شكرا لك
و الرد على سؤالك هو للأسف حتى الآن لا يوجد علاج للعين الكسلانة بعد سن 21 سنة ، و بعد اذن حضرتك فى نفس الصفحة التى بها سؤالك الآن و هى رقم 40 و بالتحديد فى المشاركة رقم 395 ستجد شرحا لكيفية حدوث الكسل بالعين و رد على سؤال مشابه.
و تحياتى
عرض للطباعة
الف شكر لاهتمام حضرتك...الحمد لله الوجع راح...انا بصراحة لم اراجع طبيب للعيون لكن عرفت ان كان فيه ورم بسيط فوق العين و هو السبب الوجع دة و محسسنى ان فيه حاجة بداخل العين نفسها.
بالنسبة للزغلله متواصلة معايا (انا الحمد لله كنت بعانى من ضغط منخفض من فترة طويلة 110/70)لكن حاليا الوضع احسن كتير و الضغط الحمد لله طبيعى 124/80
بالنسبة لتحليل الدم انا بصراحة لسة ما عملتوش انا اخر مرة كانت من سنة عملت صورة دم كاملة(complete blood picture) وكان طبيعى الحمد لله....
يعنى ممكن فعلا حساسية الانف او التهاب الجيوب الانفيه تسبب زغلله العين
شكرا يا دكتور شريف علي اهتمامك بالرد علي اعضاء المنتدي ولكن لي مشكله بسيطه اريد الرد عليها
انا بلبس نظاره طبيه و مريحاني اوي ومقسها
العين اليمني sphere :-6.00/cylnder:-1.00/axis:125
العين اليسري sphere :-6.00/cylnder:-0.50/axis:50
واستمرت علي المقاس ده حوالي سنتين
وبعد كه قولت اعمل كشف جديد واغير النظاره وعملت كشف جديد وكان
العين اليمني
sphere :-6.50/cylnder:-1.00/axis:125
العين اليسري
sphere :-6.00/cylnder:-0.50/axis:50
قولت اجرب العدسات روحت اخدت الكشف الاخير ورحت اشريت عدسات بالكشف الاخير ده
واخذتها ولبست العدسات بس في مشكله وانا لابس العدسات واقرا اي كلام او ارقام احس بزغلله جامده واشوفهم اتنين وكمان وانا امام الكمبيوتر واول معقد مش بعد فتره ده اول ما افتحه اي كلام بيفضل مزغلل وكما ان انا بعقد علي كمبيوتر كتير واي كلام مكتوب علي ورقه او ارقام فا مرتحتش وقلعتها ولبست النظاره القديمه وارتحت بيها وبشوف بيها عادي ارقام وكلام
انا دلوقت عايز اعرف العيب منين العدسات ولا الكشف ولا المحلول
ياريت ترد عليا واسف علي الاطاله اقتباس
المشاركة الأصلية كتبت بواسطة Dr.SherifMansy
الف سلامة عليك
بس الأول عندى سؤالين محتاج اجابتهم من حضرتك لتوضيح الأمور
1) هل حضرتك عملت النظارة على المقاس الجديد و مريحاك ولا لسه بالمقاس القديم و هى دى النظارة اللى مريحاك ؟؟
2) مقاس العدسات اللى حضرتك لابسها كام ؟؟
فى انتظار اجابتك
و تحياتى
شكرا لردك يا دكتور
اولا بليس النظاره المقاس القديم هو اللي مريحني
بالنسبه لمقاس العدسات
اليمني : P -6.5
B.c :8.60 / dia 14.2 oc 33
اليسري :P -5.5
B.c :8.60 / dia 14.2 oc 65
ده اللي مكتوب علي علب العدسات والعلب لما جبتها كانت علب زجاج زي الادويه ومتبرشمه
نوعها clear vision صنع امريكا لمده سنتين
ياريت توضحلي العيب منين من فضلك
وشكرا علي مجهودك
اولا شكرا يا دكتور شريف ع الموضوع الهايل ده
