبة للسيارات اللي في فئتها محققتش النجاح المطلوب منها
واللي يشتريها وخصوصا لو واحد بعيد عن القاهرة يبقى بيجازف اوي
لانها ببساطة
مفيش ميكانيكي يفهم فيها واصلا مفييش ميكانيكي يفهم بره اللانوس
مفيش قطع غيار يعني لو فانوس اتخدش اجري ع التوكيل في القاهرة
الريسيل او اعادة البيع صعب جدا

رغم اني بحب اللانوس لكن زهقت بجد من انتشارها الخنيييييق انا مرة اتحديت واحد زميلي وكنا في الشارع قلت له خلال الخمس دقايق دول هنشوف على الاقل عشر عربيات لانوس
بس دا محصلش
لأننا شفنا 17 عربية لانوس !!!
حاجة مش طبيعية يعني

فعلا نفسي اجيب اللوجان بس القلق من النقط التلاتة دي خصوصا اني ابعد عن القاهرة حوالي خمس ساعات على الاقل
وكفايا ان شكلها مختلف عن اللانوس
وانها فيها موتور الميجان I ودا شرف ما بعده شرف لان انا بموت في حاجة اسمها ميجان
وامكانيات 1600 CC وايرباج وحاجات كتير مش في اللانوس دا غير انها ملعب من جوا

يلا كانت مجرد فضفضة ولو حد ليه رأي في الموضوع ياريت يشارك
وفي النهاية بسأل اشتري لوجان ولا لانوس !!!