ألف مبروك ربنا يباركلك فيها ويكفيك شرها ويديك خيرها
عرض للطباعة
ألف مبروك ربنا يباركلك فيها ويكفيك شرها ويديك خيرها
يا استاذ توفيق ايه اخبار الفرامل افدنا يكرمك ربنا انت عرفت ان خلاص الحمد لله حجزت العربيه والسبب كان شكرك فيها ولو ان فيه ناس في المنتدى بتشككني في اختياري وبيكلموا في حاجات والله ما عندي معرفه بيها وانا اساسا موش ليا ف العربيات ولا اعرف عنها حاجه غير شكلها :C_laugh[1]:
مستنين ردك
خير يا جماعه
محدش يعرف موضوع قطع الغيار ده اذا كان البرايد القديمه تعمل قطعها على السايبا ولا لا
وبعدين يعنى مسألة ايران دى ، انا مش ليا اعتراض على الدوله بس علاقة الدوله عندنا بيها مضطربه يعنى ، الموضوع ده مش قالق حد غيرى
السلام عليكم ورحمة الله
انا من محبى هذا المنتدى الكريم والجميل
وبشكر جدا السادة الاعضاء من كتر الاسئلة اللى الواحد بجد بيستفيد منها وبجد ربنا يبارك فيكم
وبشكر الاستاذ توفيق بشكر خاص جدا جدا جدا
وياريت حضرتك تفيدنى بحاجة مهمة جدا وهى نوع الزيت اللى حضرتك بتحوطه فى العربية وياريت تقول النوع بالظبط وبالارقام وبالسعر وياريت تقولى كمان بتحوط بنزين كام وشكرا لحضرتك جدا
ياصديقى انا متابع كل الاراء ومشاركات الجميع عن العربيه وخصوصا مشاركتك الشى الوحيد اللى اقدر اقولو انها عربيه اكتر من ممتازه عن تجربه واقتناع وربنا شاهد على اللى باقولو وفى الاول والاخر راحتك النفسيه ليها اما الساده الزمله اللى مشككين فيها من غير ما حد جربها او اشتراها منهم فانا بعرض عليهم فى اى وقت انهم يشرفونى فى شغلى ويشوفو العربيه على الطبيعه احسن من الاستنتجات المحبطه عنها
أستاذ توفيق
الف مبروك على السياره الجميله
وبالنسبه لطريقه حساب استهلاك البنزين فهناك طريقتين:
الاولى: يتم بملئ تنك البنزين على الاخر (full tank ) ويتم أخذ قراءة العداد او تصفير عداد الرحلات ثم تقوم بقطع مسافه مائه كيلو متر ثم تقوم بملئ التنك الى الاخر مره أخرى وترى عدد الليترات المستخدمه وهى التى سوف تمثل عدد الليترات المستخدمه لكل مائه كيلو متر ومنها يمكن حساب ( بتعمل كام فى الصفيحه وهى العشرين ليتر)
الثانيه : تنتظر الى ان تضئ لمبه البنزين فى التابلوه ويتم أخذ قراءة العداد او تصفير عداد الرحلات وتقوم بملئ عشرون ليتر بنزين وتنتظر الى ان تضئ لمبه البنزين فى التابلوه مره أخرى وترى عدد الكيلومترات التى مشيتها السياره لتعرف مقدار الاستهلاك
أما بالنسبه لمعدل الاستهلاك الذى ذكرته وهو 495كم لكل 35 ليتر بنزين فهو يعطى معدل 280 كيلومتر للصفيحه أو للعشرين ليتر وهو معدل جيد بالنسبه لقوه الموتور 1300سي سي
فى انتظار تعليق حضرتك
ربنا يكرمك يا استاذ توفيق حضرتك موش تعرف انا بثق فيك اد ايه وعشان كده اخدت القرار وحجزتها الحمد لله الاسبوع اللي فات واختارت اللون الاحمر بس ده تاثير النادي الاهلي عليا :)
وان شاء هاستلمها لما اخلص ورقي يعني خلال الشهر ده ان شاء الله ووالله قرار شرائي ليها مبني ع رايك وشكرك فيها وبعد طبعا صلاة الاستخاره :) ومافيش احسن من كده........
