حامل لواء التصدي لحملة خلوها تصدي

**مصراوي جدا** · 13-01-2009 01:33 PM

أنا عملت الموضوع ده علشان اعرض وجهة نظر محددة حبيت تكون واضحة للناس ، وأوضح اني ضد حملة (خلوها تصدي) شكلا وموضوعا وعرضت أسبابي ووجهة نظري ، مع احترامي الشديد لكل القائمين عليها والداعين لها ولآراء كل اللي ردوا في هذا الموضوع.

انا حبيت ان اللي يدخل المنتدى يلاقي الرأي والرأي الآخر ويشغل عقله ويختار اللي هو عاوزه. وكل واحد عنده حرية كاملة في معتقداته وتصرفاته وآراءه طالما مش بتضر الآخرين.

**karimone** · 13-01-2009 03:31 PM

حصل تسريب للبترول في بحر الشمال في انجلترا فده تبعاً خلي سعر السمك يزيد في انجلترا
فالناس امتنعت عن اكل السمك فبالتالي سعر السمك نزل جامد
ديه تجربه معموله قبل كده و نجحت ليه ماتنجحش نفس الفكره
التجار مش هايقفلوا و المصنعيين مش هايقفلوا لو باعوا العربيات بالسعر اللي الناس عايزاه
الحمله هاتنجح إن شاء الله لو كلنا اجتمعنا عليها

**Terrible_DaRsH** · 13-01-2009 03:51 PM

المشاركة الأصلية كتبت بواسطة مصراوي جدا

[CENTER][COLOR=#000000]يبقى في ظل الظروف دي نيجي نقول هنقاطع شراء السيارات ومش هنشتري الا لو الوكلاء نزلوا الأسعار من 30 % الى 50 % ليه هي أرباحهم كانت كام مع احترامي للحسابات الطويلة العريضة اللي فيه ناس عاملينها مطلع العربية ربحها 40% و 50% للوكيل طبعا كلام غير صحيح على الاطلاق
5يعني نرفع شعار خلوها تخرب ونتوقف عن شراء أي أجهزة منزلية لمدة عدة أشهر علشان تجار ومصنعي الأجهزة المنزلية يضطروا لبيعها بالخسارة بخصم 50 و لا 60 %[/B]

وكمان نتجه للهايبر ماركت (زي كارفور وهايبر وسبينس وغيرهم) ونرفع شعار خلوها تخرب ونتوقف عن الشراء منها شهر ولا اتنين ونجيب بقالتنا من البقالين جنب البيت لحد ما يعملوا خصم 50 % على كل البقالة والمنتجات في الهايبر ماركت ويبيعوا لنا بالخسارة وكفاية اوي المكاسب اللي كسبوها.

بص بقي يا عم مصراوى ...
اولا انا شايف انك بتدافع عن شيء فى انحياز شوية ...
فيها ايه لما الناس تشتري بسعر اقل شوية مش هيجرى حاجة لو الوكلاء نزلوا اسعار السيارات شوية وخفضوا من ارباحهم ...
ثانيا بقي :-الحملة دى اتعملت على السيارات بس ليه دخلت فيها هايبر وكارفور والكلام ده كله ..
والله اللى اعرفه ان كارفور وهايبر والكلام ده كله مش حرامية ولا نصابين ..
ولو افترضنا ان الوكلاء بتوع مصر كلهم ناس بتعرف ربنا وزى الفل ...
طب تعالى بقي .. احنا بشترى العربية باغلى تمن وسعر طول عمرنا وده بسبب الحكومة طبعا الوكلاء كلهمش دعوة لان الحكومة هى اللى فرضت الضرائب والجمارك ..
طب احنا عايزين نركب عربيات نضيفة بسعر كويس مفيهوش سرقة واستغلال .. يبقي نعمل حملة نطالب فيها اننا نركب عربيات نظيفة و رخيصة فى نفس الوقت ...
مش نعمل حملة نطالب فيها كارفور انه ينزل من ثمن علبه الصلصة ولا الاكل والشرب لانهم مش غاليين لدرجه اننا نعمل حملة !!!!
انا شايف ان نظام الحملة يتعدل باضافة ( لا للجمارك ولا للمكاسب الخيالية للوكلاء والتجار ولا لغلاء البنزين ) .....
بس كده تبقي الحملة 100/100 وليها هدف صح وشملت كل الفاسدين اللى فى البلد
وشكرا على كده ...

