انا جبت السيبا برايد الجديده

**nertt** · 31-05-2009 08:58 AM

صباح الخير
استاذ اسامة ... بالنسبة للبنزين انا زهقت وما روحتش تاني وهي بتعمل معايا 9 كيلو في اللتر بعد عدة محولات من الضبط وما بقتش فرقة كتير من عربية استاذ توفيق لانه بيقول انها بتعمل 10 كيلو في اللتر فرقت 1 كيلو وان شاء الله هروح تاني بس مستنيه ال 5000 كيلو وسوف اذهب للتوكيل... اما بالنسبة لقطع الغيار انا كنت في التوكيل مرة وجاء تليفون لهم علشان كان في عربية عملت حادثة وربنا يحفظنا جميعا وسال عن امكانية تغيير الفوانيس الامامية والاكصدام الامامي وقالوا له متوفر وياتي في اي وقت.... عموما هى لغاية دلوقتي ما فيش فيها مشاكل بس طبعا الكيا ما كانتش يتاخذ بنزين خالص واستهلاكها كان جميل جدا وبناءا على ذلك قررت اشترى العربية دي لكن قليل البخت وعموما الحمدلله على كل حال .... واعقلها وتوكل

**abohazm** · 03-06-2009 01:43 PM

يا جماعة انا معايا سايبا بقالى 4 شهور وانا شايف ان اكبر مشكلة فى العربية دى الصيانة مش العربية نفسها

**higothere** · 04-06-2009 05:43 PM

أستاذ أبو حازم .. ممكن حضرتك توضح إيه المشكلة في الصيانة بالزبط من فضلك؟؟

**elfashne2010** · 04-06-2009 11:41 PM

اولا الف الف مبروك على العربية وربنا يكفيك شرها ويديك خرها
ممكن تساعدني انا عاوز اشتري واحدة زيها اشتريها منين مين الوكيل بتاعها وسعرها كام وهل ممكن اقسط باقي التمن ولا
منتظر ردك او لو فيه تليفون ممكن اتصل بيك

**osamafarook** · 07-06-2009 02:52 AM

أستاذ أبو حازم
أضم صوتي لصوت higothere وأسأل ايه قصدك بوموضوع إن المشكلة في الصيانة؟

**speed demon666** · 07-06-2009 02:57 AM

يا ريت تشرحلنا انطباعك عنها علشان هي داخله دماغي اوي

و ألف مبروك و ربنا يكفيك شرها

**abohazm** · 07-06-2009 03:47 PM

الصيانة فى منتهى السوء تخيل واحد يروح ثلاث مرات عشان يضبط ال زواية وكل حاجة يقولوا مش عندنا انا اتخنقت منهم بجد رغم ان العربية كويسة جدا لكن توكيل بجد مش كويس خالص

**abohazm** · 07-06-2009 03:49 PM

اى واحد اشترى عربية جديدة بيروح التوكيل وعايز يستلم عربيتة ولكنها طلعة من المعرض لكن واللة العربية حالتها اسواء

**KHGGK74** · 14-06-2009 04:11 PM

شكرا جدا على التقرير الجميل ده بس ممكن اقول حاجة
ـ فى غلط كبير قوى لما نقارن العربية ده بالكورى لان مفيش وجه مقارنة .
ـ فى سؤال هو حضرتك يا استاذ توفيق ده اول عربية ولا كنت راكب عربية قبل كده
ـ فى تناقض بينك لما رحت صيانة 1000 لم يتم تغير الزيت وقالولك عند 5000 ومش محتاج تغير رغم ان الانسة nerrt قامو بتغير الزيت لها فى صيانة 1000
ـ وكان فى حاجة بخصوص الترخيص هما اعتبر العربية من فئة 1300cc ولا الاكثر من 1300الى 1600

**higothere** · 26-06-2009 09:44 PM

الحمد لله جبت السايبا أخيرا .. وشكرا للاستاذ توفيق بصراحة كلامه شجعني كتير أجيب العربية دي. أنا عملت بيها تقريبا 450 كم .. العربية هايلة فعلا .. التوكيل محترم جدا لغاية دلوقتي في تعاملهم معايا. أنا جبتها من الكويت والبلاد العربية في اسكندرية .. الناس هناك قمة في الاحترام والمساعدة. اللون اللي طلبته ماكانش فيه منه غير في 6 أكتوبر بعتوا جابوها من مصر، وانا باستلم لقيت الكاسيت مش سي دي قلت له، اتصلل بالصيانة وبعتوا كهربائي نقل الكاسيت اللي في العربية المعروضة عنده (وهو سي دي) لعربيتي من غير ما يعترض خالص بالعكس اعتذر وقالي مش عارف ازاي دا يحصل .. ومن الكلام معاه عرفت انه عامل اجندة كاتب فيها كل عربية طلعت من عنده امتى ونمرة تلفون العميل، وبيتصل العميل كل فترة يتطمن على اداء العربية عامل ازاي، ولو مبسوط منها واللا ايه، وبيجمع التعليقات السلبية ويبعتها للمركز الرئيسي عشان يشوفوا لها حل، مع انه مش الصيانة .. بصراحة ناس محترمين جدا جدا .. ربنا يسهل ويكونوا بتوع الصيانة بالاحترام والأمانة دي