وربنا يكرمك ع متابعتك وردك ع اسئلتنا..........
:S_thum1[1]:
العفو ياصديقى بس اقولك حاجه وارجو انك ماتزعلشى منى لابد ان يكون القرار نابع من اقتناعك وليس تأثير الاخرين عليك يعنى انا مثلأ زملكاوى وجبت اللون الاحمر فهل كان لازم اجيب الابيض ؟؟؟ انا قصدى من الكلام ده مستقبلأ حتى فى العربيه هتلاقى واحد بيقول مركز الصيانه وحش وواحد معجب بيه كل واحد ليه رائيه وتعمولاته مع مركز الصيانه يعنى انا مثلأ لما بروح بدى بقشيش كويس لما بروح تانى بلقيهم مستنينى غيرى مابيحبش يدى بقشيش وهكذا ولا انته ايه رائيك
مفهوم كلامك وموش تقلق لو لا قدر الله العربيه طلعت موش اد كده موش هامسك فيك يعني :C_laugh[1]:
وبعدين انا شوفتها قبل ما اعرف رايك فيها وعاجبتني جدا موش كان ناقصني غير تجربة الاخريين زيك مثلا :) وبخصوص اللون فاده لوني المفضل اساسا بصرف النظر عن اهلاويتي او زملكاويتك وموش تنسى زي ما انا قلت ان دي اول عربيه ان شاء الله في حياتي ولازم كلام الناس احطه ف الاعتبار واتاثر بي وانا رغم اني لسه موش استلمتها وممكن اسحب الحجز او ابدلها بعربيه تانيه متاثرتش بتعليقات الناس اوي اللي موش بتشكر فيها وده معناه ان العربيه فعلا عجباني وربنا يبارك ليا وليك فيها ويكفينا شرها :)
والف شكر ع تعبك معانا :S_thum1[1]:
:36_7_7[1]:
شكرا ليك يا استاذ توفيق على سعه صدرك وكلامك
اللى حسسنى انى فعلا سوقت العربيه وايضا صور وكلام بقيه الاعضاء
المحترمين اللى حسست الواحد انه مقتنى العربيه دى من زمان
ويعرف تفاصيل كتير عنها كانت تصعب لولا حضرتك وبقيه الاعضاء
فشكرا على هذه التجربه
ولو انى مش بفكر فيها(لانطباعى عن شكلها فقط اذوق ولولا اختلاف الاذواق لبارت السلع ولكنى اراها صفقه مربحه من وجهه نظرى على الاقل فى الوقت الحاضر )
بس شئ جميل ان يعرف الانسان شئ عن كل شئ
ولا يعرف كل شئ عن شئ واحد فقط
ربنا يرزقك خيرها ويكفيك شرها ويبارك لك فيها
الف مبروك لكل ملاك السايبا....وربنا يباركلكم فيها يارب ويحفظهالكم من كل شر ويكفيكم شرها
والصراحه احييكم على روح التعاون اللى بينكم...
صباح الخير...
