الموضوع: انا جبت السيبا برايد الجديده

السلام عليكم ورحمة الله وبركاته،،،
استاذ توفيق من خلال مناقشاتك مع السادة الزملاء بخصوص السايبا برايد ومميزاتها وعيوبها خلانى افكر جدياً فى شرائها ورحت شفتها فى احد المعارض عندنا فى السويس بس الهاف اوبشنز وصراحة العربية كمحرك وكتقفيل عربية كويس جداً بس الكل بيعيب على التقفيل الداخلى وده على فكرة عيب سائد فى العديد من السيارات بس العربية واسعة جداً جداً جداً انا طولى 190 سم وقعدت فيها مستريح قوى وصاج العربية زى اللادا القديم بصراحة عجبانى وبفاضل بينها وبين اللادا 2107 الاوكرانى 1500 انجيكشن 78 حصان فول اوبشنز والرينو لوجان المغربى 1400 بس يعاب عليها ارتفاع اسعار قطع الغيار وصراحة انا ميال للبرايد بس مستنى ينزلو الكاملة الرياضية وحقيقي انا حيران ايه رايك وباقى الاعضاء وتحياتى

المشاركة الأصلية كتبت بواسطة essam2222

السلام عليكم كولكومممممممممممممممممممم مم
ويارب تكونوا بالف خير وسعادة
ويارب يا استاذ تمورة (توفيق)تكون بالف خير وسعادة والاسرة السعيدة بالف خيريارب العالمين
الف مبروك على الكوتش ومبروك على الارض وتدوب الكوتس بالخير ان شاء الله
بوص يا سيدى
انا لاقيت ان مقاس الكوتش عندى 165/65/13ودا بتاع العربية نفسه
وحضرتك ركبت نفس الكوتش بس الفرق ان بدل ما 65 اللى عندى بقى 70 اللى عندك
السؤال بقى
هل فى فرق مابين عندى وعندك فى التتغير دا يعنى مش المفروض ان يكون الفرق فى رقم 13؟ ولا الرقم اللى هو 65 او 70 بيعمل فرق جامد؟
وياريت يا باشا تقولى عنوان المحل واسمه واسم الكوتش علشان اروح واعمل زيارة عليه
بس على فكرة انا زعلان منك
علشان انتا متصلتش بيا علشان انزل معاك
بس لو طلع ان الراجل دا عنوانه فى مصر الجديدة بجد بجد حزعل جامد علشان المفروض اعمل الواجب مع حضرتك علشان كنت فى ضيفتى
بس ولا يهمك انا بهرج مع حضرتك طبعا انتا تشرفنى فى اى وقت
وكل سنة وحضرتكوا بالف خير يا اجمل رابطة فى العالم
لا اله الا الله

لا انا ماقدرشى على زعلك ياعم عصام الراجل بتاع الكوتش ده جنبى فى فيصل وانا بتعامل معاه من ايام 128 مش فى مصر الجديده مبسوط كده
نيجى لتعريف الارقام
13 ده رقم الجنط او مقاس الجنط وده تحديدا لا يفضل تغيره مقاسه نهائيا حتى فى اى نوع من السيارات
الرقم الصغير 65 ده ارتفاع الكوتش عن الارض
الرقم الكبير 165 ده عرض الكوتش
اما اللى خلانى اركب 70 علشان اعالج الدبه بتاعه الكوتش علشان المقاس الاكبر بياخد هواء اكتر
اما اللى خلانى اركب نفس العرض 165 وماعرضشى لسببين
1- نوع الجنط الاسبور اللى مركبه كان هايخلى العجل بارز للخارج
2- علشان فى الكتلوج فى توصه ب 165 ولى كان ينفع اعرض كانو قالو ده فى الكتلوج
بس كده وارجو انك ماتزعلشى

المشاركة الأصلية كتبت بواسطة tamergalal

السلام عليكم ورحمة الله وبركاته،،،
استاذ توفيق من خلال مناقشاتك مع السادة الزملاء بخصوص السايبا برايد ومميزاتها وعيوبها خلانى افكر جدياً فى شرائها ورحت شفتها فى احد المعارض عندنا فى السويس بس الهاف اوبشنز وصراحة العربية كمحرك وكتقفيل عربية كويس جداً بس الكل بيعيب على التقفيل الداخلى وده على فكرة عيب سائد فى العديد من السيارات بس العربية واسعة جداً جداً جداً انا طولى 190 سم وقعدت فيها مستريح قوى وصاج العربية زى اللادا القديم بصراحة عجبانى وبفاضل بينها وبين اللادا 2107 الاوكرانى 1500 انجيكشن 78 حصان فول اوبشنز والرينو لوجان المغربى 1400 بس يعاب عليها ارتفاع اسعار قطع الغيار وصراحة انا ميال للبرايد بس مستنى ينزلو الكاملة الرياضية وحقيقي انا حيران ايه رايك وباقى الاعضاء وتحياتى

انا ليه راى فى الامور دى اولا اتفرج كويس على العربيتن واعرف اسعارهم واسعار قطع الغيار ومدى توافرها خارج مراكز الخدمه ومدى ملائمه هذه الاسعار لحضرتك
ثانيا راحتك النفسيه اهم اهم من كل شئ وربنا يوفقك فى الاختيار السليم

المشاركة الأصلية كتبت بواسطة sawsn

ازيك يا استاز توفيق-----طيب تنصحنى ابعد عن اللوجان---طيب انا اول مره اسوق تنصحنى بايه---فى قطع الغيار المعقوله---السابيا ولا الللانوس --ولا ايه عايزه نصيحتك ياريت تفيدنى للانك قلت لى على الرينو اللوجان قطع غيرها غاليه---يعنى السبيا فى الشكل زى الشاهين والفايات ولا احسن فى الشكل--وتقيله على الايد للبنت --معلش كترت عليك بس انت ادرى بالحاجات دى فياريت ترشح لى نوع سياره اشتريها---وشكرا لك

استاذه sawsn ارجو ان حضرتك ماتزعليش منى واضح انك متردده جدا
انا ماقولتش ان اللوجان غاليه انا وضعت لحضرتك اسعار قطع غيار السيارتين فقط وتركت لكى حريه الاختيار هو بالفعل اسعار غيار اللوجان غاليه بس اسمها رينو علشان كده اغلى من البرايد وفى نفس الوقت المرسيدس اغلى من الاثين صح
اما دخول اللانوس المقارنه فده معناه التردد ثم التردد
انا عارف ان حضرتك خايفه من الفشل بس مين قال لحضرتك ان المقايس فى الاختيار السعر والجوده فقط
فى اشياء اخرى كتيره زى ؛-
1- الراحه النفسيه للسياره
2-الامكانيات الماديه فى الشراء والصيانه
3-تدوير السياره فى البيع يعنى بيعها سهل
4-توافر المتخصصين فى تصليحها مستفبلا
5-الواحد ممكن يجيب عربيه ويطلع فيها عيوب تصنيع هى هاتتصلح فى التوكيل ومجانا بس هاتخلى الواحد يقفل منها
العربيه زى الصاحب لازم احبها علشان تبادلنى الحب صح ولا غلط