الموضوع: تجربتي مع الفتيس الاتوماتيك الياباني

بسم الله الرحمن الرحيم
انا يا جماعه بقالي فتره اعتقد ان هي طويله بسوق سيارات اتوماتيك علي مدي 10 سنين تم شراء 3 سيارات في هذه الفتره هما بالترتيب
1-ميتسوبيشي لانسر موديل 1999 GLX auto zero
2-نيسان صني موديل 2008 EX AUTO zero
3-دايهاتسو سيريون موديل 2008 GL AUTO zero

انا هتكلم علي كل فتيس علي حدا و هشرح استخدام النقلات الموجوده في الثلاث فتايس لان فيه ناس كتير مش عارفه ايه لازمتهم وممكن نتناقش فيهم ولو فيه حاجه غلط ياريت حد يصححلي
(ملحوظه الكلام ده من تجربتي ويقبل الخطأ)


الاول
انا مع اني علي طول بسوق اتوماتيك
ومع ذلك انا مابصدق ان اي عربيه مانوال تقع تحت ايدي
وده مش لان الاتوماتيك وحش بالعكسسسسسس الاتوماتيك حلو جدا من ناحيه الراحه والرفاهيه وكمان احسن للموتور لانه بيريح الموتور ومش بيخليك تحرق عليه زي المانوال
بس المانوال فعلا بيحسسك بقوه الموتور وتحس برد فعل العربيه لما تدوس بنزين ودي حاجه مش بتحسها في الاتوماتيك يعني الاتوماتيك مس بتحس برد فعل العربيه لما تدوس بنزين او تسيب بنزين
الا اذا عملت كيك داون او استعملت زرار الاوفردرايف
يعني انا كان معايا لانسر اتوماتيك كانت 1300 بس فعلا العربيه دي كانت ممتاااااااااازه في سحبها وكنت بشد مع عربيات مانوال وبطلع منهم المهم الفتيس بتاعها فتيس العادي اللي هو 4 نقلات عادي
ومكون من P R N D 3 2 L ومفيش فيه اوفور درايف
بعد كده جبت النيسان صني طبعا حسيت بفرق شااااااااااااسع في السحب
طبعا موديل 2008 1600 وا نجكشن كمان
بس لانسر كانت انعم بكتيييييييير في الموتور وفي نقلات الفتيس
الصني فتيسها خشن نوعا مع طبعا فيه النقلات المعتاده P R N D 2 1 بالاضافه اللي الاوفر درايف اللي هو الزرار الصغير وطبعا الوفر درايف ده هو نفسه النقله D3 في فتيس لانسر بس شكل جديد مش اكتر
عشان برده يديك احساس ان ده اوبشن زياده
بعت لانسر وجبت سيريون 2008 ودي كنت نفسي احيبها مانوال بس ملقيتش وكان حجز وقرف قلت مش مشكله
العربيه دي الصراحه فتيسها غريب شويه عن لانسر مع انها 1300 برده بس انجكشن و 2 كامه و 16 صباب برده فرق بس العربيه دي متحسش انها بتجري غير لما تقرص عليها يعني لو سيبتها تسحب كده تحس انها مش بتجمع لكن لو عملت كيك داون تلاقي تجميع رهييييب
طبعا فتيسها زي الصني P R D N 2 L وفيها اوفر درايف
استخدامات النقلات دي زي مانا بستخدمها يعني لو فيه حاجه غلط حد يصححلي عشان نستفيد كلنا :
1-ال P وده لما تيجي تركن لو ناوي تجرش يعني ودي زي متكون معشق الفتيس في المانوال يعني العربيه ما تزقش حتي لو مش شادد الهاند بريك واهم حاجه انك متحملش العربيه علي الفتيس علي الP عشان غلط علي الفتيس يعني الاول تدوس فرامل وتشد الهاند بريك بحس العربيه تبقي محمله علي الفرامل وبعدين اديها P والاحسن تحمل العربيه علي اي حجر بحيث تبقي ثابته وبعدي شد الهاند وبعدين انقل علي P وطبعا مينفش تجيب الP الا لما العربيه تقف خاااالص وطبعا غلط جدا تجيب الP وانت ماشي يبقي كده الفتيس هيودع
ملحوظه:الصني لازم تنقل علي الP عشان المفتاح يطلع من الكونتاكت
ودي حاجه مش موجده ولا في لانسر ولا سيريون
2-الR ودي طبعا الرجوع للخلف طبعا عشان تنقل من الP للR لازم تدوس علي الزرار
3-الN ودي بتساوي تموير الفتيس في المانوال يعني العربيه تتزق عادي وعشان كده لازم تشد الهاند خصوصا لو راكن علي منحدر والنقله دي ممكن عادي وانت ماشي تمور منها بس مش مستحب يعني
4-الD طبعا دي النقله االي انت بتنقلها في مشوارك كله يعني تجيبها وخلاص علي كده تفضل ماشي عليها مجرد تتحكم في البنزين وانت علي دوست البنزين الفتيس بيظبط نفسه وملوش حد اقصي للسرعه يعني ممكن تفضل ماشي عليه للابد
5-ال D2 دي ليها كذا استخدام يعني ممكن تستخدم كتسقيط نقله بس بسرعه حد اقصي تقريبا 100كم يعني لو ماشي علي سرعه من50 لحد90 ممكن تجيبها وهتحس بنفس احساس تسقيط النقله في المانوال الRPM هيعلي والعربيه هتشد جامد وممكن تستخدمها برده كعزم للعربيه لو طالع مزلقان جااامد ومحمل العربيه جامد وبرده بنفس شروط حدود السرعه اللي قلنا عليها كمان ممكن تستخدم لتحجيم الموتور لو نازل مزلقان جااااااااااامد قوي وخايف العربيه تزحلق منك ودي اعتقد مش موجود منحدرات جامده قوي كده هنا في مصر يعني هما الاستخادمين التانيين وخلاص
6-الD1 ودي زيها زي D2 بس مع فرق حدود السرعه يعني ممكن تستخدم كتسقيط للغيار في حاله الشد او التسارع من0 كم وحتي 40 وحد اقصي 50 كم بعد كده لازم ترجع للD مباشره او تعدي الاول علي D2 لحد السرعه المسموحه له وبعدين تديها الD
يعني اهم حاجه انك ما ينفعش تفضل ماشي علي النقلات دي للابد لان دي ليهم استخدامات في ظروف معينه فقط وكمان النقلات دي بتزود استهلاك البنزين جاااااااااامد وبتكون حمل جامد علي الموتور
بالنسبه للاوفر درايف فده تقريبا بيشتغل من سرعه 80 كم وبحد اقصي 150 كم ويستخدم في حاله السحب المفاجئ يعني عايز تجمع سرعه في موقف طارئ يعني بتعدي عربيه او بتشد مع عرربيه كده يعني وده بيلغي النقله الرابعه ويخلي الفتيس علي النقله الثالثه فقط
طبعا اللانسر الفتيس بتاعها ماكانش فيه ov/d بس كان فيه نقله زياده في الفتيس اللي هي D3 ودي كانت بتكون بعد الD علي طول وهي تستخدم نفس استخدام الالاوفر درايف