الف سلامة عليك يا استاذ توفيق ... انت لسة ما روحتش عشان 1000 كيلو ولا ايه عايزين نعرف الاخبار ... على فكرة يا اخ mucho قبل ما تستلم السيارة خد بالك من التابلوه لانه بيعمل صوت وش شوية وانا ماشية في المطبات كأن في مسمار نسينه جوه كده مش عارفة اوصف اوي ... بس اتضح ليه بعد كده ان التابلوه مفتح ومش متقفل شوية ولما ذهبت للتوكيل قالو هو كده ... وانت بتسلم خذ بالك من التقفيل الداخلي للعربية واختار واحدة كويسة
انا بعتذر للجميع على التأخير ومش هاطول عليكم انا رحت الصيانه وحصل الاتى :/ الزيت مابيتغيرشى غير فى ال5000 كيلو لان النوع اللى فيه محطوط بعد ما الشركه الايرانيه عاملالو تلين فى المصنع عندهم وقلولى لو عايز تغير الزيت غيره بس اللى محطوط لغايه 5000 وحرام تغير ولما سائلتهم لما هاجى اغير نوع الزيت ايه قالولى شل اما فى الصيانه عاملو الاتى ربطولى وقرطو على كل مسمار فى العربيه وكشفو على زيت الفرامل وزيت الباور والعفشه والبيبان وزيت الفتيس ورصصو العجل وسنفرو الفرامل وغسلو متورالعربيه وظبطو نور العربيه وراجعو على جميع الفلاتر والخراطيم والبطاريه والريداتير وكملو مياه المساحه وسلمولى العربيه ومخدوش منى اى حاجه ومدير المركز ادانى نمر تلفونات المركز للطوارى على مدار ال24 ساعه وده كل الى حصل
اولا الف مبروك يا باشا على العربية ربنا يباركلك فيها
والف سلامة عليك
انا بشكرك على اهتمامك بالموضوع ومتابعة كل جديد بتكتشفه في العربية
وياريت اعرف هل دي اول عربية ليك ولا ركبت قبل كده ايه
واخر سعر ليها وصل كام ... وياريت تقولنا اخبر التكييف السخن والساقع
وايه الكماليات اللي موجودة في العربية بالظبط ... وهل في منها اتوماتيك
تاني حاجة انا لاحظت انك عاوز تعرف ازاي الصور ممكن تبقى ظاهرة في الموضوع ... ودي الطريقة
بص يا باشا افضل طريقة علشان الصور تكون ظاهرة
اول حاجة تروح على السيت ده
http://imageshack.us
وبعدين هتلاقي كلمة تصفح او Browse
هتضغط عليها وهتختار ملف الصورة على جهازك
وبعدين هتضغط على Open
وبعد كده هتلاقي في اخر الصفحة على الشمال مربع برتقاني مكتوب فيه
host it
هتدوس عليه هتلقيه كتب Uploading
وده معناه انه بيرفع الصورة
بعد كده هتظهر الصورة اللي رفعتها في الصفحة بشكل مصغر
انت هتلاقي في اخر الصفحة
Show Advanced Linking
هتدوس عليها هيطلعلك عنوان الصورة بتاعتك بحجمها الطبيعي
ومكتوب قدام اللينك ده
Direct link to image
كل اللي هتعمله انك تظلله بالماوس وتعمله كوبي Copy او نسخ
وبعد كده هتيجي في الموضوع هنا
هتلاقي الايقونة دي في التول بار
http://img131.imageshack.us/img131/4067/123kn0.jpg
هتضغط عليها هتطلعلك البوكس ده
http://img7.imageshack.us/img7/7297/45dp1nb4.jpg
كل اللي هتعمله انك تظلل http://
وبعدين بالماوس هتعمل paste او لصق يعني للينك بتاع الصورة اللي عملناله نسخ في الاول
http://img398.imageshack.us/img398/4...lq3copymp7.jpg
وبعدين موافق وهتلاقي الصورة ظهرت في الموضوع
طبعا لو عندك اكتر من صورة هتعمل كده لكل صورة عوزها تظهر
.................................................
الف شكر مرة تانية على الموضوع وربنا معاك
مليوووووووووووون مبروك
مبرووووووووووووك
مبرووووووووك و ربنا يباركلك فيها.
و شكرا للمجهود والردود والمتابعة.
