انا جبت السيبا برايد الجديده

**مصطفى مغربي** · 13-03-2009 09:03 PM

أ / توفيق
البقاء لله ....
و انا على فكرة متابع الموضوع من الأول بس لي فترة لم أشترك معكم و بشكر حضرتك فعلا على الجهد المبذول منك و ردك على جميع الأستفسارات و بحق أصبح هذا الموضوع كموضوع استشاري لمن يريد شراء السايبا .
و انا ان شاء الله ناوي أكيد اشتريها بس انا اشتريت من اسبوع عربية 128 أتعلم فيها السواقة علشان صاحبك أبيض خالص و خفت اشتري جديد و ابهدلها معايا . فققرت بعد الأستخارة و الأستشارة أشتري الــ 128 و بعد شهرين أو ثلاثة أبيعها و أشتري السايبا ان شاء الله ... بس أنت ادعيلي
و البقاء لله مرة ثانية

**tawfic** · 14-03-2009 01:13 AM

المشاركة الأصلية كتبت بواسطة samirram

الاستاذ توفيق والاستاذة نريت السلام عليكم
المشاركة الاخيرة لحضارتكم عالية اثارت بعض الجدل نرجو من سيادتكم التوضيح فى اقرب وقت وهى
1- بخصوص استهلاك البنزين انت قلت لنيرنت انها على حق ومش غلطانة فى حساب 270 كيلو خصوصا بعد ماتاكدت من التوكيل هل هذا بالنسبة لسيارة نيرت فقط والمشكلة بسيارتها ام انت ال كنت غلطان فى حساب البنزين وكل سيارات سايبا استهلاكها كدة خصوصا انك ارسلت فاكس للوكيل لمعرفة المشكلة من المصنع نرجو الرد سريعا بعد ازن حضرتك قبل سفرى السبت الى عملى لانى كنت هحجز انا واتنين زملائى وتوقفنا حتى ردك
2- بالنسبة لتغير تيل الفرامل هما غيروة فى التوكيل علشان الصفارة مفروض دة عيب صناعة والسيارة فى الضمان هل دفعت ثمنة ام ماذا حدث معك انت ونريت لاتها غيرت تيل ايضا
3-انت اخذت موقف ايجابى بانك قابلت المدير وشرحت لة المشكلة وعرفت ان لنا رابطة على النت واننا سنرسل شكوى جماعية لجهاز حماية المستهلك اؤيدك فى ذلك بل اكثر اقول للاخت نريت ان تذهب الى التوكيل 42 شارع الطيران بمدينة نصر وتقابل الاستاز عماد عبد النبى رئيس مجلس الادارة شخصيا واذا لم تحل المشكلة تذهب لجهاز حماية المستهلك والسيد اللواء مسروجة الرئيس الجديد للجهازاولوياتة حماية المستهلك وخصوصا مع التوكيلات وترسل للاستاذ خالد اباظة والذى تبنى باخبار السيارات كل سبت صفحة للسيارة ( سيارة الشعب الاقتصادية )عايزين نحافظ على حقوقنا بالاصول والطرق الشرعية اذا حلت المشكلة اطمئنينا ان وراء اى مشكلة وكيل محترم واشترينا وازا امامنا الطرق عالية بل سنقاطع ونرجع للصينى او غيرة احنا مش لقين فلوسنا شكرا ليكم ونرجو الرد وخصوصا نريت تخبرنا بكل شى بالتفصيل

انا اسف جدا على التاخير فى الرد بس للاسف ظروف رجوعى من شغلى مش قبل 12 مسا
اما بخصوص استهلاك البنزين انا عرفت من التوكيل مشكله الاستاذه نريت فى سيارتها وبالنسبالى استهلاك البنزين 450 كيلو فى 35 ليتر
واحب اوضح ان الذى ارسل الفاكس المدير وليس انا
اما بخصوص تيل الفرامل اتغير بدون ان ادفع شى لافى التيل ولا المصنعيه
اما بخصو الرابطه اللى قلتها للمدير كان احساسى انها فعلا رابطه والدليل تراسلنا فى اى مشكله فى السياره مع بعض

