انته اللى ذوق ولو عجباك العربيه خدها بس بدلها معايا بمتركس ههههههههههههههههههههههههه ه:biggrin:
عرض للطباعة
مبروووووووووووووك يا ماااااااااااااااااان وربنا يباركلك فيها ان شاء الله
تحياتي
شكرا أ/ توفيق عبى أهتمامك و اوعدك لو ربنا أكرمن و جيبت الماتريكس على طووووووول مش هابدلها معاك
معلش يا استاذ توفيق لو تعرف مكان التوكيل والصيانة فى الاسكندرية ابقا شاكر ليك جدا عشان انا ناوى إن شاء الله اجيبها
بص ياصديقى الموزعون 1-الكويت والبلاد العربيه 035400340 ///// 2-وكاله العربى شارع بورسعيد 035933888 والفرع الثانى الداون تاون 033828426 ///////// اما مركز الخدمه والصيانه الكيلو26.5 طريق اسكندريه القاهره الصحراوى تليفون 0102214331 /0354003400 وارجو ان اكون ساعدتك
انا متشكر جداا يا استاذ توفيق للاهتمام
صباح الخير يا استاذ توفيق
انا عايزة اسئل حضرتك سؤال عن الفرامل بصراحة مغلباني في الاول زي ما قلت لحضرتك روحت التوكيل وعملوا اللازم وبعد شوية عملت برضه الصفارة تاني ورحت التوكيل تاني وقالولي انه تم تغيير التيل وبعد شوية برضه عملت الصفارة الواحد بتكسف وهو ماشي وكل لما يفرمل تصفر الصفارة الجمادة دي انا لاحظت حاجة يا استاذ توفيق ان الصفارة دي بتحصل لما العربية بتسخن ولما اكون ماشية بسرعة وتفرمل ما بتعملش صوت واما في الزحمة وما ادراك وما الزحمة والكسفة الى الواحد بيقي فيها من صوت الصفارة دي:36_6_3[1]:..... حتى الاولاد يقعدوا يقولولي اده يا ماما الناس بتبص علينا اقول لهم ان الوكيل عامل دعاية علشان تعرف ان دى السيارة سايبا الجديدة من سماع الصفارة ولهي الواحد مش عارف يعمل ايه يجيب التيل على حسابة ويروح التوكيل يغييره بمعرفتهم ولا ايه ,,,, ارجو الافادة:hlopaet_prv:
:verygood:اقتباس:
الاولاد يقعدوا يقولولي اده يا ماما الناس بتبص علينا اقول لهم ان الوكيل عامل دعاية علشان تعرف ان دى السيارة سايبا الجديدة من سماع الصفارة
صباح الخير
استاذ توفيق انا عملت بيها 1000 ك وذهبت امس لعمل صيانة ال 1000 كيلو وتم تغيير الزيت والفلتر ل 5000 ك بمبلغ 122 جنيه وتم الكشف على الفرامل وتم الصنفرة كالمعتاد ولما مشيت بيها شوية في نفس اليوم ولسة ما روحتش عملت نفس المشكلة مع اني قابلت مندوب شركة ناشيونال كان هناك امس وقال تحت امرك ولا عمل حاجة وكلمت اليوم صباحا المهندس المسئول وقال لازم اطلع اجربها ومافيش فايدة برضه انا مش عارفة ممكن يكون الكاوتش هو لما يسخن والكاوتش هو الى مش كويس والا ايه:k8::B4_611:
اولأً : شكراً جداً يا استاذ توفيق على المعلومات القيمة جداً
وفعلاً مجهود سوف يجازيك عليه الله
وانا واحد من الناس كنت عاوز اشترى ماروتى بعد بكرة قسط
فقررت انى اشتريها ورزقى ورزقك على الله
وربنا يستر
شكراً مرة أخرى يا أستاذ توفيق على المجهود المبذول
يا أستاذ توفيق شكرا على المجهود العظيم ده والمطمئن جدا..أنا كنت فعلا شفتها وشكلها عجبني ولأني كنت طول عمري أسمع سمع خير عن الكيا البرايد عامة سيدان وهاتشباك كنت ناويه أجيبها لحد ما شفت موضوع في أحد المنتديات قلقني منها لكن بعد موضوعك اقتنعت ان التقفيل والفرش اللي مش أد كده مش معناه إن العربيه وحشه..خصوصا إني كنت هجيب شيفروليه سبارك...بس عندي تعليق واستفسار:
التعليق: فيه توكيلات محترمه بتتعامل كويس جدا من غير بقشيش زي منصور شيفروليه..أنا جوزي معاه أوبترا اتوماتيك من 2007 والصيانة وكمان التصليح زي الفل وهو من الناس اللي ضد البقشيش إلا في المطاعم والباركنج (الشرعي طبعا).
الاستفسار:الألوان اللي شفتها كانت إيه،وممكن ترد على سؤال التكييف الدافي وأخبار صوت الفرامل؟
وشكرااااا جزيلا
يعني بالنسبة لمشكلة حضرتك ممكن أستاذ توفيق يقولنا هوه اشتراها منين بالظبط وحضرتك تقوليلنا اشترتيها منين وكمان يعرفنا هوه ظبط مشكلة الفرامل دي بالبقشيش ولا من غير يمكن انتي ما عملتيش كده فما اهتموش اوي..والله ده مجرد اقتراح انا مش قصدي اي حاجة على التوكيل ..
رداً على Boki بصراحة الناس في التوكيل ناس كويسة جدا بس المشكلة عندهم لازم يجربوا العيب والعيب ده ما بيظهرش الا في الزحمة فقط وعلى العموم انا اشترتها من الفرع الرئيسي في شارع الطيران واخر لما غلبت اتصلت بالوكيل وقالوا لي تعالي واحنا سوف نقوم بحل المشكلة وفعلاً لما ذهبت يوم الثلاثاء الماضي قابلني مساعد رئيس مجلس الادارة واخذ مني العربية وجربها بنفسه ووعدني بحل المشكلة فورا واستلم منهم تيل فرامل جديد واذهب للتوكيل السبت القادم لتغييره وسوف يكون متواجد معنا وان شاء الله لما اروح هرجع اقول حصل ايه ... بس العربية بصراحة مش وحشة بس هو ده العيب الى مضايقني اوي بس هنتظر ليوم السبت واشوف هيتم ايه
اولا شكرا لحضرتك
ثانيا رد على التعليق البقشييش انا متطوعا دفعته ماحدش فرضو عليا ولا لمحلى بس انا اعجبت بيهم وبسرعتهم وده اللى خلانى عملت كده بعد ما أستلمت العربيه وجربتها
ثالثا الالوان ابيض - نبيتى - رمادى فاتح - رمادى غامق - زتونى - اسود
اما التكيف انا جربت الساقع تحفه اما السخن انا شغلت التكيف عليه لمده 10 دقائق تقريبا بداء يسخن وماقدرتش اطول عن كده علشان كنت لسه فى ال 1000 كيلو اما الفرامل هارد على الاستفسار فى اخر الردود مجمعه
انا النهارده رجعت صفاره الفرامل وفعلا مع الزحمه بتحصل واعتقد مع التجربه ان المشكله ان تيل الفرامل لما يتوسخ بيصفر واللى اكدلى ده انى كلمت مهندس الصيانه وسائلته انتو عملتو ايه اخر مره علشان الصفاره تروح قلى انهم نظفو التيل فقط ويعتقد المهندس ان التيل غير مناسب للاجواء المصريه وخاصتأ التيل المصنع شرق اسيا لاختلاف الاجواء وانا اعتقادى اننا مهما غيرنا التيل من نفس النوع لن تحل المشكله ولابد استراد تيل من كوريا او اليابان مناسب للسايبا اوتركيب تيل البرايد عليها خصيصا ان شركه كيا لما باعت الماركه مازالت مشرفه عليا اشراف فنى فقط الى عام 2010
السلام عليكم ورحمة الله
كل سنة وحضراتكم بخير ويارب تكونوا بخير ويارب تكون بخير يا استاذ توفيق ويارب كمان تاخد الاجازة بتاعة بكرة وحضرتك مستريح من الشغل ومننا كمان.