فيه نقلات بق بتحتاج دايما ن الواحد يدوس علي الزرار اللي في الفتيس
ومينفعش تنقلها الا بالزرار ده زي ايه هناخوده من فوق لتحت:
1- حاله وجود الفتيس علي الP لااااااااااازم تدوس علي الزرار عشان تنقل علي اي نقله تانيه زي R N D.. وفي حاله النيسان صني لازم ندوس فرامل عشان تعرف تدوس علي الزرار وتنقل من الP
2-في حاله وجود الفتيس علي الR لو عايز تطلع للP يبقي لاااازم تدوس علي الزرار لكن لو عايز تنزل منR للN مش لازم الزرار
4-في حاله وجود الفتيس علي الN لو هتلطع للR لازم زرار لو هتنزل للD مش لازم زرار
3-في حاله وجود الفتيس علي الD لو عايز تطلع للN مش لازم زرار
وبرده لو عايز تنزل علي D2, D3 علي حسب النقله اللي موجوده تحت الD علي طول لكن لو هنزل للD1 لازم زرار
4-في حاله لو D3,D2 لو هنرجع للD مش لازم زرار لو هننزل للنقله اللي تحتها يبقي لازم زرار
4-في حاله وجود الفتيس علي D1 مش لازم زرار خاالص لحد ما ترجع علي الD تاني

P----------->R لازم زرار
R------------>P لازم زرار
R------------->N مش لازم
N-------------->R لازم زرار
N------------>D مش لازم زرار
D------------>N مش لازم زرار
D--------->D2 مش لازم زرار
D-------->D1 لازم زرار
D2--------->D مش لازم زرار
D2---------->D1 لازم ززرار
D1--------D2 مش لازم زرار
D1--------->D مش لازم زرار
وعشان نريح دماغنا ونبقي في السليييييييييييييم ندي ضهرنا للترعه هههههههههههههههه
قصدي نبقي ندوس علي الزرار وخلاص مع كل نقله عشان نبقي في السلييييييييييييييييييييي م
ارجو اني اكون افدتكم ولو حد عنده تعليق او استفسار ممن يقوله او لو انا غلطان في حاجه ممكن حد يصححلي
نرتب بقه العربيات : من وجه نظري انا
1-لانسر الصراحه العربيه دي كانت نعمه جداااااا من حيث صوت الموتور ومن حيث الفتيس والاحساس بالنقلات
2-السيريون صوتها عالي شويه سير الكتينه جنزير وبرده فتيسها في النقله الاولي مش ناعم قوي زي اللانسر
3-الصني وطبعا الصني لازم يكون صوتها اعلا واخشن نوعا ما لانها برده 1600 بس الفتيس بتاعها مش ناعم اوي
ملحوظه:الكلام ده بناء علي تجررررررررررربه شخصييييييييييه يعني مش تأليف وباستخدام 3 سيارات اتوماتيك مخلتفيييييين

واي استفسار تحت امركم ان شاء الله
شريف:k10: