ده بيحصل كل يوم لنهايه المعرض
عرض للطباعة
يا جماعة انا شوفت العربية دى انهاردة و الى هى شبة العصفورة مش الشكل الجديد و اتفرجت عليها و كانت عجبانى قوى على اساس انى فاكرها مو 2008 مثلا و فوجأت لما عرفت انها مو 96 ف دماغى بقول ازاى ايرانى و مستهلكة فى شوارعنا الجميلة و لسة ماشاء الله عليها ب الحالة دى ولله لسة بكياسها و من برة فابريكة و شكلها فعلا لسة جديدة و المتور بتاعها سحبة جميل و عفشتها مازالت ناشفة ف بجد بعد الى شوفتة انا اقتنعت بيها عن تجربة ....
يا ريت حضرتك توضحلنا ثباتها على الطريق وبالذات فى السرعات العاليه وفى الطرق الى فيها مطبات كتير .....والف مبروك مرة تانيه.
ممكز حضرتك تخبرنا عن التكيف احنا جربناة وكان بارد فقط وحاولنا نجربة دافى لم يعمل وكانت العربية دايرة واقفة وبالسؤال قالوا ان التكيف بارد فقط رغم وجود العلامة الازرق والاحمر واكثر من رد نرجو الافادة من سيادتكم او التوضيح
ممكز حضرتك تخبرنا عن التكيف احنا جربناة وكان بارد فقط وحاولنا نجربة دافى لم يعمل وكانت العربية دايرة واقفة وبالسؤال قالوا ان التكيف بارد فقط رغم وجود العلامة الازرق والاحمر واكثر من رد نرجو الافادة من سيادتكم او التوضيح التكيف فى لانسر دافى وبارد فى دققتين اما السايبا عشرة دقائق بارد ولايوجد دافى نرجو الافادة هل لان السيارة جديدة ولم تمشى بعد ام ان التكييف بهذا الشكل
الف الف مبروك وربنا يباركلك فيها ان شاء الله
على فكره انا كنت بعلم واحد السواقه على الكيا برايد (1999) وكانت تحفه والله وبتجرى ومشاكلها قليله جدا
ونفسى اقنع والدى انه يبيع الريتمو ويجيب العربيه دى زيرو ويسلام بقى لو اتوماتيك (بس هستنى لحد ما ناس تجربها وتحكم)
انا متوقع نجاح ساحق لها لانها اكيد اكيد اكيد هتكون افضل من الصينى اللى فى نفس سعرها
ربنا يعطيك خيرها ويكفيك شرها
ألف مبروك
الله يرزقك خيرها وخير ما فيها ويبعد عنك شرها وشر ما فيها
منتظرين تعليقك عليها
:) :) :)
انا قريت ان تقفيلها مش كويس و السلوك باينه اوى تحت الدريكسيون هل الكلام ده صحيح ولا ايه ؟؟؟؟؟؟
إيه الأخبار يا أخ توفيق بعد مرور 3 أسابيع على شراءك العربية
عملت كام كيلو فى الصفيحة - أخبار التكييف ايه - والعفشة ماسكه نفسها مع المطبات المصرية ولا لأ - وسحبها وصل معاك لحد ايه
ربنا يديك خيرها ويكفيك شرها
كنت عايز اسال عن اماكن الصيانة بالقاهرة
في فرع غير فرع الدقي ولا ده الفرع الوحيد؟
معلش يا استاذ توفيق تعبناك معانا بس ياريت تستحملنا شويه اصل في ناس زي حالاتي هاتكون اول عربيه ليهم في حياتهم هي دي ان شاء الله فاعوزين يتاكدوا انها كويسه الواحد موش هايقدر يجيب عربيه كل يوم............
وربنا يبارك ليك فيها ويكفيك شرها:shyy:
كلام يطمن والله
أنات مستنى أبيع الماروتى بتاعتى عشان أجيبها
مع إنى هزعل أوى على الماروتى عشان هيه عربية ممتازة بس ظروف التغيير والحجم
إلى يعرف حد عاوز ماروتى 2000 يبقى يقولى
وربنا يحفظهالك يارب من العين ويباركلك فيها
صباح الخير
انا اشتريت العربية يوم 20/1/2009 وعملة بيها 300 ك وكل الكلام الى قيل عنها في المنتدي وقراءته صحيح العربية جميله وشكلها جميل والسحب كويس وكل شيئ حلو ماعدا الفتيس طبعا زي ماقال صديقنا بيعض ولما اجي ارجع بالعربية صعب جدا عليه مش عارفه لية بس على فكرة كان في الاول اتقل من الاول دلوقتي اصبح لينا اكتر من الاول ومش عارفة ده عيب ولا ايه
الف مبروووووووووووووووك
كان فيه سؤال بس يا استاذ توفيق بيسال العربيه بيجي معاها ايه لما بتستلمها
يعني مثلا الاستبن وعده و.............
