اين انت يادكتور شريف
عرض للطباعة
اين انت يادكتور شريف
يارب ترد عليا عشان عينى تعبانى جدا ونفسى تشوف حل فيها يادكتور فى الجفون احساس رملى والدكتور قالى التهاب وقشور
عندي ظفره واضحه في العين اليمني
ولما كشفت قال وفي بايه ظفره في العين اليسيري بس مش ظاهره لانها في الطرف
قال العمليه لما تبدا تضايقني في الرويه او من الان لو كجراحه تجميليه
بستخدم قطره
تيرز جارد
مش عارف استمر عليها بشكل دايم??
للأسف معظم اللي اخذته كورتيزونات و دي بتهدي بسرعة و لكن مؤقتاً و مش حل جذري و الاستمرار عليها لا ينصح به أبدا و له محاذير.
انصحك بالتوقف عنها تماماً أولاً.
ثانياً برجاء وصف ما اشعر به بالتفصيل لمحاولة الوصول للتشخيص السليم او يمكن التواصل مع ادارة المنتدة للتواصل معي مباشرة و مناظرة حضرتك.
و تحياتي
الظفرة بنشيلها بجراحة بسيطة و لكن تحتاج مهارة خاصة لعدم ارتجاعها بإذن الله. و لذلك مش بنفضل نعمل فيها حاجة إلا لو بدأت تكبر و تأثر على النظر. او انها تكون واضحة بشكل ملفت جداً.
قطرة التيرز جارد Tears Guard دي عبارة عن دموع صناعية بدون مادة حافظة و دورها بيكون ترطيب العبن لمحاولة الحد من نمو الظفرة اذا كانت تنمو. و يمكن الإستمرار عليها 4 -5 مرات يومياً بدون مشاكل او قلق.
و تحياتي
السلام عليكم د/شريف
ممكن عنوان و تليفون عيادة حضرتك و المواعيد
تم الإتفاق مع إدارة المنتدى بخصوص بيانات الاتصال
التليفون موجود في ملفي الشخصي.
العنوان و المواعيد:
مستشفى الطلبة - جامعة القاهرة
ميدان الجيزة بجوار مطلع كوبري فيصل.
الأحد و الإثنين و الثلاثاء من 9 صباحا الى 12 ظهرا.
الأحد و الثلاثاء من 5 مساء الی 7 مساء.
و تحياتي.
السلام عليكم ورحمة الله وبركاته
جزا الله حضرتك خير على المساعدة وجعله فى ميزان حسناتك
اصبت العين اليسرى وفى شهر ديسمبر الى فات ب central serous retinopathy
الرؤية عندى اصبحت - زى ما حضرتك اكيد عارف - مقعرة او منبعجة وفيه نقطة شبوره عشان الارتشاح الى فى الشبكية
اخذت علاج دوائى ولا يوجد اى تقدم حتى الان
الدكتور قالى غالبا هاحتاج جلسه ليزر او ربما اثنين فى منتصف شهر مايو الحالى
بعد عمل اشعة مقطعية مرة ثالثة (عملت اشعتين بينهم فترة ومكنش فى تقدم ومرفق تقرير الاخيرة ) وفلوروسين مرة ثانبة ( عملتها مرة واحدة ومرفق التقرير )
أنا خايف من أن الليزر يؤثر على عينى ( على مركز الابصار ) لأنى بالبحث على الانترنت لقيت العرض الجانبى ده موجود كاحتمال وارد بنسبة مش صغيرة وخصوصا إن فى نقطة تسريب leak point قريبه منه ( على ما فهمت من تقرير الفلوروسين )
الدكتور بيقولى لا التكنيك الحديث فى الليزر خلى احتمال حدوث الخطر ده صعب وقالى اسمه بس أنا مش فاكره
هل مثلا ممكن الدكتور (وارجوا أن تعذر جهلى ) يتجاهل النقطة ديه ويشتغل على باقى نقاط التسريت خصوصا إن كل النقط الباقية ( تقريبا حوالى ثمانى نقاط على مجموعتين هما للأسف مش واضحين لو صورتهم ورفعتهم ) بعيدة عن مركز الابصار
ياريت حضرتك تقولى رأيك أيه وهل فعلا نسبة الخطر ده كبيرة
شكر لحضرتك وياريت حضرتك ترد عليا عشان أنا ثقتى فى كلام حضرتك كبيرة جدا
http://nileup.com/up/uploads/nilemotors_14304142961.png
وده تقرير الاشعة المقطعية
http://nileup.com/up/uploads/nilemotors_14304142962.png
ياريت حضرتك ترد يا دكتور شريف لأنى المفروض اعمل جلسة الليزر خلال الايام القليلة الى جايه
للأسف أنا متهيألى إن الرد اتأخر عشان حاطط مشاركة من اول امبارح
وفيه اسئلة من سنة 2013 وماتردتش عليها
http://www.nilemotors.net/Nile/3875190539-post591.html
http://www.nilemotors.net/Nile/3875199174-post592.html
ياريت يتم الغاء تثبيت الموضوع او على الاقل غلق الموضوع بدل ما الواحد مش واخد باله من التواريخ وقعدت اكتب فى مشاركة وارفع فى صورة فى موضوع مهجور
بالنسبة لل central serous retinopathy فمش المفروض يطول كده خوفا من حدوث مضاعفات على مركز الإبصار.
