باور الدريكسيون فيه مشكله يا أهل الخبره

**leeamra99** · 13-01-2009 07:55 PM

وان بدور العربيه بعد الشغل لما بحرك الدريكسيون يمين او شمال فيه صوت زنه عاليه دا والعربيه دايره بس ولما فتحت الكبوت والعربيه دايره وجدت ان زيت الباور بيتسرب من جوانب قربة الزيت مع ان الغطا مغلق بس نتيجة ضغط الزيت مع العلم بانها مش مليانه للاخر وصوت الزنه بيروح مع السرعه العاليه وبيظهر فى السرعات البطيئه والباور تقل شويه وروحت للميكانيكى قال ان ماكنة الباور خفت وعابزه تتغير فهل كلامه صح ام ان هناك انسداد فى خراطيم زيت الباور و هل ماكنة الباور بتتصلح ولو هاتتغير بكام ... السياره لانوس كامله مانبوال موديل 2000 اشتريتها من 6 شهور

**badblood** · 13-01-2009 08:21 PM

طبعا ماكينة الباور بتتغير على طول
ممكن اعرف العربية ماشية قد اية؟

**samirayad** · 13-01-2009 09:12 PM

الأول جرب احكام غطاء قربة زيت الباور(أو غيرة اذا لزم الأمر) وأمن رباط القفزان بتاعة الخراطيم الداخل للقربة بتاعة الراجع .....والخارج من القربة والمؤدى الى سحب الطلمبة..وبعد ذلك اضبط مستوى الزيت فى القربة بالتعويض للناقص......لأنة وببساطة شديدة واضح أن أنت بتسمع صوت الزنة دة فى نهاية مشوار الدركسيون سواء يمين أوشمال نتيجة ان الزيت بيكون معظمة موجود داخل أسطوانة بستم جريدة مكبس التوجية(ونفدر نقول عليها اسكترا هيدروليكية)......وبالتالى كمية الزيت الباقية فى الخطوط من التنك الى الطلمبة بتكون غير كافية لأمداد الطلمبة باحتياجاتها....وعلشان كدة بتسمع صوت الزنة فى نهايات التوجية.........أما كونك لاتسمع الصوت مع السرعات العالية للسيارة فدة علشان صوت المحرك بيبقى لة السيادة....وطاغى على أى صوت......وطبيعى فى الحالة دى ان الباور حيتقل........وجرب وقولى

**leeamra99** · 13-01-2009 10:30 PM

العربيه عامله 190.000كلم بس انا شاريها من 6 شهور وكان الباور تمام و معرفش اذا كان صاحب العربيه غيرها قبل كده ولا لأ وهااجرب احكم الغطا واشوف بس فى السرعات الباور بيبقى تمام ولاحظت ايضا لما بتبقى العربيه سخنه اما لما بتبرد واسيبها شويه بترجع الزنه تانى

**moby** · 13-01-2009 10:49 PM

المشاركة الأصلية كتبت بواسطة leeamra99

العربيه عامله 190.000كلم بس انا شاريها من 6 شهور وكان الباور تمام و معرفش اذا كان صاحب العربيه غيرها قبل كده ولا لأ وهااجرب احكم الغطا واشوف بس فى السرعات الباور بيبقى تمام ولاحظت ايضا لما بتبقى العربيه سخنه اما لما بتبرد واسيبها شويه بترجع الزنه تانى

السيارة عاملة 190000 كم أعتقد كده ممكن تكون طلمبة البور محتاجة تتغير...
ممكن أعرف أشترتها بكام ؟؟ لو ماكنش فيها مضايقة !!

**Badrowi** · 13-01-2009 11:07 PM

الأول جرب احكام غطاء قربة زيت الباور(أو غيرة اذا لزم الأمر) وأمن رباط القفزان بتاعة الخراطيم الداخل للقربة بتاعة الراجع .....والخارج من القربة والمؤدى الى سحب الطلمبة..وبعد ذلك اضبط مستوى الزيت فى القربة بالتعويض للناقص......لأنة وببساطة شديدة واضح أن أنت بتسمع صوت الزنة دة فى نهاية مشوار الدركسيون سواء يمين أوشمال نتيجة ان الزيت بيكون معظمة موجود داخل أسطوانة بستم جريدة مكبس التوجية(ونفدر نقول عليها اسكترا هيدروليكية)......وبالتالى كمية الزيت الباقية فى الخطوط من التنك الى الطلمبة بتكون غير كافية لأمداد الطلمبة باحتياجاتها....وعلشان كدة بتسمع صوت الزنة فى نهايات التوجية.........أما كونك لاتسمع الصوت مع السرعات العالية للسيارة فدة علشان صوت المحرك بيبقى لة السيادة....وطاغى على أى صوت......وطبيعى فى الحالة دى ان الباور حيتقل........وجرب وقولى

استاذ ورئيس قسم
والله انا حاسس ان الاستاذ ممدوح و

الاستاذ سبعاوى هما اللى بيردوا

**samirayad** · 13-01-2009 11:11 PM

المشاركة الأصلية كتبت بواسطة leeamra99

العربيه عامله 190.000كلم بس انا شاريها من 6 شهور وكان الباور تمام و معرفش اذا كان صاحب العربيه غيرها قبل كده ولا لأ وهااجرب احكم الغطا واشوف بس فى السرعات الباور بيبقى تمام ولاحظت ايضا لما بتبقى العربيه سخنه اما لما بتبرد واسيبها شويه بترجع الزنه تانى

جرب زى ما قولتلك.الأول....موضوع احكام دائرة زيت الباور.....وأهو انت بتقول لسة شارى العربية من 6شهور...وكان كلة تمام.....وخللى موضوع الطلمبة دة آخر مرحلة

**samirayad** · 13-01-2009 11:15 PM

المشاركة الأصلية كتبت بواسطة Badrowi

استاذ ورئيس قسم
والله انا حاسس ان الاستاذ ممدوح و

الاستاذ سبعاوى هما اللى بيردوا

الله يكرمك يابدراوى.....وانا ليا الشرف انك تشبهنى فى الرد بزملاء أفاضل وأكفاء...مثل الأخوة /محمد ممدوح وسبعاوى

**major_memo** · 14-01-2009 12:03 AM

انا كان عندي نفس المشكلة وبعد ما العربية تمشي شوية الزنة تروح وتبقي تمام
انا بردوا قالولي غيرها بس واحد ابن حلال فكهالي وغسلها وكان في خرطوم كمان بيسرب عملة وركبها تاني بعد ما اتغسلت والعربية بقيت تمام الحمد لله