الموضوع: صوت غريب بعد تشغيل العربيه

المشاركة الأصلية كتبت بواسطة therealhatem

السلام عليكم يا أخواتنا فى الأوبل
أنا عندى مشكله بقالها حوالى 5 شهور وهى إنى لما بدور الصبح بسمع صوت هبد كده وبحسه وأنا قاعد على كرسى السواق وكذلك فى الدريكسيون ولما باجى أطلع بالعربيه بتبقى كأنها مخنوقه والكلام ده لمدة 3 دقائق ويروح والعربيه ترجع طبيعيه جدا
روحت سألت الميكانيكى بتاعى قالى ده بستم بنزين ومبيتغيرش غير مع العمره وقالى سيبها مفيهاش مشكله مادام مبتحصلش غير 3 دقائق ومش على طول
بس الواحد قلقان شويه ومش عارف الكلام ده سليم ولا إيه
أنا عارف إن أنتم حتحلولى المشكله وأسف لأنى بتقل عليكم

فى الغالب الصوت دة من مجموعة التاكيهات.......على أساس ان مجموعة البساتم الهيدروليك الموجودة فى منطقة التاكيهات بدأ الخلوص بينها وبين الأسطوانات الخاصة بها والمشكلة بالسباكة فى حوض التاكيهات ....بدأ الخلوص دة يزيد وكفاءة ضبط التاكيهات بدأ يقل وبيأخذ وقت....لأن زى ماأنتوا عارفين الزيت بيأخد وقت على مايذهب للمنطقة دى والخلوص الذائد فى المنطقة دى بيخللى عملية هروب الزيت بين البستم والقميص المشكل فى الحوض بتكون بصورة أكبر....وعلشان كدة بيستمر الصوت معاك فترة قليلة وبعد كدة بيروح(على أساس بتكون المنطقة بعد كدة تشبعت بالزيت اللى ممكن يكتم الصوت دة بعد كدة........

المشاركة الأصلية كتبت بواسطة therealhatem

كلام كبير قوى يا بشمهندس بس أنا مش عارف هعمل إيه برده ...يعنى تقترح أغير إيه

أولا....سلامى لكل أبناء الغربية يادكتور....علشان أنا من بسيون.....بلدياتك ياعنى...........................ثانيا... بالنسبة للموضوع دة فهو فعلا مش صغير.......ولوأنة ممكن سيادتك حاليا تقولى مبدئيا ...حضرتك بتحط زيت معدنى ولا تخليقى للمحرك........والعربية عاملة كام كيلو لحد دلوقتى......معلش أنا المفروض دلوقتى قبل ما أقترح حلول فلا بد من تقصى تاريخ وأعراض الحالة جيدا.....علشان التشخيص ويتبعة خطة العلاج يكون لهما مردود ايجابى.......زى الطب بالضبط

المشاركة الأصلية كتبت بواسطة therealhatem

وعليكم السلام ورحمة الله ... شرف لى إن حضرتك تبقى بلدياتى
أنا بحط زيت معدنى شل الأصفر والعربيه عامله 85000 كيلو أدى التاريخ كامل أه يا دكتور تنصحنى بدواء ولا بجراحه

شوف يابية.....حنخللى الجراحة دى آخر حاجة...وحنجرب العلاج دة لو نفع....وان شاء الله حيبقى كويس .....أولا حيتم عمل فلشنج لدورة الزيت والمحرك عامة....باستخدام زيت تشطيف(عبوات معينة بتباع بغرض عمل غسيل كامل للمحرك)...بعد كدة حيتم التحول لاستخدام زيت تخليقى بدلا من المعدنى...مع تغيير فلتر الزيت...وان شاء الله المريض حايتحسن......بس أهم شىء ينفذ الخطوات بدقة

المشاركة الأصلية كتبت بواسطة therealhatem

يعنى المشكلة إنى كنت بستخدم زيت معدنى..
طب وغسيل المحرك من الداخل مفيهوش مشاكل
شكرا لإهتمامك

لا أنا مقولتش أن المشكلة تكمن وراء اسخدامك لزيت معدنى......وحشرح لحضرتك أنا لية طلبت منك الدواء السابق...ولو أن الدكاترة بيوصفوا العلاج وخلاص بدون ايقاف المريض على أبعاد المشكلة ولية وصفوا العلاج هكذا...................................شوف سعادتك ...أولا عملية الغسيل ستكون لنظافة أى بقايا ورواسب قد تكون موجودة داخل المحرك وخصوصا المنطقة العلوية والتى يكمن فيها بيت الداء........ثانيا معروف فنيا أن الزيت التخليقى مدى انتشارة لتزييت الأجزاء المختلفة لمنظومة المحرك أسرع بطريقة تفوق كثيرا نظيرة المعدنى لاتساع مدى اللزوجة لهذا النوع (من أقل قيمة الى أكبر قيمة).....بالاضافة الى استقرار بقايا منة على أماكن التزيت بصورة أكبر من المعدنى ...فوجدت ذلك من الوجهة الهندسية مقبول فنيا وقد يولد نسبة نجاح لعلاج الحالة لابأس بها ....وقد نصل الى النتيجة المرجوة....كل هذا فى محاولة تلاشى الحل الجراحى لأاقدر الله..........أرجو أن تكون الصورة واضحة الاّن