الموضوع: حامل لواء التصدي لحملة خلوها تصدي

هى حضرتك طبعاً وجهه نظر تستحق الدراسه... أعتقد المشكله ان احنا اتعودنا على ان التجار أو رجال الأعمال أو الباعه بصفه عامه بيخطفونا "مقص حرامية" و يحاولو يشيلو الواحد البيعه بأسعار مغالى فيها و يجرى و علشان كده الناس دلوقتي بتحاول ترد للتجار القلم بس هيا فعلاً ممكن جداً أخرتها تبقى خراب على الكل لأن فى الأخر ما هو اللى واقف فى المعرض أو اللى شغال فى المصنع ده أخويا و أخوك.

لكن....

بعد أما اتفقت معاك على احتمالية النهايه التعيسه على الكل اسمح لى أقول ان فعلاً التجار بيفترو، مش بس فى السعر، كمان فى الأسلوب و بيتعاملو مع المشترى على أنه غصب عنه حيشترى... هنا بقى نيجى للمهم... لازم التاجر يفهم انه لازم يبزل مجهود علشان يرضى الزبون لازم يقبل انه زى ما بيكسب كثير (طبعاً مش 30 أو 40%... يمكن بالكثير 10%) لازم يكسب الزبون برده... الناس بره فى موسم التخفيضات بتنزل فعلاً الحاجه بالـ50 و الـ75% مش زى عندنا يكتبلك على الفترينا "تخفيضات حتى 80%" و تخش تسأل تلاقيها على جوز شربات و غلباً بيكونو خلصو!!! لازم التاجر يعرف ان الزبون هو الأساس، مش التاجر ولا السلعه... الزبوووون!

نهايةً... أعتقد ان - على رأى جدى الله يرحمه - خير الأمور الوسط... حبه من هنا على حبه من هنا و الدنيا تمشى... أكيد مافيش حد عايز يوقف حال البلد بس فعلاً على رأى الحج سيد... "خلى شويه عليه و شويه عليك"

طبعا مع احترامنا لوجهة نظر حضرتك

الناس مش عايزه حد يخسر ولا عايزين نخرب بيوت

لكن عايزين سوق السيارات في مصر يكون حاله زي حال اسواق السيارات في العالم كله

من ناحية :
1- الربح يكون معقول مايكونش فيه جشع ويتناسب مع حال المواطن المصري والحالة الاقتصاديه السيئة اللي عايشينها قبل العالم
2- لازم يكون فيه عروض وهدايا وإغراءات للشراء ... روح شوف الخليج ... تامين وترخيص مجاني ... صيانات مجانية ... كوبونات بنزين ... هدايا ... خصومات خاصه جدا للكاش ... اشتريها النهارده وادفع اول قسط السنة الجاية ... الخ
3- الاوبشنز اللي بتتشال من العربية وتعتبر اساسيات في كل دول العالم !!!
4- تحسين خدمات مابعد البيع .. من صيانة وتوفير قطع الغيار ...مش بيع واجري !

يعني من الاخر التاجر الشاطر هو اللي هيقدر يكمل ... واللي بيضحك عالناس ويستغلهم يبقى يقفل احسن .

اسف عالاطالة

و بعدين سيادتك بتتكلم عن الاسعار بس ليه , ليه مافيش حد بيتكلم عن مواصفات و نوعية السيارات الزبالة اللي هنا في مصر عربيات منزوعة من كل حاجة

يعني الدايو او الهيونداي اللي هما أكتر حاجة في شوارعنا هنا زي اللي بيمشوا في الخليج و لا أوروبا

أقسم بالله أنا لسه الاسبوع ده شايف لانوس فيها اللي بيقولوا عليه هنا كماليات ( ايرباج - اي بي اس - ملتي فانكشن - فتحة سقف - موتور 1600 سي سي - أوتوماتيك ) و سعرها اقل من هنا بكتيييييييير و ده مثل مش هاأقولك بقي فيرنا و لا النترا و لا لانسر

يعني لما العربيات اللي عندنا منزوعة من كل الحاجات دي و تبقي أغلي يبقي ده أسمه ايه ؟؟؟

يا راجل عيب ... ده أحنا مش بس نعمل مقاطعة ده أحنا من حقنا نعمل ثورة و نولع لهم في التوكيلات بتاعتهم

