::: أحدث التكنولوجيا فى تصنيــع رفارف الميـــجان :::

**Rsarabia** · 09-01-2009 05:08 PM

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

**Ahmed Selim** · 09-01-2009 05:45 PM

المشاركة الأصلية كتبت بواسطة Rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

ما هوه ده المفهموم الخاظئ عند معظم الناس....

أنت مخدتش بالك من دى ؟

المشاركة الأصلية كتبت بواسطة Sharky

فوائد الرفارف الفيبر :
1- إستخدام المادة المصنع منها هذا الرفرف يزيد من أمان الركاب من الصدمات القوية.

4- تقليل تأثير الصدمات حيث ان الرفرف المرن لا يتلف الأبواب و الاجزاء المحيطة به

شكراً يا شاركى على المعلومة المهمة

**farahat** · 09-01-2009 06:50 PM

عبد المقصود باشا و sharky باشا .. الأستاذ Rsarabia بيتكلم على حاجة و المشاركة بتكلم على حاجة تانية ، هو بيتكلم عن حماية الركاب أثناء الحادثة ، لكن مشاركة شركي بتقول إن الإكسدام الفبر بيتكسر في الحوادث الجامدة و دة بيؤدي إلى تقليل التأثير على الأبواب و الهيكل و بالنسبة للركاب بيقول إنه بيقلل من تأثير الصدمة لكن مش موضح ازاي ؟
المقصود إن تحطيم الأجزاء دي بيقلل من كمية الطاقة الوصلة من الصدمة إلى داخل رلسلن ، لأن الطاقة دي بتروح في تحطيم الأجزاء القابلة للتحطم و بكده كييت الصدمة الوصلة للصالون بتقل كتير
و المهم أكتر إن في الصدمات القوية على السرعات العالية الدور الرئيسي في الحماية مش بيكون على الهيكل الخارجي نهائياً ، لأن دول بيتدمرو بدري قوي في بداية الإصطدام ، و لكن إلي بيحمي العربية هو سلبت قوائم الشاسيه و القوائم السب الموجودة في مقدمة السيارة و حالياً بتتحط في الأجناب كمان داخل الأبواب،
يعني حتى لو كان الباب و الرفرف ورق مش دول إلي هيحمو في الصدمات القوية لا قدر الله .

و طبعاً ربنا الحارس قبل أي شيء

**fahd_628** · 09-01-2009 11:37 PM

المشاركة الأصلية كتبت بواسطة Rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

يا باشا والله دة مفهوم غلط جدا جدا جدا و عند كل الناس

يعنى احنا حنتكلم بالعقل

يعنى انت لو جبت عربية مثلا يعنى مفيهاش اى حاجة من قدام غير رفارف حديد عادى زى باقى العربية و مفيش اى حاجة تانى فى العربية من قدام من اول الكابينة لغاية اخر الرفرف الأمامى يعنى ولا شاسية ولا موتور ولا كابوت ولا اى حاجة و كان وزن العربية دية مثلا 1,25 طن و ماشية على سرعة 100 و جينا خبطناها فى كتلة حديد تفتكر الرفارف الحديد دية حتعمل حاجة ؟ يعنى حتقلل مثلا خطر التصادم على الركاب ؟؟؟؟

طبعا ولا حتعمل اى حاجة دية مجرد انها حتتعجن بس

و نفس الكلام مع الفيبر حيتعجن برضة و مش حيعمل اى حاجة المهم فى العربية هوة التقويات الموجودة فى الشاسية و فى هيكل السيارة

الكلام بتاع حضرتك دة العكس تماما

الصاج الحديد ممكن يكون مفيد فى الخبطات البسيطة جدا جدا جدا يعنى لو عربية ريحت او حاجة على الرفرف الفيبر ممكن يتكسر ( و لو انة مش بيتكسر بسهولة ) و لكن لو حديد كدة ممكن يتطبق و ساعتها ممكن يتم استعدالة لكن الرفرف الفايبر حيحتاج تغيير و هوة مش مكلف اوى زى الرفرف الحديد

و طبعا لو العربية مش امنة مكنتش اخدت 5 نجوم فى الأمان

و على فكرة الأختبار على سرعة 64 كم/س يعنى مش سرعة بطيئة برضة

و اتمنى تكون وجة نظرى اتوضحت

**zkralla** · 25-12-2009 02:28 AM

المشاركة الأصلية كتبت بواسطة rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

برضه الصاج هيتعجن ومش ها ينفع فيه سمكره ومش هايبعد الاذى لان هتبقى اضعف حته فى العربية الكابينة الداخلية الى هيخلى الصدمة تتركز عليها وبعدين الفيصل فى الامور ديه التجربة العمليه مش احنا طبعا الى نجرب (طبعا ربنا يبعدنا جميعا عن التجارب العمليه الى من النوع ده ) أنا باقصد اختبارات التصادم