ثانيا انا والدي عنده 58 سنة عنده جلوكوما متقدمة اكتشفناها تقريبا سنة 2000 ..عمل عملية عشان تخفيف الضغط في عين واحدة سنة 2001 وكان خايف ع العين التانية ففضل انه ميعملهاش وبيستخدم لحد دلوقتي قطرتين وبيحطهم بصورة يومية وهما Xalatan و Cosopt والدكاترة قالولو امشي عليهم مدي الحياة ..بس للاسف الرؤية عنده اتدهورت جامد في اخر سنتين تحديدا من 2008 والمجال البصري بتاعه اتأثر بنسبة كبيرة تكاد تكون 90 % ومبقاش يشوف الحاجة غير لو قدام عينيه مباشرة لا يمين سنه ولا شمال سنه ....المشكلة الرئيسية انه اهمل الموضوع من ساعة ما عمل العملية وافتكر ان القطرات دي هتثبت الضغط ومجال الرؤية بتاعه ... دلوقتي يا دكتور التصرف يكون ازاي عشان نحافظ ع البقية اباقية من نظره ..وشاكر ليك جدا
هو عياده حضرتك فين بالظبط
اكتشفت انحراف بعين ابنى الشمال
الانحراف ناحيه الانف وهو بسيط بس لو بصيت كويس بيبان ( انحراف للداخل مش للخارج )
سنه الان 3 سنين
معرفش الموضوع لسه جديد ولا احنا الى مكناش واخدين بالنا
عاوز اعرف ايه الى ممكن اعمله واحسن مكان ممكن اوديهلوله ( اسمع ان فيه دكاتره عيون بيتخصصوا فى الحول بس )
أنامن القاهره - المعادى -
ومعلش كنت عاوز اسأل حضرتك كمان
هو فيه اجهزه لتشخيص الحول بدقه
الموضوع ده جالي على الميل وقلت آخد رأي سيادتك فيه وهل هو صحيح فعلا ,, أم هو نوع من خداع البصر
وإيه هو أساسه العلمي إن وجد
أنا بصراحة ماجربتوش
اقتباس:
ماذا تفعل عندما تفقد نظارتك الطبيه
وجزاك الله خيرا مقدما يادكتور
احتمال ال 0.5 درجة الزيادة فى العين اليمين يكون هو السبب فى الصداع
العدسات لى بس ملحوظتين عليها
النوع مش من الماركات المشهورة ، مش قصدى وحش ، و لكن عادى ، و بالتالى القاعدة هنا ان مادام اول ما لبستها كانت مريحة يبقى مافيش مشاكل.
النقطة التانية ان مافيش حاجة اسمها عمر العدسة سنتين ... سنة واحدة فقط بأقصى حد.
يبقى اعتقد ان المشكلة كلها فى الزيادة فى المقاس فى اليمين فقط ، و الله اعلم.
و تحياتى
للأسف المرحلة اللى هو فيها اسمها الرؤية الأنبوبية او Tubular Vision و دى معناها ان للأسف 9/10 العصب اتأثر بشدة ، و للأسف الجزء اللى بيفقد من الأعصاب لا يمكن تعويضه ، و بالتالى لابد من التحرك السريع للحفاظ على ما تبقى.
لازم و بأسرع وقت الكشف و قياس ضغط العينين و تحديد ما اذا كان هناك حاجة لزيادة مرات او تغيير او اضافة العلاج لإيقاف التدهور الحادث فى مجال الأبصار نتيجة ارتفاع ضغط العين الغير متحكم فيه.
الموضوع عاجل جدا جدا جدا..
و تحياتى
ألف سلامة عليه.
طبعا فيه أجهزة للحول و لكن مش متهيألى اننا محتاجين لها دلوقت
افضل شئ ان الولد يتعمل له مقاس للعين و نشوف محتاج نظارة ولا لأ ، لأن ممكن فى السن ده يكون عنده مقاس و مش عارفين ، فالأفضل ناخد له مقاس ، اولا لأكتشاف اى عيب من عيوب الأبصار ، ثانيا نعالج الحول او نسبة منه ، لأن ممكن بعض الأنواع بتتصلح بالنظارة ، ثالثا نتجنب أى كسل مستقبلا فى العين.
لابد من الكشف عليه لتحديد المطلوب.