**goofy_in_love** · 13-01-2009 03:59 PM

أنا عملت الموضوع ده علشان اعرض وجهة نظر محددة حبيت تكون واضحة للناس ، وأوضح اني ضد حملة (خلوها تصدي) شكلا وموضوعا وعرضت أسبابي ووجهة نظري ، مع احترامي الشديد لكل القائمين عليها والداعين لها ولآراء كل اللي ردوا في هذا الموضوع.

انا حبيت ان اللي يدخل المنتدى يلاقي الرأي والرأي الآخر ويشغل عقله ويختار اللي هو عاوزه. وكل واحد عنده حرية كاملة في معتقداته وتصرفاته وآراءه طالما مش بتضر الآخرين

عزيزي الفاضل رأي اخر ايه اكيد مفيش حد هيختار الرأي الاخر دا و الموضوع مش خالف تعرف الموضوع اننا بندور علي راحتنا و مصلحتنا فين و اكيد انا و انت و غيرنا احق بالفلوس الزياده بطريقه بشعه في سعر العربيه

**karaktar** · 13-01-2009 04:41 PM

المشاركة الأصلية كتبت بواسطة goofy_in_love

عزيزي الفاضل رأي اخر ايه اكيد مفيش حد هيختار الرأي الاخر دا و الموضوع مش خالف تعرف الموضوع اننا بندور علي راحتنا و مصلحتنا فين و اكيد انا و انت و غيرنا احق بالفلوس الزياده بطريقه بشعه في سعر العربيه

راحتك ومصلحتك على حساب الاف العمال اللى هايتسرحو من المصانع والشركات اللى بيشتغلو فيها ماهما دول بردو غلابه زينا زيهم
انت عايز تركب عربيه مرفهه ويلا نفسى
والاسعار فعلاً نزلت ومتهايألى مش هاتنزل اكتر من كده واللى انتو عايزينو حصل عايزين ايه تانى
ياريت بأه نبطل أنانيه
مع احترامى

**sherif Anton** · 13-01-2009 06:41 PM

المشاركة الأصلية كتبت بواسطة karaktar

راحتك ومصلحتك على حساب الاف العمال اللى هايتسرحو من المصانع والشركات اللى بيشتغلو فيها ماهما دول بردو غلابه زينا زيهم

لو الناس فكرت بالمنطق العاطفي ده يبقى كارثة ... لأني بالشكل ده هكون بساعد على انتشار الفساد لما يكون عندي تاجر او صاحب مصنع والجشع مالي قلبه وعمال ينهش "بالملايين" ويرمي شوية "ملاليم" للعمال بتوعه واقول اني هشتري من الراجل ده علشان خاطر اللي شغالين عنده يبقى بكده هكون بساعد الراجل ده انه يستمر في جشعه ... انت بالشكل ده يبقى بتساعد "مئات" الاشخاص على حساب "الملايين" من الاشخاص الاخرى

... بلاش العاطفة الزياده تخلينا نشجع على زيادة الجشع والطمع لتاس معندهاش قلب اساسا ...

**mk20022002** · 13-01-2009 06:50 PM

http://www.aljazeera.net/NR/exeres/0...38FCBEB3D7.htm

**mk20022002** · 13-01-2009 06:54 PM

http://www.aljazeera.net/NR/exeres/C...0AFAF936D6.htm

**hamode89** · 13-01-2009 07:14 PM

يا جماعه مش كده يعني هو البش مهندس طارق هوا اللي حاطت الاسعار دي

المشكله كلها في الجمارك والضرايب مش في الوكلاء
يعني الوكيل بيكون مكسبه مش زي الحمارك اللي بتوصل ل300% من سعر العربيه
انا من رأي ان الحمله تكون(لا لغلاء الجمارك ولا لغلاء البنزين)
وده برضو ميمنعش من اني الوكلاء يرخصو شويه في سعر السيارات

تحياتي