الاخ توفيق ارجو من سيادتكم الرد عن اخبار التكيف الدافى خصوصا انك وصلت 1000 كيلو كنت حضرتك قلت قبل ذلك انة موجود ابالسيارة لكنك لم تجربة وعندما تجربة ستخبرنا نرجو الرد
الاخ العزيز Maka : انا معاك لدرجة انى بافتح الشباك ايام كتير فى الشتاء ولكن الفكرة ليه المستهلك المصرى دايما بيتنازل - اصلا دى كماليات انت دافع ثمنها فمن حقك تحصل عليها حتى لو مش هتستخدمها
سلام عليكم
يا جماعة العربية دي فعلا ممتازة جدا انا جايبها من شهر - 2006 يعني داخلة على تلات سنين وبصراحة الحمدلله ما فيش اي شكاوي خالص
قطع الغيار كلها هي هي الكيا بلاايد ما عدا فلتر البنزين وفلتر الهوا
ودول با جيبهم من عند الجندي في شارع دمشق مصر الجديدة
بخصوص التكييف بيشتغل سخن وبارد
بس لو سمحتم ليا استفسار يا ترى الوكيل الجديد بيصلح الموديلات القديمة ولا ما بيعرفهاش ومالوش دعوة بيها؟
الي عاوز يجيب العربية يتوكل على الله ويجيبها وما يقلقش
واي استفسار انا تحت امركم
على فكرة نسيت اقولكم ان العلربية دلوقتي مع المدام هي الي بتسوقها من حوالي 7 شهور علشان انا سافرت وبرده هي كمان حبيتها اوي وبتعتمد عليها
ردأ على التكيف السخن السياره فيها سخن بس بيسخن بعد حوالى 5 دقائق وبالمناسبه العربيه عاملت بيها لغايه دلوقتى 1500 كيلو وحلتها ممتازه جدا جدا وكمان سائلت فى التوكيل على الجنوط والانذار قلولى ممكن اركب الجنوط بره التوكيل من غير ما أخرج من الضمان اما الانذار قلولى بعد 10 ايام هانرد عليك فى تركيبه فين عندهم ولاممكن بره زى الجنوط واركبه عند مين
احنا لسه مستنيين التقييم و لا العربية مش قد كده ..
و ياريت ترد على سؤال نوع الموتور و قطع الغيار .
ياصديقى اقراء الردود السابقه وهتلاقى الاجابه على السؤال ومع ذلك المتور اقل مايوصف بانه ممتاز فى السحب والتجميع السريع والصوت الهادى اما الصناعه فهو ايرانى تحت اشراف كيا اما قطع الغيار هيه هيه البرايد مع وجود اختلافات فى الفوانيس ومجموعه الانجشكشن والباور والتابلو وجميع الاشياء المختلفه عن الموديلات القديمه غير ذلك فهيا نفسها واى استفسارت تحت امر حضرتكم بس تكون اسئله جديده مش هيه نفس الاسئله وده بيان باسعار قطع الغيار من التوكيل فانوس امامى 215
فانوس خلفى 145
رفرف امامى 160
شبكة امامية 95
اكصدام امامى 280
اكصدام خلفى 280
فلتر هواء 20
فلتر الزيت 20
فلتر بنزين 17
مساعد امامى 140
مساعد خلفى140
تيل فرامل 65
طقم بوجيهات 45
سلك دبرياج 18
اسطوانة دبرياج 110
دسك دبرياج 110
طنبورة عجلة امامى 85
معلش انا بصراحة لم أقرأ الموضوع بالكامل و لما قرأته استفدت تماما و شكرا على الجهد المبذول و شكرا ايضا على ردك .
لكن هي أفضل و لا سوزوكي التو ؟.؟؟؟
:O_stupid[1]:
العفو الموضوع مش محتاج اسف كل مافى الامر ان شغلى 12 ساعه فى اليوم وبخش على النت نص ساعه بس يوميا علشان اجاوب على الاستفسارات اما المقارنه فانا بعتذر علشان مش هاقد اقارن علشان انا اساسا مركبتش الالتو من اصله بس ممكن اى حد من الزملاء عنده العربيه او ركبها يقارنها بالامكانيات المطروحه للسايبا ونناظر بعض عليهم للاستفاده العامه للجميع
شكرا جزيلا ا. توفيق على اهتمامك و ردك الذوق .