فى المرحلة الأولى دى مش محتاجين حد تخصص حول أطفال ، ممكن اى طبيب عيون .. المهم ناخد مقاس العين أول حاجة و لو طلع محتاج حد تخصص اطفال فمافيش مشكلة ، الأساتذة موجودين و الحمد لله
و تحياتى
فعلا الكلام ده حقيقى و دى ظاهرة فيزيائية معروفة فى علم البصريات و اسمها Pinhole effect و سبق انى كنت ذكرتها فى مشاركة سابقة ردا على أحد الأخوة الأعضاء فى المشاركةرقم 235 فى الموضوع الحالى
http://www.nilemotors.net/Nile/3872199634-post235.html
و تحياتى
كل سنة وحضرتك طيب يا دكتور ..
الحقني الله يخليك ..
طلعلي كيس دهني في عيني الشمال ومش وقته خالص ..
اعمل فيه ايه ؟ مش عايزة اعيد بيه :(
انا اصلا كان جالي قبل كده في العينين كل واحدة مرة ورحت عشان اشيله عيني كانت ملتهبة جدا فقالي مش هقدر اعمله الا لما نعالج الالتهاب ..
وراح لوحده فمروحتش تاني ..
دلوقتي اعمل ايه فيه في اسرع وقت ممكن .. احط قطرة antibiotic ولا antiallergic ولا اعمل ايه ؟
وميرسي جدااا
لو متأكدة انه كيس دهنى و مش ملتهب يبقى العلاج المفروض يكون Steroid + antibiotic combination eye drops & Eye ointment
القطرة 3 مرات يوميا لمدة اسبوع ثم مرتين يوميا لمدة اسبوع ثم مرة يوميا لمدة اسبوع و المرهم مرة واحدة قبل النوم
المفروض يقل او يختفى خلال اسبوع ، و الا فلابد من ازالته جراحيا.
و الف سلامة على حضرتك..
و تحياتى
هلا دكتور
كيف الحال ؟ انشالله بالف صحه وسلامه يارب
انا سويت فحص لعيوني بس ما اعرف وش الضعيف عندي ونسبه الحول عندي مادري كم ياليت توضح لي
http://store1.up-00.com/Sep10/5HJ84050.jpg
R
Sph 1.00 +
Cyl 0.25 -
Axis 165ْ
L
Sph 2.00
Cyl 0.50 -
Axis 15ْ
السلام عليكم
يا دكتور شريف من فضلك ممكن تكلمنا شوية عن العدسات عشان أنا من الناس اللي مش بحب البس النضارة وللاسف نظري بيضعف أكيد وانا مش حاسة وكنت فكرت إن الحل إني أعمل عدسات لكن في ناس قالولي الليزك أحسن وبعد ماقرأت اللي حضرتك كاتبه طبعا صرفت نظر عن الموضوع حتى أصلا نظري لسة مش ثابت (وانا 20 سنة )...وكنت عايزة أعمل عدسات من زمان لكن بابا رافض وبشدة ...وبيزود رفضه اللي بنسمعه إن ناس حصلها مشاكل كتير منها وناس اتعميت وناس لذات فيعنها وحاجات غريبة كده ...هل ده صحيح وإنها مضرة أو خطر ؟؟؟...يريت حضرتك تقولنا معلومات أكتر خصوصا إنه كده اصبح البديل الوحيد للنضارة..وشكرا لحضرتك عالمعلومات المفيدة قوي دي
ويا رب ميكونش الموضوع اتقفل والاقي حد يرد عليا عشان نفسي أعرف معلومات بسرعة لو سمحتوا
ويا ريت أعرف عيادة حضرتك فين لو سمحت
أنا نظر ناقص 2.75 w ناقص 3 بس ده كان من سنة تقريبا متغيرش كتير..ومش عارفة بصراحة أعرف إزاي لو عندي استجماتزم أو لأ ؟؟..والعدسات أنا مش قصدي إنها فعلا بديل للنضارة بس البسها الصبح فالجامعة وفي ال بيت البس النضارة ومش ألوان كمان عشان سمعت بتعمل مشاكل الصبغة بتاعتها مع الحرارة وكده
ياريت بجد يا دكتور تقولي إيه راي حضرتك