عاوزيين نعرف بالظبط
انا ع فكره شوفتها في معرض اوتوموتيف هي ما شاء الله حلوه اوي بس فعلا تقفليها موش اد كده والغريب ان فتح وقفل الباب كان وحش جدا عارف لما تحس ان البالب مترجل شوي ولازم تقفله بقوه كمان البلاستيك بتاعها خفيف اوي بس والله صاجها حلو موش خفيف زي ما بيتقال اللي كانت فعلا كده كيا برايد بتاعة زمان لكن دي صاجها افضل وفرشها برضوا موش اد كده بس برضوا حرام نقارنها بالعربيه اللي ب 90 و 100 الف بس قفلة الباب هي اللي ضايقتني اوي وقالي ان سببها كاوتش الباب ودي عربيه للعرض كمان الاوكره بيجد كنت قلقان تطلع في ايدي بس رغم كل ده معجب بيها وموش شايف ان فيها حاجه تقلق
الغريب انه قالي انها صناعه كوريه وتقفيل ايراني
بس الف شكر ليك يا استاذ توفيق ع ردك الوافي ع كل اسئلتنا:S_thum1[1]:
الله يبارك فى حضرتك بالنسبه للعربيه بيجى معاها استبن نفس جونط وكوتش الى راكب وبيجى معهاها مفتاح عجل وكوريك وشنطه عده قماش ومثلث من النوع المحترم اما بالنسبه للباب والاكر انا معايه كويسين جدا والباب مافهوش حاجه ولا حتى فى الكوتش بتاع الباب والاكر تبان انها خفيفه بس هى من النوع المقوى وده مش شكر فيها بس هى دى الحقيقه والله اما التصنيع فانا كنت فاكر كده بس عرفت منهم برضو فى التوكيل وعن طريق موقع كيا على النت ان شركه كيا باعت الموديل كله لسايبا يعنى العربيه كلها ايرانى تحت اشراف كورى وليس تصنيع والاشراف ده لغايه 2015 بس فى مكونات منها مش ايرانى زى العفشه كلها يبانى ماكفرسون
ربنا يديك خيرها و يكفيك شرها و يباركلك فيها إن شاء الله
و جزاك الله خيراً على المجهود الممتاز لتوعية الأعضاء
شكراً
التعليق الامامى مستقل ماكفرسون
التعليق الخلفى عمودى يعنى ايه عمودى ويعنى ايه ماكفرسون ومين فيهم الكبالن وهل كدة تبقى العفشه جيدة وتاخد كام من عشرة اعزرو جهلى وشكرا
صباح الخير...
الف شكر يا استاذ توفيق ويا استاذ خالد وربنا يبارك فيكم ... وشكرا يا استاذ توفيق على ردك بالنسبة للفتيس لانه فعلا مضيقني اوي لانه فعلا تقيل على ايدي اوي ... ليه سوال كده هو اللتر بيعمل كم كيلو فيها عن تجرية من سيادتك...
معلش يا استاذ توفيق نسيت اسال على حاجة مهمة بالنسبة ليه اوي الفرامل ساعات تصفر وتعمل صوت جامد اوي لدرجة اني بتكسف من الناس الى جنبي وساعات ما تعملش صوت ولما سألت في الموضوع قالوا ان الفرامل بتطبع مش عارفة ده صحيح ولا رأيك ايه اروح للتوكيل احسن ... بس هي لما ادوس على الفرامل حلوة بتفرمل حلو مش عارفة بقي اعمل ايه
انا فعلا بعانى من نفس المشكله ورحت التوكيل وقالولى بطبع وعليها تراب وفعلا نظفوها بطلت تصفر حوالى اسبوع ورجعت تانى رحت لميكانيكى معرفه قالى هى فعلا بطبع وانا على العموم رايح التوكيل إن شاء الله بكره لصيانه ال1000 كيلو وابقى اقولك على الاخبار ----- اما البنزين تقريبا اللتر جوه البلد حولى 12 كيلو فى السريع من 14 الى 15 كيلو وبالمناسبه عضه الفتيس دلوقتى مختفيه تماما
انا متابع العربيه دي من زمان وعاوز اشتريها لانها الوحيده اللي اقدر علي تمنها وحلاوتها امكانياتها في فئتها .. وعلي فكره متنسوش ان اي عربيه في الدنيا ليها مميزات وعيوب فمجاتش علي عربيه الغلابه دي.. عندي سؤال حد يعرف ايه الفرق بين الموديل العادي والموديل الرياضي ؟ شكرا ليكم جميعا والف مبروك للاستاذ توفيق والاستاذه nertt وعقبالي:ask:
صباح الخير...
شكرا يا استاذ مهران وعقبال لما تيجبها ان شاء الله ويبارك لك فيها ويكفيك شرها ان شاء الله ... ومتشكرة يا استاذ توفيق على ردك وعلى فكرة انا ذهبت امبارح للتوكيل علشان الصفارة الي في الفرامل والابواب تقيلة شوية والعضة الى في الفتيس بصراحة ناس ذوق اوي وعايزين يعملوا كل حاجة... عموما الصوت راح وزيته الفتيس زي ما قالوا عشام لين شوية... بس حضرتك بتقول هيرجع تاني زي ما حضرتك عملتها ورجعت بعد اسبوع ربنا يستر انا نسيت اسالهم عن سبب هذا الصوت ياريت لما تروح النهاردة تسال عن السبب ومستنيين حضرتك لما ترجع تحكي لنا الى حصل في ال 1000 كيلو الاولى
أنا متهيألى كل المشاكل دى عشان لسه فى التليين
بس هتروح مع الإستخدام زى عضة الفتيس مع أستاذ توفيق
أنا عارف إن اليومين إلى فاتوا كانو برد ومحدش احتاج تكييف
بس فيه حد جربه ولا لأ ، وأثر على السحب ولا لأ
السلام عليكم
حد يا جماعه يقدر يجيبلنا الالوان المتاحه من السايبا برايد
وشكرا
انا سالت شركة نايل موتورز عن الالوان فقالى عندنا الاسود والاحمر والفضى والدهبى والابيض
بس مش عارف لو فية الوان تانى والا لا
فيه سؤال محيرنى واعتقد انه يهم معظم المهتمين بالسياره
هل قطع غيار البرايد القديمه تعمل على سابيا أم لا
مش تنسوا يا جماعه ان علاقتنا بايران مضروبه ، وامريكا واسرائيل ناويين على ضربها طب لو حصل هنجيب قطع غيار منين