الموضوع: استفسارات بخصوص الجراند تريوس ال 7 راكب

الف شكر يا octooo على اهتمامك و انك كنت الصراحه مابتتأخرش عن تقديم العون في اسرع وقت.

بالمناسبه هي عربية ابن عمك تقفيل ياباني و لا زي اللي بتيجي مصر تقفيل اندونيسي.

انا شاء الله هاروح معرض الاهرام فورميلا اللي هايبدأ يوم ٢١ يناير.

عندي أمل ان يكون في عروض كويسه على الجراند تريوس خاصة اني بعت عربيتي القديمة في رمضان اللي فات و مستني كل ده يمكن العربيات سعرها ينزل بس انا قربت ازهق و شكلي هشتري قريب وخلاص اذا ربنا اراد

الف شكر يا octooo على اهتمامك و انك كنت الصراحه مابتتأخرش عن تقديم العون في اسرع وقت

العفوووووووووووووو انا تحت الخدمة

بالمناسبه هي عربية ابن عمك تقفيل ياباني و لا زي اللي بتيجي مصر تقفيل اندونيسي

لا تقفيل يابانى (بس مش هاتفرق كتيير )

عندي أمل ان يكون في عروض كويسه على الجراند تريوس

يارببببببب وعلى فكرة العربيات لو هترخص هيقولوا سعرها الجديد فى المعرض فانت استنى وربنا يكرمك

بفضل الله حجزت جراند تريوس, دفعت الف جنيه حجز و ان شاء الله اكمل باقي المبلغ و استلمها خلال الاسبوع ده ان شاء الله.

أنا حجزتها من الوكيل و سعرها عنده 155 الف جنية بس قرأت في أهرام الجمعه ان شركة عربيات عامله تخفيض و بتبيعها ب 153 الف, طبعا ده تخفيض تعبان بس كل و احد بيقول انا اولى بأي فرق في السعر.

كنت عايز أعرف أيه رأيكم و هل في ميزه اني أشتري من الوكيل نفسه (هدايا , تخفيض في الصيانة , ... ) ولا كلو زي بعضوا و سؤال كمان هل لو في سعر مختلف في موزع ما, الواحد يقدر يقول الكلام ده للوكيل يمكن يعمل أي تخفيض و لا يبقى جدال على الفاضي

جزاكم الله خيرا و أسف على الاطاله.

المشاركة الأصلية كتبت بواسطة salsa10

السلام عليكم م.ابراهيم
أنا عندي تريوس 7 راكب خليجي اشترتها في شهر 12 والعربية جامدة جدا سحبها عادي ذي كل الأوتوماتيك
وكمان الأوتوماتيك المسار متعرج بسيط جدا علشان الأمان ومفيش فيه مشكلة وهو تعود عليه فقط
التقفيل ممتاز وتحس انه ياباني مش اندونيسي
والعربية تشعر انها 4*4 مش 4*2
وانا قبل ما اشتريها دخلت على نايل موتورز وكله شكر فيها والحمدلله وجدتها
ذي ما قالو
ولو حبيت تسأل عن حاجة أو تشوفها أنا جاهز ودة رقمي بعد إذن الإدارة 0101101074 صلاح عسكر

ربنا يكرمك يا أستاذ صلاح و يباركلك في العربيه و يديك خيرها و يكفيك شرها.
جزاك الله خيرا على مساعدتك و على ذوقك و ربنا يكرم كل اعضاء المنتدى الجميل على تعاونهم, الصراحه ده احسن منتدى عربي في مجال السيارات.
انت طمنتني زيادة و الحمد لله انا حاسس انها عربيه كويسه و ربنا يسهل و يرزقني بيها قريب.

عندي سؤال كده و يا رب تكون الاجابه مطمئنه, اذا كنت قبل كده حملتها على الاخر, يعني ركبت 7 بالغين, ايه أخبار السحب, سيء ولا معقول, انا عارف انها 1500 سي سي يعني مش قويه أوي, و أنا بردو مايهمنيش انها تكون بتجري قوي, أنا أخري 110 - 120 بس اللي يهمني سحبها في السرعات البطيئه, يعني و انا طالع من اشارة أو بحاول اتجاوز حد بطيء و عايز أدوس على البنزين شويه.

معلش أنا طولت قوي و جزاك الله خيرا و كل من ساهم في توضيح مميزات و عيوب هذة العربية, لكي تعم الفائدة