دكتور اولا ربنا يباركلك ويجازيك كل خير على ماتقوم به من مساعده للاعضاء .. ولي سؤال لحضرتك لوسمحت .. انا لدي طفل عمره 11شهرا ، ومنذ ولادته وهويعاني من حول في عينيه الإثنتين وخاصة العين الشمال يظهر فيها واضحاً , وكنت انا واباه نأمل ان يكون حولا كاذبا وانه بمجرد ان يكبر قليلا سيختفي .. ولكن للاسف ذهبنا به عند الطبيب بعدما اتم الستة شهور واخبرنا انه حولا ظاهرا .. ولابد ان يصلح هذا الحول بعمليه عندما يتم السنه .. وكتب لنا على نضاره ولكنها عاديه والصق على كل جزءمن عدستيها لاصقا لكي يجبر كل عين على ان تذهب للناحية الاخرى , ولكن ابني كان يرفضها بشدة وبمجرد ان نلبسها له يقم بشدها من على عينيه ويرميها ، فلم البسها له سوى 5 مرات فقط ولمدة قصيره جدا .. والان ابني سيتم عامه الاول بإذن الله قريبا .. وانا خائفه جدا من االعمليه ؛ وخاصة انها تتم تحت تخدير كامل .. ولاادري مانسبة نجاحها ؟؟ وهل ممكن عودة الحول بعدها في المستقبل .. وهل سيشعر طفلي بالالم ، ولمدة كم يوم .. ارجوك يادكتور طمني ،وقل لي كل شيء بصراحه.. وهل سيصحح الحول بنسبه 100% اي ستكون عيناه طبيعيتان تماماً .. وجزاك الله خيرا يادكتور وجعله في موازين حسناتك ان شاءالله
دكتور لوسمحت تاني اسفة جدا بس ترشحلي مين افضل دكتور في القاهره متخصص حول اطفال ويكون شاطر جداً ..
:no4::dunno:
آسف يا جماعة على التأخير و ان شاء الله سأقوم بالرد على الأسئلة اليوم بإذن الله..
و تحياتى
السلام عليكم ورحمتة اللة وبركاتة يا دكتر
كنت اريد اسم قطرة دموع صناعية بدون مواد حافظة
عشان بجلس امام الكمبيوتر كتير
سلام عليكم يادكتور شريف كل سنة وحضرتك طيب
والله كان نفسى اجى لحضرتك فى العيادة فى القاهره
ولكن ظروفى للأسف ماتسمحش للسفر
المهم انا فى دكتور عيون هاروحله بعد بكرة انشاء الله
ولكن مش عارف قلقان لأنى اول مرة اكشف نظر
وانا رايح عشان اطمن هل انا محتاج نضارة ولا لأ
وخصوصا انى بشتغل على الكمبيوتر لفترات طويلة
وتقريبا كل يوم بحس بصداع
وسؤالى هل لو الدكتور قالى انى هركب نضارة هل هيبقى ليا الخيار انى اركب نضارة او اعمل تصحيح ابصار وشكرا لحضرتك
دكتور شريف يارب دايما تكون بخير
انا يا دكتور جبت عدسات بيوميدكس واحدة توريك وواحدة عادية
انا لسه مستخدمتهمش
بس سمعت معلومة وعاوز اتاكد هل فعلا العدسات التوريك صلاحيتها من 2-3 شهور على عكس العادية اللي بتكون شهر بس ؟
السؤال التاني هل الصلاحية عدد مرات الاستخدام بمعنى ارتداء العدسات 30 مرة حتى لو خلال 3 او 4 شهور مثلا .... ولا من لحظة تعرض العدسة للهواء وفتحها
المفروض عدد ساعات لبس العدسة لا يتعدى كام ساعة يوميا ؟
هل يا دكتور لما اجي اخلع العدسة وانضفها بطريقة التدليك على كل وجه لمدة 10 ثواني بالمحلول ده مش ممكن يخدش العدسة او يقصر من عمرها الافتراضي لاني لاحظت انها لينة جدا جدا
ياريت اي نصيحة برضوا حضرتك تحب تقولها خصوصا انها اول مرة البس فيها عدسات
طلب اخير يا دكتور ... اتمنى لحظة عطف على موضوع العدسات اللاصقة :)
http://www.nilemotors.net/Nile/155726-a.html
ياريت بجد يا دكتور تتعب معانا شوية حسب ظروفك طبعا ويبقى موسوعة متكاملة على اي سؤال او استفسار عن العدسات اللاصقة
انا عارف ظروف حضرتك صعبة ومشغول جدا بس ولو حتى مقال صغير كل شهر في الموضوع ده
والف الف شكر
الموجود مقاس طول نظر بالعينين مع اسيجماتيزم قصر بالعينين فلىا محور افقى
و كشف النظارة لا يعبر عن الحول (اذا وجد) ، و لكن من المقاس الموجود اذا وجد حول فسيكون حول انسى (للداخل) ، و لابد من لبس النظارة باستمرار و انتظام لتجنب اجهاد العين و الصداع و الحول.