بس هاأقولك أيه , حسبي الله و نعم الوكيل في اللي بيظلمونا و بينهبونا

كلام جميل للأخ صاحب الموضوع ..
بس سؤال : هل دي وجهة نظرك الشخصية أم وجهة نظر وكيل سيارت ميتسوبيشي في مصر؟؟
أنا أسف إني أختلف مع حضرتك ولكني شايف بوضوح كلام لا يختلف كثيرا عن هذا الكم الهائل من المقالات " مدفوعة الأجر" والحوارات التليفزيونية الترويجية للسيارات التي تحاول بكل قوة أن تقنع المستهلك المصري " الغلبان" إن الأسعار هاتزيد مش هاتقل
يعني حضرتك تقول إيه في شوية جهلة من إدارات تسويق الوكلاء يطلعوا علينا بمنتهى الاستخفاف إن العربية الفلانية زادت 10000 جنيه وبعدها بيومين تلاتة يعلنوا عن تخفيض 2000 جنيه ؟؟!!
بزمتك دا يبقى اسمه إيه ؟ - يبقى اسمه قلة أدب
أنا متفق معاك في تغيير شعار الحملة " خلوها تخرب "
ماهو الخراب طايل المستهلك كده كده..لأ يبقى يطول الوكلا كمان وكفاية عليهم قوي الملايين بل المليارات اللي في حساباتهم ..
مفيش مشاكل خلوها تخرب

وتعتقد حضرتك لو احنا مش فى الازمة دى والسوق فى الوضع الطبيعى والوكيل قدر انه يستورد العربيات بسعر ارخص هل ممكن انه يحفض الربح بتاعه عشان يكسب المستهلك بالعكس ده حيرفع السعر اكتر ويزود مكسبه
ده غير بقى الاسلوب المستفز للوكلاء تحجز العربيه وتختار اللون ابيض مثلا يعنى وبعدين يكلمك يقولك للاسف مفيش ابيض فى اسود ينفع !!
وبعدين يكلمك تانى يقولك للاسف يا فندم الدولار والين واليورو زاد والشحن غلى والعربيه زادت 3 الاف جنيه عن السعر اللى كنا اتفقنا عليه
وطبعا متقدرش تعمل حاجه
دلوقتى جت الفرصة للوكلاء يتعلمو ازاى يحترموا المستهلك ويعرفوا ازاى يتعاملو معانا بقواعد واضحه
وتانى حاجه طبعا العربيات اللى بتيجى مفكوك منها كل حاجه وناقصة اغلب كمالياتها
وعلى فكرة محاولاتكو كلها ان شاء الله حتفشل ده لسبب بسيط ويتلخص فى كلمة واحده العند
الوكلاء عندهم عند رهيييب تجاه المستهلك وبيتعاملو معانا بتحدى غريب كانهم داخلين معركة معانا يعنى بالمنطق الاقتصادى بيقول انك تخسر 30% فى المية دلوقتى احسن ما تخسر 100% بعدين ويمكن اكتر لكن طبعا لا الوكيل رافض فكرة الخسارة اصلا ميعرفش فى حياته غير الاربااااح بس رغم ان التجارة مش كده ابداااااااا
انا فى مرة صااحب معرض سيارات بقوله العربيات بترخص والتجار حتخسر خفض هامش الربح بتاعك دلوقتى احسن ما تخسر بعدين وكان رده انه عنده اهون يولع فى العربيه احسن ما يبيعها بخسارة جنيه

أذا مامعني أن تظل الاسعار في مصر علي حالها أذا كان الوكلاء قد أشتروا من الخارج في ظل هبوط الاسعار بالخارج ليبيعوا بنفس الاسعار بل ووصل الامر ببعضهم أن يعلن زيادة الاسعار 10000 جنيه

هذا هو الجشع بعينه ثم اليست دول الخليج و السعودية بقريبة منا ام نحن نعيش في كوكب تاني

كيف تنخفض الاسعار بكل هذه الدول و هنا في مصر و لا كأن شئ يحدث

كما أن حكومتنا الرشيدة تتبع منذ سنوات سياسة السوق و تشجع رجال الاعمال الذين طالما غنوا علينا أغنية العرض و الطلب

أذا هذا هو مبدأ السوق عرض و طلب و نحن لا نستطيع الشراء بهذه الاسعار و لا نحتاج لهذه السلعة بهذا السعر , يأما تنخفض الاسعار يأما يخلوا بضاعتهم عندهم و بين البائع و الشاري أيه ؟؟

و صدقني عندما تنجح هذه الحملة في مجال السيارات ستنفتح الابواب لحملات أخري لسلع أخري لان الجشع و الاستغلال قد أستشروا في هذه البلد فلا تستعجل عزيزي المصري فالمقاطعة قادمة و الخراب قادم لا محالة سواء قاطعنا أم لم نقاطع

+1111111111111111111111111111111111111111111111111 111111111111111111111111111111111