اول ملاحظاتى للعربية
انا روحت عملت الصيانة بعد الالف الاولى تم تتغير الزيت بزيت موبيل وتم تتغير الفلتر وتم عمل ظبط الزوايا وتشغيل مفتاح علبة البنزين لانها كانت معلقة وتم تظبيط الانوار والحمد لله كله تمام
بسسس المشكلة فى حاجة:
لما ركبت جنط للعربية وياريتنىىىى ما ركبت لانى لما ركبت حاسيت ان العربية بتحدف يمين بس بسيط روحت عملت تظبيط تانى عند محطة موبيل
مشيت بيها كويس وعديت ال 100 كيلو حاسيت ان الدركسيون بيهتز وفيه خبطات كانى ماشى على مطبات خفيفة قولت دى اكيد محتاجة ترصيص روحت عملت ترصيص بردوه عند المحطة والحمد لله باقيت كويسة نوعا ما لغاية دلؤتى
معدل البنزين الحمد لله فوق الخيال انا حاطيت 20 لتر وكنت حاسب ساعتها الكيلوات على 703 مشيت بيها لغاية 980 او اكتر حبيتين او ممكن تكون وصلت لل100 وكسور وكان لسة العلامة منزلتش لتحت ودا معدل الحمد لله كويس جدا على اساس انى بروح الشغل من مصر الجديدة للدراسة وفى عزة زحمة صلاح سالم
جربت كمان التكييف لاقيته فوق الروعة بس ممشيتش بيها كتيير ماشى الحال
لو فى ملاحظات تانى حبلغ حضراتكم
وكل سنة وحضراتكم بخير
لا اله الا الله
وعليكم السلام ورحمه الله وبركاته ويارب يعود الايام عليك وعلى اسرتك وجميع المسلمين بالخير
وبالنسبه للشغل والله شغال ومعنديش اجازات خالص
وبعدين تعب ايه اللى انا تعبانو احنا كلنا واحد
اما بخصوص الجنط نفس اللى حصلى تماما وعرفت انه من المستحيل اجنط وماغيرشى الكوتش اعرض علشان الجنوط اسبور مش حديد وبينى وبينك استحرمت اغير دلوقتى وانا عامل 2000 كيلو بيهم بس قلت شويه كده وبعدين اغيرهم
وكل سنه والجميع بالف خير
محمد رسول الله
الاخوة فى المنتدى
ماذا فعلتم فى رجوع صفارة الفرامل الاخ توفيق بعد رجوع الصفارة عندك مرة اخرى والاخت مريت قالت انها ستذهب للتوكيل يوم السبت وستخبرنا بما حدث فى موضوع صفارة الفرامل كمان يااخ توفيق لماذا جميع الاخوة فى صياتة الاف قاموا بتغير الزيت وابلغونا بذلك اما حضرتك ابلغتنا عتد عمل صيانة الاف ابلغوك فى التوكيل بلاش تغير الزيت الا عند 5000 لان الزيت معمول لة معالجة هل تغير الزيت اختيارى للعمبل ام افضل تغيرة قرات تقرير مفصل عن السيارة فى منتدى اخر ( مصر موتورز ) ولك مشاركة فى هذا المنتدى هل من رايك المميزات والعيوب فى هذا التقرير واقعية خصوصا انك اول واحد ركب السيارة وحفظها رغم ان التقفيل لايعنينا بالدرجة الكبيرة قى هذة الفئة التى نحن منها الفواصل بالدرحة الكبرى هى الاهم ويعدين ناس كثير تتكلم عن شكل حوض الموتور هوا احنا قعدين فية مرتب او سلوك او ... ماهو مقفول احنا يهمنا الصالون وخامات العربية الاساسية قبل ذلك سالت عن التكيف الدافى وكويس ان حضرتك قلت انة يعمل بعد 5 دقائق المهم انة يعمل ارجو الرد فى اقرب وقت علشان اقرر بقى واشترى
اولا بخصوص الصفاره انا رايح التوكيل النهارده الثلاثاء إن شاء الله وهاوفيكم باللى حصل
ثانيا تغير الزيت وقت مانا روحتلهم كان اختيار بعد كده عرفت ان فى ناس ماصدقوش وعملو مشاكل معاهم واتهموهم انهم ماعندهمشى زيت علشان كده غيرو بس الزيت اللى جاى فى العربيه يمشيها لحد 5000 كيلو وانا الزيت كل ما أكشف عليه الاقيه نظيف
ثالثا بخصوص المزايا والعيوب الواقعيه هاطرحا حالا فى المشاركه القادمه
اما التكيف السخن لابد ان يكون المؤشر على الهواء القادم من الخارج ليكون سخن
انا أسف طرح المزايا والعيوب على الرابط ده
http://www.nilemotors.net/Nile/showthread.php?t=63721
انت انسان محترم ولك الفضل فى راحة بال الناس التعبانة وال نفسهم يركبوا عربية على قد فلوسهم ولك الفضل فى شراء اى سيارة سايبا
كل سنة وانتم طيبون
بالنسبة للفرامل انا فعلا ذهبت للتوكيل يوم السبت وتم تغييير التيل بالكامل والحمد لله لغاية دلوقتي لم يتم سماع الصفارة ...
صباح الخير
استاذ توفيق في حاجة بالنسبة للبنزين هي بتعمل في 37 لتر 270 ك طبعا كدة ما يبفعش وليه سؤال تاني بالنسبة اول لما تشغل العربية عداد لفات الموتور بيقى على كم انا عندي بيقي على 1.5 ولما بينزل بيقي على 1 هو ده كده صح ولا ايه لاني حاسة انها بتاكل بنزين طبعا وهو ما بينزل للصفر ولا بينزل ارجو الافادة من فضلك يا استاذ توفيق:girlsthink:... وبالمناسبة حضرتك عملت ايه في الصفارة بتاعة الفرامل ارجو الرد عليه في اقرب وقت لاني هذهب تاني للتوكيل علشان الموضوع ده
استاذ توفيق اشكرك علي مجهودك في توضيح مميزات و عيوب العربيه و تعاونك الشديد مع الاعضاء
بالنسبه للسؤال الاول الخاص بالبنزين تقصدى انها بتستهلك 270 كيلو فى ال37 لتر مستحيل دى لو 3000 CC مش هاتستهلك كده اكيد فى حسبه غلط وفى طريق للحسبه فولى التنك على الاخر وبعدين اجعلى العداد زيرو ولما العداد يجيب يجيب ال100 كيلو فولى تانى وهاتعرفى ال100 كيلو بيستهلكو كام ليتر
اما عداد RPM مظبوط ماتخافيش الدوران بيبداء من 1.5 وبينزل على 1 بعد كده
اما بخصوص الصفاره انا لسه ماروحتش التوكيل بسبب ظروف شغلى وحاله وفاه عندى اخرتنى بس ربنا يسهل اروح غدأ الخميس
صباح الخير يا استاذ توفيق
انا ذهبت للتوكيل امبارح الاربعاء وقلت نفس الى سمعته ده بخصوص البنزين عارف الرد كان عادي وقالولي ان ده طبيعي في شوارعنا الزحمة وما كنوش راضين يعملوا حاجة وفان وفان اخذوا العربية وقالوا لي هينضفوا السنسور وتم عمل ذلك وهشوف وهعمل الى حضرتك قلت عليه... على فكرة انا مش حسبها غلط انا فولت ثلاث مرات وفي كل مرة اضع 32 لتر وتعمل بالضبط 270 ك
انا اسف لحضرتك انتى فعلا على حق انا روحت التوكيل النهارده الخميس وقالولى على موضوع حضرتك ودى اكدلى اننى كنت على خطاء ولما عرفو انى عارف من المنتدى كل حاجه دخلونى للمدير وشرحتله ان منتدى نايل موتورز فى رابطه بيننا خاصه للسياره سايبا واننا ممكن نقدم شكوه جماعيه لجهاز حمايه المستهلك بعت فاكس للتوكيل لمناشده المصنع لمعرفه السبب ولذلك ارجو منك المتابعه معاهم
اما بخصوص الصفاره غيرو تيل الفرامل وعرفت منهم انهم بيدرسو امكانيه تركيب تيل البرايد القديمه على السايبا
الاستاذ توفيق والاستاذة نريت السلام عليكم
المشاركة الاخيرة لحضارتكم عالية اثارت بعض الجدل نرجو من سيادتكم التوضيح فى اقرب وقت وهى
1- بخصوص استهلاك البنزين انت قلت لنيرنت انها على حق ومش غلطانة فى حساب 270 كيلو خصوصا بعد ماتاكدت من التوكيل هل هذا بالنسبة لسيارة نيرت فقط والمشكلة بسيارتها ام انت ال كنت غلطان فى حساب البنزين وكل سيارات سايبا استهلاكها كدة خصوصا انك ارسلت فاكس للوكيل لمعرفة المشكلة من المصنع نرجو الرد سريعا بعد ازن حضرتك قبل سفرى السبت الى عملى لانى كنت هحجز انا واتنين زملائى وتوقفنا حتى ردك
2- بالنسبة لتغير تيل الفرامل هما غيروة فى التوكيل علشان الصفارة مفروض دة عيب صناعة والسيارة فى الضمان هل دفعت ثمنة ام ماذا حدث معك انت ونريت لاتها غيرت تيل ايضا
3-انت اخذت موقف ايجابى بانك قابلت المدير وشرحت لة المشكلة وعرفت ان لنا رابطة على النت واننا سنرسل شكوى جماعية لجهاز حماية المستهلك اؤيدك فى ذلك بل اكثر اقول للاخت نريت ان تذهب الى التوكيل 42 شارع الطيران بمدينة نصر وتقابل الاستاز عماد عبد النبى رئيس مجلس الادارة شخصيا واذا لم تحل المشكلة تذهب لجهاز حماية المستهلك والسيد اللواء مسروجة الرئيس الجديد للجهازاولوياتة حماية المستهلك وخصوصا مع التوكيلات وترسل للاستاذ خالد اباظة والذى تبنى باخبار السيارات كل سبت صفحة للسيارة ( سيارة الشعب الاقتصادية )عايزين نحافظ على حقوقنا بالاصول والطرق الشرعية اذا حلت المشكلة اطمئنينا ان وراء اى مشكلة وكيل محترم واشترينا وازا امامنا الطرق عالية بل سنقاطع ونرجع للصينى او غيرة احنا مش لقين فلوسنا شكرا ليكم ونرجو الرد وخصوصا نريت تخبرنا بكل شى بالتفصيل