الموضوع: سعر الرينو لوجان 7 راكب

مانيول هاف اوبشن 93000
مانيول فل اوشن 100000
اوتو هاف اوبشن 103000
اوتو فل اوبشن 110000
بالنسبة لعدد الكيلو متر الكبير فهى تستحمل عادى طالما بتحافظ
على صيانتها الدورية

انا لسة مش من مالكى السيارة لكن انا حاجز النسخة السيدان فى التوكيل
حستلم ان شاء الله قريبا وانا مقررتش انى اشترى لوجان من فراغ
عربية اقتصادية ممتازة تكسب فى مقارنتها اى سيارة فى فئتها
بالنسبة للنسخة ال 7 راكب انا ليا 2 جيرانى معاهم العربية ومبسوطين منها جدا
وبسم الله ما شاء الله العربيتين لسة شكلهم زى ما كانوا زيرو بالظبط والناس ديه علطول فى سفر بالعربية لان هى معمولة عشان كدة
على فكرة انا حقولك على حاجة كمان انت لو بتسافر بالعربية السيدان المسافات دى
مش حتقلك لا بردو طالما بتحافظ على الصيانة الدورية وبتغير كل حاجة فى ميعادها
فى شركات سياحة عندى فى اسكندرية بيشتغلوا بالنسخة ال 7 راكب
وشوفت قبل كدة اللى هو زى البيجو 7 راكب الازرق اللى بيسافر بين المحافظات
كان لوجان 7 راكب العربية ممتازة ماتقلقش و افضل حاجة النسخة اللى فيها الماتور 16 فالف
ومعانا بردو عضوين ابو ادم ومصطفى بكرى والاتنين مبسوطين من العربية الحمد لله

انا معايا اللوجان mcv ال 1600 سي سي , 16 صباب, 105 حصان
العربية للأسف هاف اويشن و ما فيش غير كدا في ال 16 صباب
مش عارف حاليا لسه بتنزل كدا و لا فيه منها فول اوبشن
العربية كانت عاملة 92,900 الف جنيه مصري يعني 93 الف

بالنسبة للأداء فالعربية بسم الله ما شاء الله ممتازة و عائلية من الدرجة الأولي
انا عن نفسي مبسوط جدا بيها و لو رجع بيا الزمن من تاني كنت هختار بكل اقتناع و بدون اي تردد
انا بس اللي مضايقني شوية انها هاف اوبشن
عارف المثل اللي بيقول الحلو ما يكملش
عموما هو اللي ناقصها زجاج كهربا و دا اهم حاجة من وجهة نظري
لكن باقي الكماليات زي فوج لايت و كمبيوتر رحلات وا عوارض التحميل السقفية مش فارق معايا زي الزجاج الكهرباء

بس ان شاء انا هحاول اتصرف و اشتري مكن زجاج كهرباء و الزراير و اركبهم بس العملية تروق شويه