و تحياتى
لو سمحت يا دكتور انا عنيا وجعانى على طول وخصوصا وهى بتفتح وتقفل وساعات بحس كان فيها حبه رمل وساعتها ببقى مش قادر افتح عنيا خالص لحد ماحس ان هى اختفت لكن بتفضل عنيا وجعانى
روحت لدكتور ادانى العلاج ده مرهم maxitrol و قطره dexaflox وجل fucithalmic خدته اسبوع وفى الاستشاره قالى اسبوع كمان وعنيا اتحسنت بدرجه بسيطه وبقت حبه الرمل تظهر على فترات متباعده لكن عنيا لسه وجعانى
روحت لدكتور تانى ادانى العلاج ده قطره tobradex و قطره artelac لمده اسبوعين وخلصوا وكمان قطره orchazid لمده شهر ودى ناقصلها اسبوعين ولسه مافيش تحسن
وعلى ما اظن كانوا بيقولو انا عندى التهابات ومشكله فى الدموع ..انا مش عارف اعمل ايه وهل ممكن يبقى عندى ايه
دكتور سؤال كمان
الدكتور كان كتبلي على قطرة ريفريش بلاس
وقالي استخدم الخرطوشة خلال 24 ساعة .... وتقريبا الخرطوشة ممكن تكفى 6 مرات فهل ده مش كتير خلال اليوم وهل ليها اضرار ؟
الحاجة التانية هل فيه قطرة ليها نفس الميزة بس اسهل في الاستخدام من الخرطيش دي ومش مقيدة بصلاحية ؟؟
اخيرا ايه الفرق بين Refresh Plus و Refresh liquigel ؟؟
لو سمحت يادكتور ..انا عملت كشف نظارة جديد بعد سنة من القديم ..ولما الدكتور قاس لي كل عين لوحدها قعد يغير لي العدسات لحد ما ضبط كل عين علي عدسة بس لما جيت اشوف بالعدستين مع بعض حسيت بزغللة ..بسبب الشمال فقعد يغير العدسة كذا مرة بس الزغللة مش راحت ..والظاهر ان هو زهق فقال عادي الزغللة دي اسمها astigmatism والعين هتظبط نفسها والزغللة هتروح بعد كذا يوم ..انا دلوقتي بقالي يومين عامل النظارة وعندي الزغللة في عيني لسة ..فهل لدكتور كلامه صحيح العين هتتظبط لوحدها علي النظارة الجديدة والزغللة هتروح بعد شوية ولا اروح اكشف عند دكتور تاني مع العلم ان انا كان عندي استجيماتيزم قبل كده وكل سنة لما كنت بكشف كان بيطلع لي النظارة من غير زغللة ...ارجو المساعدة يادكتور بسرعة ..
وملحوظة كمان ان انا كل عين لوحدها في عدستها الرؤية واضحة من غير زغللة لكن الاتنين مع بعض بيعملو زغللة ....و انا لابسها زي الدكتور ماقال لي لحد ماتتعود ..بس خايف يكون في خطر علي عيني
السلام عليكم ورحمة الله ...
دكتور شريف ليا استفسار بعد اذنك .... انا مريض بالسكر واعاني في بعض الوقت من وجود نغمشه ورؤيه غير واضحه على المدى البعيد وخاصة لما بتكون عيني قريبه من حاجه وبعدين ابص لبعيد بلاقي نغمشه و الأشياء غير واضحه ..
فماذا افعل اذن ؟؟ هل اركب نضاره ولا ايه ... مع العلم ان الموضوع ده مش بيحصل على طوول ...
