عداد الحرارة بيقع لتحت مع المطبات !!!!

**Badrowi** · 12-01-2009 05:33 PM

مقلتليش يا استاذ ممدوح ايه معنى ايه بقى معنى
M E N E W X 9 10

**Strong** · 15-01-2009 09:03 PM

أنا بصيت على سلك العداد ولقيته راكب كويس وكل الأسلاك اللي حواليه سليمة ، ومش عارف ايه اللي بيحصل في العداد مع المطبات أو السحب السريع بينزل لتحت خالص وبيبدأ يطلع تاني !!!

ومش عارف هي دي مشكلة ولا لأ علشان أنا لاحظت الحكاية دي لما واحد نصحني بإني اخلي بالك من عداد الحرارة وأنا ماشي ، وقبل كده مكنتش بابص عليه أصلا ولا باهتم بيه .

وهل الميه مكن يكون فيها صدى بيعزل الحرارة ؟

أنا مش هاقدر أروح لكهربائي قبل أسبوع علشان مشغول فهل المشكلة دي في قراية العداد بس ولا المراوح ممكن تحس إن العربية باردة ومتشتغلش ودرجة الحرارة تعلى وتسبب أضرار أكتر ؟؟؟؟

**samirayad** · 15-01-2009 09:19 PM

احنا بنقول الحساس مش العداد......

**Strong** · 15-01-2009 09:26 PM

المشاركة الأصلية كتبت بواسطة samirayad

احنا بنقول الحساس مش العداد......

أنا أقصد اني شوفت سلك الحساس هههههههه معرفش أفك العداد ازاي ههههههههه

**samirayad** · 15-01-2009 09:52 PM

المشاركة الأصلية كتبت بواسطة AM011

أنا أقصد اني شوفت سلك الحساس هههههههه معرفش أفك العداد ازاي ههههههههه

بص ياسيدى....مطلوب الاّتى ...حل فيشة الحساس من الحساس نفسة وشوف وضع النتاية بتاع الفيشة والدكر اللى فى الحساس(لأن ممكن يكون فية بوش داخلى بينهما وبالطبع مش حاتشوفة)...والعيب دة ممكن يخلى نقط التلامس مع المطبات أو التعجيل المفاجىء تنفصل عن بعضها(يعنى واضح كدة ان مفيش جودة توصيل بين الفيشة والحساس...ودة بيطلق علية تلامس ردىءBAD CONTACT

**Strong** · 17-01-2009 08:47 AM

باركولي يا جماعة المشكلة اتحلت

انا لما لقيت كل الأسلاك موجودة وسليمة فقلت يمكن السلك فاصل من جوه والعازل بتاعه موجود ، فخليت واحد جوه العربية وفتحت كونتاكت والعربية سخنة وقلتله لما ينزل العداد شاورلي

وبدأت أحرك السلك لقيته بيقوللي العداد نزل لتحت ، فحاولت أفكه بنفسي معرفتش لكن ثبتته على قطعة حديد بارزة لغاية لما أروح لكهربائي يظبطه ، ومشيت مشوار والحمد لله منزلش لتحت مع المطبات

وشكراااا يا جماعة على المعلومات الحلوة دي

**MMamdouh** · 17-01-2009 01:36 PM

المشاركة الأصلية كتبت بواسطة Badrowi

مقلتليش يا استاذ ممدوح ايه معنى ايه بقى معنى

M E N E W X 9 10

مقولة النجم يونس شلبى فى محاولة تفسير كلمة "منز"

MMamdouh

**samirayad** · 17-01-2009 04:51 PM

المشاركة الأصلية كتبت بواسطة AM011

باركولي يا جماعة المشكلة اتحلت

انا لما لقيت كل الأسلاك موجودة وسليمة فقلت يمكن السلك فاصل من جوه والعازل بتاعه موجود ، فخليت واحد جوه العربية وفتحت كونتاكت والعربية سخنة وقلتله لما ينزل العداد شاورلي

وبدأت أحرك السلك لقيته بيقوللي العداد نزل لتحت ، فحاولت أفكه بنفسي معرفتش لكن ثبتته على قطعة حديد بارزة لغاية لما أروح لكهربائي يظبطه ، ومشيت مشوار والحمد لله منزلش لتحت مع المطبات

وشكراااا يا جماعة على المعلومات الحلوة دي

ألف مبروك......أهو العيب كدة طلع زى ماقولتك من تلامس غير جيد داخل الفيشة بتاعة حساس الحرارة.....روح بقة لكهربائى ينظف الفيشة ويعيد تأمين نقاط الاتصال....ولاحظ أن تحريكك للسلك هو اللى عمل توصيل مؤقت بين الحساس والعداد(ولكن دة شىء مؤقت لحين تأمين الاتصال).....مبروك مرة ثانية