و اتمنى عند ملاحظتك لشئ جديد في العربية ياريت تبلغنا بيها اصلي انا ان شاء الله نويت اشتريها و عاجبني جدا اللون بتاع عربية حضرتك
ا
السلام عليكم
انا الحمد لله حجزت السايبا برايد بناء على شكر استاذ توفيق فيها وبص هي موش العربيه الواو يعني هي موش هاتيجي حاجه ف العربيات اللي ب 70 او 100 الف بس في فئتها السعريه واسعار قطع الغياروركز اوي في اسعار قطع الغيارعربيه جامده جدا فا انا استخرت ربنا وبعد الاستخاره حجزت واللي شجعني كلام استاذ توفيق وانت موش تعرفني انا تقريبا تعبت اعضاء المنتدى كلهم عقبال ما رسيت على العربيه دي ما سيبتش عربيه الا ما سئلت عنها :biggrin: طبعا العربيات اللي اخرها 54 الف ودي طبيعة الزبون المتردد فان شاء الله توكل على الله واستخير الاول واشتريها اذا استريحت ليها وممكن تتابع الموضع من الاول وهاتلاقي مناقشات واسئله كتيره جاوب عنها استاذ توفيق ده تقريبا نص الاسئله لحسابي ويتهيالي جبت لاستاذ توفيق صداع من كتر اسئلتي:) بس يمكن اللي صبر استاذ توفيق عليا اني ف الاخر اقتنعت بيها وحجزتها :biggrin: يعني تعبوا ماجاش عالفاضي :vctry:
السلام عليكم ورحمة الله وبركاته
انا اسف جدا يا استاذ توفيق على الغيبة الكبيرة دى ودا علشان حجتين
اول حاجة علشان الكمبيوتر عندى كان بايظ
تانى حاجة علشان كنت فرحان كتير بالعربية علشان انا اول مرة اجيب عربية فى حياتى بس انا كنت خايف شوية علشان اول مرة اسوق بس الحمد لله دلؤتى بقيت تمام
الحمد لله رب العالمين العربية يا جماعة بامانة ربنا جميلة جدا جدا جدا ودا بتوفيق من ربنا سبحانه وتعالى ثم الصديق والاخ الكبير دايما الاستاذ توفيق ربنا يبارك فيه يارب هو والاسرة الكريمة.
انا بس مش حقدر ااقول اى حاجة عن العربية الا فى حدود امكانياتى اللى بخصوص العربيات وكدا
انا دلؤتى عامل بيها 530 كيلو والحمد لله رب العالمين ماشية زى الفل وبصراحة يا جماعة اللى متردد فى شرائها اقوله توكل على الله واشتريها انتا بس تفكر فى اللون والامكانيات وبس لكن بالنسبة للعربية بصفة عامة الحمد لله وبسم الله ماشاء الله حاجة جميلة وكل اللى يشوفها يقول انها صغيرة لكن لما يركبها سواء قدام او خلف يستعجب منها اوى وبزاتتتتتتتتتتتتت الشنطة بيقولوا انتا يا عصام نافخ الشنطة قبل ما تفتحها .
بصراحة عندهم حق يا جماعة الشنطة غريبة واسعة جدا جدا
انا طولت عليكوا
وانا تحت امركوا بس فى حدود معلموتى
وتحياتى للاخ الكبير الاستاذ توفيق
اعتقد بعد كل الكلام ده أنا تخدت قرار بالشراء و انا كمان سالت عليها ناس كتير هنا و الكل بيشكر و التوكيل كمان بتاعها هنا في قنا في منتهى الذوق و الأحترام بس هو للأسف مركز بيع فقط و ليس مركز خدمة .
و أعتقد اننا ندين لله عزوجل ثم للأستاذ توفيق لصبره علينا و لسعة صدره و رده على جميع الأسئلة .
و وعداً مني بعد الشراء سأوافيكم بأخر الأنباء من مقر السيارة الأيرانية .