وجزاك الله خيرا
حذر اطباء العيون من محلول رينو لعدسات الاصقة
منتظرين ردودك يا دكتر لا تحرمنا من كرمك علينا
انت رجل والرجال قليلا
ياريت عنوان العيادة علىالخاص
السلام عليكم
لو سمحت يا دكتور انا نظرى -9 و -14
ايه افضل عملية تصحيح نظر
سؤال
انا سالت على سعر عدسات نظارة طبية مش مضغوطة
(( المقاس 1 تقريبا )) + بولاريزد
وفى محل اخبرنى بان الاسعا تبدا من 750 والمحل الاخر قال الاسعار تبدا ب 600جنية
بس الاول قال انها فرنسي والتنى ايطالى
هل الاسعار مبالغ فيها
لانى حاسس انها مرتفعه جدا
السلام عليكم ورحمة الله وبركاتة
اولا ربنا يسترها معاك ويبراكللك يا دكتور شريف ويجعلة فى ميزان حسناتك
ثانيا حكايتى اربع سنين بلف على دكاترة العيون
انا عمرى دلوقتى 19 سنة ولابس النظارة بنت ايالسة دية من حوالى 7 او 8 سنين
الشكوى :
1 - عينىبقى لونها محمر على طول و مش ابيض زى الطبيعى
2 افرازات لونها سمنى وساعات ابيض على عنيا الاتنين من ناحية النف والناحية التانية الخارجية
3 - دايما بحس زى ميكون فى طبقة زيت قدام عينى وبتخللى الرؤية مزغلله
4- ساعات كتير وان لم يكن دائما وانا شايف عادى تعمل زى ميكون فى ضباب قدام عينى فاقعد احرك عينى يمين وشمال وانا مثبت راسى لحد متروح
5 - ساعات كتير احس زى ميكون فى حاجة غريبة فى عينى وتقعد تشكنى واقعد بقى ادعك عينى واقفلها فترة واقوم اغسلها
6 وانا لابس النظارة بعد فترة الاقى حرف الجفن اللى بين الرموش وجسم العين نفسة ومن خارج الجفن اللى هو تحت الحواجب على طول يعملة زى مكون عايصهم زيت واضطر اغسل عينى فى الحالة دية بالماء والصاااااابون
7- ساعات اقل شوية حرقان جامد فى العين ممع احساس بجفاف جامد ولما احط اى قطرة ايا كان نوعها لاقى حرقان ولسعان فظيع وبعد شوية يروح
8 - النظارة مش مريحانى غيرتها كتييييييييييييييييير (1.5 و1.5 ) وواحدة تانية (2 و2 ) والخيرة اللى لسة ماشى عليها (1.75 و 1.75 ) وبقالى عليها بتاع تسع شهور
9- هزة فى الجفن كدة لوحدها معرفش من اية يعد كانة عاوز يقفل ويفتح تانى بسرعة بتوترنى
10 - وجع فى جسم العين نفسة وشوية ويرح الجفن ملتهب وورمان واقعد بالمراهم والقطرة وراة لحد ميخف
كلام الاطباء : :_Alshmokh23[1]:
جفاف فى العين ولازم تستخدم قطرة مرطبة (( محستش باى تغيير ولا اى حاجة من ليكوا فيلم و لدموع فى علبة غريبة كدة كل مرة ببلاستيكة صغيرة لواحديها تكسرها وتنقط اللى فيها وترميها ) ( الحق يقال حسيت براحة شوية مع تيرز جارد بس مستمرتش عليها كتير نظرا لسعرها 10 جنية مبتكفيش معايا خمس ايام او اسبوع بالكتير قوى وانا لسة طالب وثانيا خوفت لعينى تتعود على الدموع دية وتتعبنى بعد كدة )
رمد ربيعى وحساسية وخدت ( توبراديكس مرهم مع قطرة اوركازيد ) ومرة تانية ( ماكسيترول مرهم مع قطرة اوركازيد ) ومرة تانية ( قطرة زاديتين ) ودلوقتى زهقت ومستحمل الوجع بس مش شايف كويس واللى قالى حساسية قاللى ان مينفعش اعمل مقاس نظارة وعينى فيها حساسية اتعالج اسبوع واتنين واروحلة نلاقى المقاس هو هو ومش شايف بية كويس وقالى دة حاجة مزمنة ومش هتروح ولازم امشى عل القطرة على طول
هل فيها حل وللا خلاص بقى ؟؟ :brn: