بتعللي الغيار عند الفين ولا تلت الاف

**sab3aawy** · 16-03-2009 12:03 PM

المشاركة الأصلية كتبت بواسطة halloween

على حد علمى ان ده اسواء للمحرك بكثير من انك تمشى على غيار قليل و على RPM عالى

كلام سليم جدا، لا يستحب نهائيا السير على اقل من 1800 RPM لفترة طويلة لأن هذا يتيح لنوعين من انواع الضرر الحدوث، اولهما اتاحة الفرصة للتسقيف وده مضر جدا للمحرك، وثانيهما ان السير بسرعة بطيئة يعنى احتراق بارد وهو ما يسمح لأكاسيد المكونات الضارة للبترول بالذوبان فى بخار الماء المتكاثف فى نهاية دورة الاحتراق وتكون ابخرة احماض الكبريتيك والفوسوفريك التى تسرع بتآكل صبابات العادم ومنطقة العادم فى وش السلندر والفرن والشكمان

**Fadi Ezzat** · 16-03-2009 12:08 PM

المشاركة الأصلية كتبت بواسطة sab3aawy

البيكات هى جزء من نظام الكاربراتير والذى لم يعد موجودا فى السيارات الحديثة بعد احلال نظام الحقن الإلكترونى مكانه، السيارات الحديثة ليس فيها بيكات

شكرا ليك على المعلومة معلش بقى هستريا منى

**dr_timo** · 16-03-2009 03:20 PM

طيب ايهما افضل ابقي عالرابع والمؤشر يبقي علي الفين وخمسومية الي تلاتة ولا امشي عالخامس والار بي ام الفين انا بلاحظ ان صوت الماتور هادي في الحالة التانية فبعمل كدة ديما بس استاذ سبعاوي بيقول ان افضل استهلاك للبنزين واداء للمحرك وافضل له انه يكون مبي الفين وسبعومية وتلة الاف وخمسومية فهل اا بعمل صح ولا المفروض مقلقش اوي من صوت الماتور العالي بدل انا لسة ماعدتش التلت تلاف وخمسومية لفة

**sh23** · 16-03-2009 03:26 PM

المشاركة الأصلية كتبت بواسطة dr_timo

طيب ايهما افضل ابقي عالرابع والمؤشر يبقي علي الفين وخمسومية الي تلاتة ولا امشي عالخامس والار بي ام الفين انا بلاحظ ان صوت الماتور هادي في الحالة التانية فبعمل كدة ديما بس استاذ سبعاوي بيقول ان افضل استهلاك للبنزين واداء للمحرك وافضل له انه يكون مبي الفين وسبعومية وتلة الاف وخمسومية فهل اا بعمل صح ولا المفروض مقلقش اوي من صوت الماتور العالي بدل انا لسة ماعدتش التلت تلاف وخمسومية لفة

****
*أعتقد أن 3500 حلو وصوت الموتور مبيبقاش عالي قوي
* لكن ممكن حالة العربية تفرق ... جديدة يبقي ما فيش مشكلة والصوت مش ها يعلي.... لو موديل قديم وماشية مسافة كبيرة ممكن الصوت يعلي

**فادى** · 16-03-2009 04:03 PM

الموضوع مواصفات المحرك, أفضل نقطة تنقل عندها هى بعد أقصى عزم للمحرك, و دى النقطة اللى بينقل عندها الفتيس الأوتوماتيك.
ممكن طبعا تنقل قبلها بشوية, خاصة لو فى النقلات الاولى, و عموما الدليل بتاعك فى النهاية هو صوت المحرك, لا تخليه يسقف و لا تخليه يعلى, و دى بتيجى مع الوقت و تعودك على العربية.
و صعب انو عربية 1600 أو 1300 تنقل قبل 2000 ار بى ام, الكلام ده انا مشفتوش الا فى المرسيدس 3000 سى سى, دى نوعية المحركات الوحيدة اللى ممكن تمشى بيها على اقل من 2000 ار بى ام دون مشاكل.