بالنسبة لليزر فبدون شك اي ليزر ممكن يكون له مضاعفات و بخاصة لو المريض مش متعاون مع الطبيب و بيتحرك كتير.
الليزر في الحالات اللي زي مشكلة حضرتك بيكون بدقة عالية زي اللي بينشن بالضبط... pin point
و ده غعلا اسهل نوعا ما مع اجهزة الليزر الحديثة و لكن للامانة هناك دوما نسبة مخاطرة و لكن بيغلبها ان الوضع طول و مش لازم نستنی اكتر من كده.
للاسف حضرتك رفعت تقارير بس من غير الصور فمش قادر احدد الوضع ايه و محتاج ايه بدقة ...
كلامي كله مبني على اللي عرفته من حضرتك.
و تحياتي
السلام عليكم
شفاك الله وعفاك وتقوم بالسلامه
ليه لازم نهاجم دايما
دكتور شريف بيستقطع من وقته ومجهوده عشان يساعد اعضاء وزوار مشافهمش ولا هو عامل اعلان لعيادته ولا بياخد اجر من المنتدى
الدكتور متطوع مشكورا للاجابه
فممكن ننتظر لغايه ما يرد علي الموضوع من وقت للتاني
وهو رادد في اخر مشاركه انه كان منقطع ورجع تاني
وعلكيم السلام ورحمة الله وبركاته
الموضوع مفيهوش اى هجوم أنا عارف إن دكتور شريف متطوع للمساعده واستاذ كريم محب للخير واحسبكما على خير
لكن الاقتراح بغلق الموضوع او الغاء تثبيته مش هجوم
ولا إن دكتور شريف ما بقاش يخش الموضوع نتيجة انشغاله مش اساءة
اشكركما على التوضيح وجزاكما الله خيرا وبارك فى صحكتم
السلام عليكم د./ شريف
عندى استفسار ضرورى وعاجل جدا" أرجو الرد عليه ..... انا عمرى 40 سنة وارتدى نظارة طبية منذحوالى 25 سنة وقد قمت بعمل عملبة ليزك منذ 14 يوم باستخدام تقنية اسمها PRK نظرا" لقلة سمك القرنية . المشكلة اننى حتى الأن أعانى من زغللة و عدم الرؤية بصورة واضحة واستخدم قطرة Systane Ultra ثلاث مرات يوميا" مع قطرة Flucon مرتين يوميا" فهل هذا أمر طبيعى ؟ و متى يمكننى الرؤية بصورة واضحة...... وشكرا" لحضرتك
تقنية PRK هي العملية اللي كانت بتتعمل قبل الليزك و كان اسمها الاكزيمر Excimer ليزر و دي قديمة دلوقتي و لكن لو سمك القرنية عندك قليل فممكن تاخد فرصتها لان الليزك ما ينفعش.
طبعا لانها تقنية أقدم فطبيعي ان فترة النقاهة بتاعتها اطول من الليزك.
و ممكن فعلا تاخد أسبوعين او اكتر شوية.
اي عملية يدخل فيها الاكزيمر ليزر سواء PRK او LASIK بيعاني المريض عادة يعدها من نسبة جفاف في العين و علشان كده لازم تستعمل دموع صناعية زي Systane Ultra و ممكن تزود لحد 4 مرات يوميا منها.
بالنسبة لل Flucon فدي كورتيزون ضعيف بس مش لازم تمشي عليهاوفترة طويلة و يفضل مراجعة الطبيب المعالج لمعرفة ميعاد إيقافها.
الرؤية الواضحة المفروض تكون بتتحسن يوم بعد يوم و لا يكون فيه مشكلة. لكن ممكن النقاهة زي ما قلت تطول اسبوع كمان مثلا. و لكن لابد يكون فيه تحسن تدريجي ملحوظ.
هنا شوية معلومات عن PRK لو تحب تعرف عنها و الفرق بينها و بين الليزك ... و على فكرة انا مازلت لي تحفظات كثيرة على الليزك و الاكزيمر لان مش كل حاجة بتتقال للمريض قبل العملية.
http://www.allaboutvision.com/visionsurgery/prk.htm
السلام عليكم ورحمة الله وبركاته
شكرا يا دكتور شريف على المبادرة الطيبة جعلها الله فى ميزان حسناتك وصدقة جارية لحضرتك
استفسارى عن وجود شكوى من وجود صداع فى عين طفلة عمرها تسع سنوات على فترات متقطعة مع العلم بانها كشفت لدى طبيب عيون فاخبر بان نظرها كويس ومش محتاجة الى نظارة - هل هذا النوع من الصداع مرتبط بامراض العيون او انه مرتبط بامراض اخرى وما التخصص اللى مفروض عرض الطفلة عليه
ألف سلامة عليها.
الصداع أولا ببيجي لها امتی ؟؟ علی فترات بانتظام و لا بدون نمط معين؟؟
في نفس المكان في الرأس و لا بيتغير؟؟ و بييجي فين فين الرأس؟؟
هل له علاقة بوقت معين؟؟ مثلا اول ما تصحی من النوم و لا وسط النهار و لا اخر اليوم؟؟
هل في وضعية معينة بتزوده او تقلله ؟؟ مثلا يزيد لو نزلت راسها لتحت؟؟
هل بيصحبه اعراض اخری زي زغللة مثلا او رشح في الانف مثلا؟؟
لما طبيب العيون اللي كشف عليها فحص النظر بناعها.. هل حط لها قطرة توسيع الحدقة قبل المقاس و لا لأ؟ ؟
هل تم عمل تحليل صورة دم كاملة لمعرفة اذا كان فيه انيميا و لا لأ؟ ؟
الصداع من أصعب الشكاوي عند المريض بالنسبة للطبيب و تشخيصها بيكون باننا بنحط كل الإحتمالات و نستبعدهم واحد ورا التاني لحد ما نوصل للسبب باذن الله.
الصداع كمان مشترك بين الطبيب الباطني و طبيب الانف و الأذن و الحنجرة و طبيب العيون و طبيب الأسنان و احيانا طبيب العظام و احيانا طبيب المخ و الأعصاب.
يا ريت ترد لي على الأسئلة اللي سألتها و يكون خير بإذن الله تعالى.
و تحياتي
شكرا" لأهتمامك د./ شريف ... وأحترم رأى حضرتك فى هذا النوع من العمليات ولكن على رأى المثل " ايه اللى رماك على المــر " لكن اللى حصل حصل .... اما بالنسبة لى فانا دلوقتى بقيت اقدر اشوف بدرجة احسن من الأول لكن زى ماقولت لحضرتك ان الرؤية مزغلله شوية وانا قريت كتير عن الطريقة دى وعرفت ان ال recovery بتاعها بيطول حبتين فحضرتك شايف ان ممكن حكاية الزغلله دى تقعد لحد امتى ؟ وهل ممكن اقعد على الكومبيوتر عادى ولا لأ ؟ على فكرة انا ابتديت اسوق بقالى كام يوم بالنهار فقط ولكن بحذر شديد لأن الزغلله بتتعبى شويتين ... أشكر حضرتك مرة تانية وياريت تقولى اعمل اية فى الفترة اللى جاية ؟
شكرا يا دكتور على سرعة الرد جزاكم الله خيرا
الصداع أولا ببيجي لها امتی ؟؟ علی فترات بانتظام و لا بدون نمط معين؟؟
بدون نمط معين
في نفس المكان في الرأس و لا بيتغير؟؟ و بييجي فين فين الرأس؟؟
ليس فى مكان محدد مرة ناحية العين اليمنى وجانب الراس ومرة اخرى العكس
هل له علاقة بوقت معين؟؟ مثلا اول ما تصحی من النوم و لا وسط النهار و لا اخر اليوم؟؟
اكثر الاوقات فى نهاية اليوم
هل في وضعية معينة بتزوده او تقلله ؟؟ مثلا يزيد لو نزلت راسها لتحت؟؟
لما تريح دماغها على المخدة تشعر بارتياح
هل بيصحبه اعراض اخری زي زغلله مثلا او رشح في الانف مثلا؟؟
لا مفيش اعراض زى دى
لما طبيب العيون اللي كشف عليها فحص النظر بناعها.. هل حط لها قطرة توسيع الحدقة قبل المقاس و لا لأ؟ ؟
لا لم يضع
هل تم عمل تحليل صورة دم كاملة لمعرفة اذا كان فيه انيميا و لا لأ؟ ؟
منذ اكثر من سنة لم نعمل لها التحليل
ملاحظة هى عندها حساسية الانف وحساسية الصدر مؤخرا
خير بإذن الله.
واظب لو سمحت على قطرة ال Systane Ultra
و تجنب تيارات الهواء المباشرة (مثلا شباك عربية مفتوح او مروحة امام الوجه مباشرة) و تجنب هواء جهاز التكييف المباشر....
كل ده لتجنب جفاف العين.
بلاش السواقة دلوقتي خالص. .. و خصوصا بالليل.
ممكن تقعد على الكومبيوتر بس تزود القطرة مرة وسط ما انت بتعمل شغل عليه.
و تابع و نشوف الزغللة اخبارها ايه... بس زي ما قلت لحضرتك المفروض تحس بتحسن تدريجي و لو بسيط يوم بعد يوم.
و تحياتي.
شكرا" د/شريف على أهتمامك وأعتذر على الأطالة فى الأسئلة لكن حكاية الزغلله دى شغلانى جدا"وانا كنت عند الدكتور امبارح وقالى انها مسالة وقت ... بس انا ملاحظ ان العين الشمال الزغلله فيها اقل والرؤية بيها اوضح شوية لكن العين اليمين مزغلله كتير والرؤية بيها مش واضحة وده اللى اكده الدكتور امبارح وقالى اعدى عليه كمان شهر لأعادة الفحوصات فهل دة طبيعى ؟ وهل ممكن ان الزغلله دى تقعد لحد ستة شهور زى ماسمعت؟ وأسف لحضرتك على الأزعاج
أحيانا الزغللة و عدم الراحة ممكن يستمر لفترة قد تطول او تقصر.
و ده احد أسباب تحفظي على تصحيح الإبصار بالليزر (prk او lasik ) ... ان يصعب التنبوء بمجريات الامور بعدها ...
عموما حضرتك تابع الامور و تطورها اليومين اللي جايين..
و على ضوء نسبة التحسن نقدر ناخد فكرة عامة عن فترة النقاهة. .
و تحياتي
أحيانا الزغللة و عدم الراحة ممكن يستمر لفترة قد تطول او تقصر.
و ده احد أسباب تحفظي على تصحيح الإبصار بالليزر (prk او lasik ) ... ان يصعب التنبوء بمجريات الامور بعدها ...
عموما حضرتك تابع الامور و تطورها اليومين اللي جايين..
و على ضوء نسبة التحسن نقدر ناخد فكرة عامة عن فترة النقاهة. .
و تحياتي
السلام عليكم د/ شريف . أرجو رأى حضرتك فى موضوع الزغلله فى العين اليمين . اليوم وبعد مدة ثلاثة شهور من اجراء عملية PRK استطيع الرؤية بشكل عام بدرجة كويسة جدا" لكن اللى مضايقنى شوية لغاية دلوقت أن فية زغلله زى ماقولت لحضرتك قبل كدة فى العين اليمين ( الشمال الحمد لله فى تحسن ملحوظ ومافيش أى مشكلة فيها ) ورحت للدكتور وقالى انها مسألة وقت وكتبلى على قطرة Optic Saline لفترة للعين اليمنى ولما روحت تانى قالى ان فيه Dryness و كمل على Optive كمان ثلاث أسابيع ونشوف ايه الأخبار ولو مضايقانى قوى قالى ممكن اعمل عملية بسيطة لعلاج ال Dryness فقولتلة نكمل على القطرة افضل ... فهل فيه حل تانى حضرتك تنصحنى بيه علشان الزغلله دى تروح فى اقرب وقت . وشكرا" لحضرتك
عايز مكان كويس اعنل فية عملية مية بيضة لعين وحدة ويكون قريب من مدينة نصر .. و التكلفة هتبقى كام للعين الواحدة
ألف سلامة على حضرتك.
لو تفتكر انا كنت قلت لحضرتك قبل كده ان عمليات الليزك و اللي زيها عادة بينتج عنها جفاف سطح العين. . ( Post LASIK dryness ) و للاسف معظم الزملاء بيعتبروا الموضوع ده قليل الأهمية و عادة مش بيقول عنه للمريض قبل العملية لان حلوله موجودة. و دي احدی مدارس طب العيون.
عموما الحل اللي بيقول لحضرتك عليه بيكون عملية لتضييق فتحة خروج الدموع من العين فتطول فترة بقاء الدموع على سطح العين. او انه بيعمل تجربة أولا فبيحط سدادة من مادة معينة زي السليكون مثلا و يشوف بالمتابعة مشكلة الجفاف اتحلت (فيقفل فتحة خروج الدموع كليا) و لا مثلا بقی فيه دموع بتنزل من العين (فيعمل قفل جزئي بدل كلي) و بالطريقة دي يحدد المطلوب.
طبعا دي كلها فيها تدخل جراحي و لو بسيط.
لو حضرتك مش عايز فعليك بقطرة الدموع الصناعي و لكن زود عدد المرات في العين دي.
و ان شاء الله يكون فيه تحسن.
و تحياتي.
سلام عليك دكتور / شريف
اولا اعتذر عن اي ازعاج لك
اود ان اكتب لك معاناتي بايجاز عسى ان يجعل الله تعالى سبب لمساعدتي
حضرتك
اني اعاني من اواخر شهر فبراير الماضي
بدا الامر معي بحساسيىة وذهبت الى طبيب وكتب لي قطره توبردكس
اتعبتني اكثر
ذهبت بعدها الى طبيب كبير استاشاري بمستشفى نور العيون بالمهندسين
كتبلي على قطرة باتانول وقطرة معقمة واقراص مسكنة للالتهاب كاتفلام
ومع ذلك ذاد التعب الملتحمة كانها دم وعروق حمرا كثيره في بيالض العين
وفي شهر ابريل ذهبت الى طبيب بمستشفى المغربي بمدينة نصر
كتب لي على قطرة اوركاديكسولين ومعها قطرة دموع اصطناعية
ارتحت معها يوم وخفت الالتهابات شوية
ولكن الالتهابا زادت والعروق الحمرا ملئت بياض العين
وفي خلال اسبوع من الاستخدام ابتدى ظهور ضباب مستمر معظم اوقات اليوم مع حرقه في العين وتضخم العروق الحمرا
ثم ذهبت الى طبيبة في برج الاطباء مصطفى التحاس وكتبت لي على قطرة بريد فورت
تعبت عنيا وقفتها
واخيرا منذ شهر ذهبت الى طبيب بالاكاديمية المصرية بشارع بيروت مصر الجديدة
وهو خامس طبيب استشاري اذهب اليه دون ادنى فائدة
الان حالتي كل يوم تدهور ولمدة ستة شهور
الملتحمة لا تهدا حمرا جدا ولا ينفع معها اي قطره العروق الحمرا في بياض العين لا تذهب بل تزيد
الضباب مستمر حتى اني مجرد ان اغسل وجهي او اغتسل يظهر الضباب ويستمر فترات مع حؤقة واحمرار شديد
اما النوم فهو من اكبر المشاكل
كلما استيقظ من النوم اجد الجفون ملتصقة بشكل غير طبيعي كل يوم
واحاول فتحها يخحدث احتكاك في العين وانظر في المراه بعد الاستيقاظ اجد عيوني زي الدم والعروق الحمرا مليانه
علما بانني استخدم دموع اصطناعية قبل النوم
وهذا حالي لمدة ستة شهور
مما سبب انقطاعي عن العمل مدة شهور لاني وانا في البيت عايش معاناه ولوفكرت اخرج الشارع خلال ربع ساعة عيوني بيبقى شكلها مخيق
والى الان لا اعلم ما بي وما سبب كل هذا
كل دكتور بكلمة شكل
ولم اجد منهم من طلب عمل مسحة عينة للعين كمزرعة لمعرفة سبب ما اعانيه
هذا ملخص لما اعيش فيه دكتور شريف
فهل اجد عند حضرتك ما يساعدني في حالتي هذه
فاني ياست من الذهاب للعيادات ونسيت شكل عيني
شكرا لله ولحضرتك
وانتظر اجابتك كرما
سلام عليك دكتور / شريف
اولا اعتذر عن اي ازعاج لك
اود ان اكتب لك معاناتي بايجاز عسى ان يجعل الله تعالى سبب لمساعدتي
حضرتك
اني اعاني من اواخر شهر فبراير الماضي
بدا الامر معي بحساسيىة وذهبت الى طبيب وكتب لي قطره توبردكس
اتعبتني اكثر
ذهبت بعدها الى طبيب كبير استاشاري بمستشفى نور العيون بالمهندسين
كتبلي على قطرة باتانول وقطرة معقمة واقراص مسكنة للالتهاب كاتفلام
ومع ذلك ذاد التعب الملتحمة كانها دم وعروق حمرا كثيره في بيالض العين
وفي شهر ابريل ذهبت الى طبيب بمستشفى المغربي بمدينة نصر
كتب لي على قطرة اوركاديكسولين ومعها قطرة دموع اصطناعية
ارتحت معها يوم وخفت الالتهابات شوية
ولكن الالتهابا زادت والعروق الحمرا ملئت بياض العين
وفي خلال اسبوع من الاستخدام ابتدى ظهور ضباب مستمر معظم اوقات اليوم مع حرقه في العين وتضخم العروق الحمرا
ثم ذهبت الى طبيبة في برج الاطباء مصطفى التحاس وكتبت لي على قطرة بريد فورت
تعبت عنيا وقفتها
واخيرا منذ شهر ذهبت الى طبيب بالاكاديمية المصرية بشارع بيروت مصر الجديدة
وهو خامس طبيب استشاري اذهب اليه دون ادنى فائدة
الان حالتي كل يوم تدهور ولمدة ستة شهور
الملتحمة لا تهدا حمرا جدا ولا ينفع معها اي قطره العروق الحمرا في بياض العين لا تذهب بل تزيد
الضباب مستمر حتى اني مجرد ان اغسل وجهي او اغتسل يظهر الضباب ويستمر فترات مع حؤقة واحمرار شديد
اما النوم فهو من اكبر المشاكل
كلما استيقظ من النوم اجد الجفون ملتصقة بشكل غير طبيعي كل يوم
واحاول فتحها يخحدث احتكاك في العين وانظر في المراه بعد الاستيقاظ اجد عيوني زي الدم والعروق الحمرا مليانه
علما بانني استخدم دموع اصطتاعية قبل النوم
وهذا حالي لمدة ستة شهور
مما سبب انقطاعي عن العمل مدة شهور لاني وانا في البيت عايش معاناه ولوفكرت اخرج الشارع خلال ربع ساعة عيوني بيبقى شكلها مخيق
والى الان لا اعلم ما بي وما سبب كل هذا
كل دكتور بكلمة شكل
ولم اجد منهم من طلب عمل مسحة عينة للعين كمزرعة لمعرفة سبب ما اعانيه
هذا ملخص لما اعيش فيه دكتور شريف
فهل اجد عند حضرتك ما يساعدني في حالتي هذه
فاني ياست من الذهاب للعيادات ونسيت شكل عيني
شكرا لله ولحضرتك
وانتظر اجابتك كرما
الف سلامة على حضرتك..
بصراحة بصراحة صعب اشخص مشكلة حضرتك بمجرد الوصف و خصوصا ان فيه العديد من الزملاء فحصوا حضرتك.
و طبعا اتمنی لو حضرتك قدرت تشرفني
لكن عموما من وصف حضرتك يظهر ان فيه جفاف في سطح العين مع حساسية من المواد الحافظة في القطرات.
و دي المفروض نستعمل لها قطرات دموع صناعية بدون مواد حافظة مع المراهم المناسبة من نفس العينة... مثل قطرة و مرهم GenTeal او Refresh Plus ... مع الامتناع التام و الكامل عن استعمال اي قطرات و مراهم اخری .
و نتابع و نشوف الوضع هايكون إزاي باذن الله.
و تحياتي