**tawfic** · 14-03-2009 01:18 AM

المشاركة الأصلية كتبت بواسطة mustafa_maghraby

أ / توفيق
البقاء لله ....
و انا على فكرة متابع الموضوع من الأول بس لي فترة لم أشترك معكم و بشكر حضرتك فعلا على الجهد المبذول منك و ردك على جميع الأستفسارات و بحق أصبح هذا الموضوع كموضوع استشاري لمن يريد شراء السايبا .
و انا ان شاء الله ناوي أكيد اشتريها بس انا اشتريت من اسبوع عربية 128 أتعلم فيها السواقة علشان صاحبك أبيض خالص و خفت اشتري جديد و ابهدلها معايا . فققرت بعد الأستخارة و الأستشارة أشتري الــ 128 و بعد شهرين أو ثلاثة أبيعها و أشتري السايبا ان شاء الله ... بس أنت ادعيلي
و البقاء لله مرة ثانية

الف شكر ل mustafa_maghraby على التعزيه
اما بخصوص انك اشتريت ال128 لتجرب وتتعلم فيها اعتقد تفكير سليم 100×100 وربنا يكرمك فيها ويبعد عنك شرها وإن شاء الله تغير للاحسن كمان من السايبا

**nertt** · 14-03-2009 10:23 AM

صباح الخير يا جماعة
اولا معلش يا استاذ توفيق من نرفزتي من العربية نسيت اعزي حضرتك .. البقاء لله... والف شكر انك ذكرت الموضوع ده معاهم في التوكيل لانهم كانوا بيقولولي ان ده طبيعي في الزحمة بتاعة بلدنا وطبعا مش من المنطقي ان العربية تكون جديدة وتعمل كده 270 ك فقط يبقى القديم احسن بقي ... وانا هنتظر لما اعمل 100 كيلو وافولها تاني واشوف هتعمل اد ايه وبعد كده يبقي ما فيش حجة تاني واشوف هعمل ايه وربنا يسهل. وفعلا حضرتك ما غلطتش لما قلت انها رابطة ولازم نفضل كده علشان نعرف ايه العيوب وده مايمنعش اننا كلنا معجبيين بالعربية ولها مميزات بس العيوب دي لو عرفوا يحلوها تبقي كويسة وربنا يستر وما يطلعش فيها مشاكل تانية

**essam2222** · 14-03-2009 08:22 PM

مش حقدر ااقولك غير البقاء لله يا اعز اخ
انا حاولت اتصل بحضرتك بس لاقيت التليفون الخاص بحضرتك مشغول علشان اقدم التعازى
وان شاء الله تكون بالف خير وسلامة
وشكرا جدا للاعضاء الكرام على هذا التضامن الجميل الاخوى دا
ويارب كلكوم تكونوا بالف خير وسعادة

**tawfic** · 14-03-2009 11:55 PM

انا بشكر الاستاذه نريت والاستاذ عصام على المشاعر الجميله دى وارجو ان نكون بالفعل رابطه للسايبا ونساعد بعض على قد مارنقدر والف شكر

**أبو صلاح** · 15-03-2009 12:43 AM

البقاء لله يا أستاذ tawfic

**tawfic** · 15-03-2009 02:05 AM

المشاركة الأصلية كتبت بواسطة mobinilo

البقاء لله يا أستاذ tawfic

الف شكر على الروح الجميله دى ويارب يدمها نعمه بينا يارب

**nertt** · 15-03-2009 08:45 AM

صباح الخير يا استاذ توفيق وجميع السادة المشتركين في المنتدي
بالنسبة للكوتش حضرتك غيرته ولا ايه وفي فرق لما غيرته من الاول لان الكاوتش ده تحس وانت ماشي به انك ماشي دائما على مطبات يعني لازم لما تغير الجنوط تغير الكاوتش كمان ومعلش كلفك كم