نصف مليار مخالفه فى سنه - من ملفات المرور

**mada121977** · 11-01-2009 08:57 PM

ومازال مسلسل الجبايه على فلوس الناس مستمرا تحت اسم قانون المرور ..

**human** · 11-01-2009 09:37 PM

جبايه ديه برضه بالاتفاق
بس ده اسمه نصب سرقه هبل استهبال نقى اللى يريحك

**Dr.A.Nabil** · 11-01-2009 09:45 PM

والله يا طارق البلد دي خلاص
مفيش امل فيها

**human** · 11-01-2009 10:01 PM

يعنى نعمل ايه يا احمد؟
نسيبها ونمشى ولا نعمل ايه بس؟
انا قرفت بجد اخد مراتى وولادى واسيب بلدى وادور على مكان تانى يحترمنى؟؟ زهقت

**إبراهيم.صادق** · 12-01-2009 12:13 AM

يا باشا الطبيعي دلوقتي ان الجرائد القومية والتصريحات الحكومية بتفترض ان مافيش حد بيقراها ولو حد قراها مش بيفكر في اللي بيقراه عشان كدة تبص تلاقي كلام كتير مالوش اي منطق أو أي معنى من نوعية الخبر بتاع المخالفات ده

**MoToRiZeR** · 12-01-2009 04:48 PM

المشاركة الأصلية كتبت بواسطة abo_hosni

يعني أعتقد أن تقدير المخالفات حسب النية. هتروح تدفع تلاقي مخالفات انت عملتها و متوقع تلاقيها عندهم---->تلاقيها اختفت
و مخالفات تلاقيها متسجلة عليك و انت ما عملتهاش. عادي

ده بجد حقيقي انا لسة مجدد حالاَ
انا رايح و انا عارف إن فيه مخالفتين هلاقيهم لا محالة لأن شفت العسكري و هما بيكتبهم بعينيا و منهم مخالفة إتخانقت فيها مع العسكري لأنه فتح الإشارتين مع بعض و بعد كدة أخدني مخالفة كسر إشارة .

رحت أجدد دفعت مخالفتين صف تاني في السيدة زينب (عمري ما رحت هناك) .

**human** · 12-01-2009 04:52 PM

انا مره جابولى مخالفتين فى جاردن سيتى و العربيه كانت عمرها ماوصلت للتحرير حتى

و اخر مره العربيه انا شايل منها بلاوى مخالفات ملزوقه على الزجاج و قالولى 5 جنيه فقط :)

اكيد الراندم ثيورى مالقططش معايا

او الناس السوبر اللى بيكتبوا ماشافوش رقمى صح

**Terrible_DaRsH** · 12-01-2009 05:04 PM

المشاركة الأصلية كتبت بواسطة human12

انا مره جابولى مخالفتين فى جاردن سيتى و العربيه كانت عمرها ماوصلت للتحرير حتى

طب احمد ربنا بقي انك ملاقتش مكتوب
( مسئول عن تفجيرات 11 سبتمبر ) ..

**goofy_in_love** · 12-01-2009 05:08 PM

اضحككم رحت اشوف مخالفاتي ايه لقيت الراجل بيقولي 600 جنيه مع العلم اني لسه مجدد الترخيص من اقل من شهرين قلتله طيب دي مخالفات ايه و الا يوم كام قالي مش هينفع اقولك قولله ليه قالي ممنوع ادفع الاول و بعد كدا اشتكي قولتله انا مش عايز اشتكي انا عايز اعرف دي مخالفات ايه قالي ممنوع ممكن اعرف بقي هوا ايه اللي ممنوع هوا سر و الا ايه و كنت هتخانق معاه الصراحه بجد حكومه زي الفل ولا عزاء للطبقه المتوسطه

**D . a .\ AYMAN** · 14-01-2009 12:23 AM

أنا أفتكر من فترة كده قد 10-12 سنة كنا لسه جايبين عربية وكانت زيرو ولما جينا نعمل التجديد بتاعها بعد حوالي 3 سنوات كان عليها مخالفات تاريخ إرتكابها قبل تاريخ شراء السيارة الزيرووووووووووووووووووو