لمبه التشوك بتنور بعد ال110

**A.Elsheikh.01** · 15-01-2009 05:45 PM

لاحظت اليومين دول ان العربية عندى بعد 110 لمبه التشوك بتنور
فيه كبلات الى رايحه للماتور بتاع البنزين مثلا لما افك السوكت بتاعها وكابل الهوا واركبهم تانى وادور العربيه اللمبه تفصل
ايه الموضوع دا يا عصابة
حله ايه وايه مشكلته

**Ahmad Allawy** · 15-01-2009 06:11 PM

هل معني كلامك.. انه لما بتفصل فيشة الكهربا بتاعة حاجة معينة اللمبة بتطفي؟
لو كده يبقي اكيد سنسور..

**A.Elsheikh.01** · 15-01-2009 08:27 PM

اه لما بفصل السوكت اللمبه تفصل
ومعنى انه سنسور يبقى ايه الحل
دا السنسور دا عايزه يبقى اخر احتمال ومش يكون هو

**Ahmad Allawy** · 15-01-2009 09:43 PM

الله اعلم هو سنسور ايه.. و بكام.. :)
ربنا يستر ان شاء الله..
في حاجة كانت حصلت معايا..
كان في سنسور بيخرف كده.. و شيلته.. و ركبت واحد تاني..
و التاني طلع بايظ.. رجعت القديم....
و من ساعتها الحمد لله اشتغل زي العفريت.. و مخرفش ولا مرة..
و لحد دلوقتي مش عارف اي تفسير للموضوع ده..
روح لحد و يشوف ده انهي سنسور اللي بيعمل الموضوع ده..
روح لحد عنده سكانر.. و يشوف الerror code بيقول ايه,,

**A.Elsheikh.01** · 15-01-2009 11:33 PM

مهو حكايه الاسكانر اكيد هى الى هتطلع الارور
بس انا قولت قبل ما اروح اسألكم بس الاول

**remapping** · 16-01-2009 12:09 AM

اولا اخى

مع احساسك بالعربية لمة تنور

؟

**samirayad** · 16-01-2009 09:31 AM

الى الأخوة بالبوست الحالى.....وخصوصا الأستاذ/أحمد علاوى.......أنا فهمت من كلامك أنة حينما فصلت فيشة الحساس وقمت بتركيب الفيشة مرة أخرى ...ألموضوع بقة تمام وحضرتك عاوز التفسير لذلك.........اليك التفسير......واضح أنة كان هناك توصيل ردىء بين الفيشة والحساس نفسة....ودة فى حال وجودة بيخللى لمبة التشك تنور على أساس أن الحساس عندئذ بيكون خرج من دائرة الكنترول.......وبعد أن قمت وغيرت الحساس ولقيتة تالف...قمت حضرتك بتركيب القديم والأمور مشيت بعد كدة تمام...دة حصل علشان تم التوصيل المرة دى بجودة بين الحساس ودائرة الكنترول وفى هذة الحالة وحدة التحكم لم تسجل أى Error ودة بيطلق علية هندسيا العيب الحادث نتيجة التوصيل الردىءfault Due To Bad Contact

**samirayad** · 16-01-2009 09:39 AM

المشاركة الأصلية كتبت بواسطة kazanova

لاحظت اليومين دول ان العربية عندى بعد 110 لمبه التشوك بتنور
فيه كبلات الى رايحه للماتور بتاع البنزين مثلا لما افك السوكت بتاعها وكابل الهوا واركبهم تانى وادور العربيه اللمبه تفصل
ايه الموضوع دا يا عصابة
حله ايه وايه مشكلته

أمن جميع نقاط التوصيل بين كل فيشة حساس والحساس بتاعها....لأنة مع عمل السيارة ونتيجة الاهتزاز والمطبات قد يحدث اتصال غير جيد بين الفيش والحساسات...وبالتالى قد يخرج أحد الحساسات من دائرة الكنترول ويترتب على ذلك حدوث تنبية بوجود عطل على الرغم من أن كل المكونات الالكنرونية سليمة.....وممكن نقول عليها عطل خادع نتيجة عدم جودة التوصيل.....................تحياتى للجميع بهذا المنتدى

**Ahmad Allawy** · 16-01-2009 09:43 AM

المشاركة الأصلية كتبت بواسطة samirayad

أمن جميع نقاط التوصيل بين كل فيشة حساس والحساس بتاعها....لأنة مع عمل السيارة ونتيجة الاهتزاز والمطبات قد يحدث اتصال غير جيد بين الفيش والحساسات...وبالتالى قد يخرج أحد الحساسات من دائرة الكنترول ويترتب على ذلك حدوث تنبية بوجود عطل على الرغم من أن كل المكونات الالكنرونية سليمة.....وممكن نقول عليها عطل خادع نتيجة عدم جودة التوصيل.....................تحياتى للجميع بهذا المنتدى

أولا و قبل اي شيء..
بجد الف شكر علي التوضيح.. و الشرح الوافي..
بس انا عندي تعليق..
لو الموضوع عنده بسبب الاهتزاز و عدم جوده تصيل.. يبقي ممكن انه يجرب انه يمشي بالعربية في مكان مكسر.. او طريق غير ممهد كويس.. و يشوف هل اللمبة هتنور فعلا ولا لأ..
عشان لو نورت علي سرعة قليلة.. يبقي كلام سعاتك في محله تماما..
لكن لو منورتش.. و مش بتنور غير علي سرعات عالية بس.. يبقي ممكن يكون في سبب تاني..

(دي مجرد وجهة نظر و اكيد مستني رأي سعاتك ف الموضوع ده.. انا مش عارف.. و بافكر معاك بصوت عالي..)

**samirayad** · 16-01-2009 10:04 AM

المشاركة الأصلية كتبت بواسطة Ahmad Allawy

أولا و قبل اي شيء..
بجد الف شكر علي التوضيح.. و الشرح الوافي..
بس انا عندي تعليق..
لو الموضوع عنده بسبب الاهتزاز و عدم جوده تصيل.. يبقي ممكن انه يجرب انه يمشي بالعربية في مكان مكسر.. او طريق غير ممهد كويس.. و يشوف هل اللمبة هتنور فعلا ولا لأ..
عشان لو نورت علي سرعة قليلة.. يبقي كلام سعاتك في محله تماما..
لكن لو منورتش.. و مش بتنور غير علي سرعات عالية بس.. يبقي ممكن يكون في سبب تاني..

(دي مجرد وجهة نظر و اكيد مستني رأي سعاتك ف الموضوع ده.. انا مش عارف.. و بافكر معاك بصوت عالي..)

هو كلام حضرتك مضبوط من الناحية الفنية...ومفيش مانع ان الأخ /يجرب......مع العلم أنة أيضا من الممكن فى السرعات العالية.....نتيجة الاهتزاز بتاع المنظومة بتاعة المحرك....ممكن يحدث انفصال نتيجة زيادة البوش اللى موجود أساسا بين الفيش والحساسات....نتيجة عملية التقادموأعذرنى يا أحمد بية اننى أقتحمت منتداكم بأرائى...بس فعلا حبييت أشارك حضراتكم

الموضوع: لمبه التشوك بتنور بعد ال110

LinkBack

أدوات الموضوع

عرض

لمبه التشوك بتنور بعد ال110 - انشر الموضوع فى :

-

-

-

-

-

-

المواضيع المتشابهه

لمبه بتنور تحت اسم preak

لمبه ال n بتنور وتطفى مع ال d

لمبه الn بتنور وتطفى مع لمبه الd

لمبه ال n بتنور وتطفى مع الd

تابع موضوع لمبه التشوك بتنور

الكلمات الدلالية لهذا الموضوع

المفضلات

المفضلات

ضوابط المشاركة