شكرا على النصيحة دكتور شريف وجزاك الله خيرا
:b4_388:
عرض للطباعة
شكرا على النصيحة دكتور شريف وجزاك الله خيرا
:b4_388:
الف شكر على رد وإهتمام حضرتك بسؤالى .. وإعذرني على عدم المتابعة
والف شكر على إسلوب حضرتك الراقي جدا والذوق جدا
أنا متابع الموضوع بإهتمام شديد جدا
بارك الله فيك وجزاك خيرا كثيرا في الدنيا والآخرة
السلام عليكم دكتور شريف
اشكرك اولاً على هذه المبادره الطيبه جزاك الله كل خير عليها
ثانيا صديقتي منذ حوالي 8 شهور قامت بعملية مياه بيضاء في احدي عينيها وتمت بسلام والحمدلله ويوم الأربعاء اللي فات عملت عملية مياه بيضاء في العين الثانيه وتمت بسلام
لكن المشكله انها منذ يوم الثلاثاء قبل عمل العمليه الأخيره وهي عندها زغلله شديده في العين اللي عملت فيها العمليه من 8 شهور وسألت الدكتور قالها مفيش حاجه
والموضوع زاد بعد ما عملت العمليه التانيه مش عارفه تعمل حاجه ولا تشوف ارقام التليفون حتى من الزغلله ياترى ده ممكن يكون بسبب العمليه القديمه ولا ايه؟
واسفه جدا على التطويل وشكرا لك مقدما
مافيش تطويل و لا حاجة ، بالعكس ده انا هاحتاج معلومات زيادة
سن صديقة حضرتك كام سنة ، و هل يوجد سكر أو ضغط مرتفع ام لا ، و لو فيه اى منهما هل منتظم فعلا ولا لأ ؟؟
هل صديقة حضرتك عملت المياه البيضاء بعد ما استوت (يعنى النظر نزل جدا و بقى مثلا خيالات) و لا عملتها اول ما حست ببداية المياه البيضاء ؟؟
هل صديقة حضرتك عملت ليزر الياج لشق المحفظة الخلفية في العين اللى عملت فيها المياه البيضاء من 8 شهور ولا لأ ، و لو الإجابة نعم ، عملته امتى ؟؟
عموما فيه نقطة اقدر اجاوب عليها دلوقت و هى ان اى عين يتعمل فيها عمليه ازالة مياه بيضاء و زرع عدسة لابد من نظارة للقراءة بعد العملية و بدونها لا يمكن القراءة (قراءة ، تليفون ، كتابة ، شغل ابرة .... الخ)
و طبعا مافيش صلة بين العمليتين فى الحالة دى و خصوصا ان صديقتك بتشتكى من قبل العملية ما تتعمل فى العين التانية بيوم ...
فى انتظار الرد على اسئلتى و ان شاء الله اقدر اوضح الأمور بعدها.
متشكره جدا يا دكتور لردك السريع
هي سنها 36 سنه والحمدلله مفيش سكر ولا ضغط
وهي بتقول انها عملت العمليه بعد فتره من ظهور المياه البيضاء لأنها ماعرفتش في الأول ده ايه وكانت كأنها بتشوف ذبابه
وبالنسبه للسؤال بتاع ليزر الياج مش عارفه يعني ايه؟ بس هي بتقول ان كان فيه جلسة ليزر تحضيريه قبل العمليه بإسبوع تقريبا وده كان في المرتين يمكن يكون هو ده اللى حضرتك بتسأل عليه
وبخصوص موضوع نظارة القراءه اللي حضرتك بتقول عليها ليه ماظهرش ده بعد العمليه على طول من 8 شهور
هي كانت بتقرأ وتشوف كويس جدا لغاية ما حصل موضوع الزغلله ده
شوف يادكتوورر
اولا:انا مش داخل هنا علشان اهينك او اهين غيرك
ثانيا:المنطق اللى انت بتتكلم بية دة مش صحيح لانة ماينفعش افسر كل حاجة على مزاجى واقول ان عملية زى الليزك المريض لو خرج منها بأى عرض يبقى دة اسمة فشل للعملية00والا من المنطلق دة يبقى مش هنشتغل طب خالص00ونلغى مثلا طب التجميل دة لانة تخصص ممكن يعمل مشاكل من وجهة نظرك00ودة كلام مش علمى بالمرة
ثالثا:خلينا نطبق كلامك على العدسات اللاصقة00كااام واحد لابس عدسات لاصقة وبيشتكى من مشاكل00كتييرر اوى00فهل دة يعنى فشل العدسات اللاصقة وان نسبة فشلها 50%مع العلم انها برضة اختيارية وممكن تعمل مشاكل تؤدى الى فقدان البصر
ولا رأيك ان العدسات كويسة 00اما الليزك فهو صعب ومحتاج خبرة ومش اى حد بيشغلة
رابعا:اتحداك انك تجيبلى اى مرجع مكتوب فية نسبة فشل الليزك انها 15%دى00اتحداك00لانة مفيش حاجة فى الطب اسمها نسبة فشل او نجاح العملية 00فى حاجة اسمها المضاعفات ونسبة حدوث كل واحدة منها على حدة 00اما انى ابص على المضاعفاتك كلها على بعض واروح مديها نسبة فشل بالويم كدة من عندى فمعذرة دة كلام مش علمى خالص
والا اية رأيك يا دكتوووررر000وبفكرك هاتلى مرجع واحد فية تحديد نسبة الفشل 15% دى
انا عاوز اسال خضرتك سؤال انا لو ركزت مع عنية شوية مع التحريك يمين و شمال بشوف خيال اسود بيتحرك مع حركة العين و خصوصا فى العين اليمين و لو ركزت اوى بشوفة عبارة عن حاجة سودا و حوليها زى خطوط بيضاء مع العلم انى لو مركزتش فى الموضوع معنديش اى مشكله بتوجهنى و زمان رحت لكذا دكتور و قلى دة الذبابة الطائرة و مكنش فى اى علاج و عملت كذا قاع عين على مدار عمرى كلة و محدش علق على اى حد
السن 27 سنة استخدم نظارة المقاسات تقريبا 2 او 2.5
استاذ أحمد كمال000الحكاية مش موضوع سخن ولا بارد بزيادة--هى مش كدة خالص00الحكاية ان فى كلام مش صحيح اتكتب ولازم اعلق علية
اما بخصوص ان كل واحد حر فى رأية فمعذرة الكلام دة ميتقاش على مواضيع علمية ثابتة الكلام دة يتقال على ماتش كورة مثلا اما عن موضوع فى الطب فية حقائق علمية مثبوتة مينفعش00لان النهاردة يطلع واحد يقول نسبة15% فشل وبعدها يطلعلنا واحد يقول 25% وكل واحد حر فى رأية بأة
اما عن المواقع اللى فيها بلاوى الليزك انا مش معترض من البداية على وجود مضاعفات لليزك انا معترض على النسبة اللى كتبها الدكتور الا وهى 15% فشل واللى مازلت اتحداة فى انة يجيب اى مرجع مكتوبة فية نسبة الفشل دى00ارجو انى اكون وضحت00وبالمناسبة كلنا هنا للفايدة العامة من غير مقابل فبلاش نخلط الامور ببعض 00وشكرا
شكرا يا أستاذ أحمد لتكلفك عناء الرد معى ضد المجادلين بلا هدف ، و فعلا الليزك مشاكله فظيعة لكن نقول ايه و مين يسمع.
و بعد اذنك اسمح لى اسوق الدلائل اللى الأستاذ فاكر انه بيعجزنى و مش هاقدر اجيبها
و شكرا لك مرة أخرى مع كل تقديرى و شكرى لك.
واضح ان حضرتك مش فاهم كلامى يا سيدى الفاضل...
العملية يقاس نجاحها و فشلها بالهدف المطلوب منها و هل تحقق ام لا..
لما قلت عملية تجميل يبقى لازم الجزء اللى شكله وحش أو الجرح اللى باشتغل عليه يبقى مالوش اثر او على الأقل يقل ، اى حاجة تانية تبقى فشل ، مش يبقى نلغى عمليات التجميل ... لأنه لما ادخل عمليه للتجميل لأزالة اثر جرح و اطلع بنفس الأثر او اكبر منه فأكيد ده فشل ...
مثال تانى ... واحد نظره 6/6 و حصل له انفصال شبكى يعنى نظره راح و بقت عينه ضلمة ... لما اعمل له عملية اصلاح انفصال شبكى و يبقى نظره بعد العملية 6/12 فده نجاح لأنى لو سبته نظره هايفضل ضايع و لكن لما ارجع ولو جزء نافع من اللى فقد منه فيبقى نجاح ، و لكن لو صلحت الأنفصال و فضل مايشوفش فكده يبقى فشلت العملية ، مش أقول المهم الشبكية رجعت مكانها و عدم الشوف ده مضاعفة جانبية أو عرض.
بنفس المبدأ ... واحد نظره 6/6 بالنظارة و داخل يعمل ليزك (تصحيح ابصار) علشان يستغنى عن النظارة ، هنا لو سبت العيان كما هو نظره بالنظارة 6/6 مش هايقل و لا هايضيع ، و العملية اختيارية و ليست ضرورية ، فلو نظره بعد العملية ما كانش 6/6 أو حصل له مشاكل تؤثر على جودة الأبصار زى الزغللة و الوهج ، و دول ما كانوش موجودين قبل العملية ، فده فى عرف الطب فشل ، لأن المريض بقى اوحش من الأول.
و بلاش التماحيك فى كلام الدعاية و محاولة اللعب بالألفاظ و تفسير الفشل على انه اعراض و مضاعفات..
اما بخصوص تأكيدك على كلمة فشل فضحكتنى لأنى افتكرت الحكم بالبراءة فى قضية العبارة اللى غرقت لما القاضى استند فى حكمه بالبراءة ان الطب الشرعى قال ان الموتى سبب وفاتهم اسفكسيا الغرق و لم يربط سبب الوفاة بغرق العبارة.....
يا أستاذ لما واحد نظره 6/6 يدخل عملية للأستغناء عن النظارة و يطلع نظره اقل او بمشاكل فى الرؤية ده اسمه نجاح ؟؟؟
بالنسبة لمحاولة التجريح فى ان الليزك صعب و مش أى حد يشتغله ، فانا آسف ما اقبلش الأسلوب ده فى التلميحات اللى مقصود بها الأهانة و التجريح ، و عموما مادمت حضرتك خبير فى تصنيف العمليات فى طب و جراحة العين فأسمح لى اقول لحضرتك ان الليزك دور الطبيب فيها هامشى و الكومبيوتر فى جهاز الليزك هو المسئول عن العملية كلها تقريبا ، و اسمح لى اضيف معلومة اخرى لحضرتك انى تخصصى فى طب و جراحة العين هو جراحة الشبكية و الجسم الزجاجى و دى أصعب تخصص فى طب العيون ، لأن علشان اشتغل فى الشبكية و الجسم الزجاجى لازم ابقى عارف كل العمليات الباقية علشان اقدر اتصرف و انا باعمل عملياتى فى الجزء الخلفى من العين ، و اسأل حضرتك و اتأكد ان ده فعلا اصعب تخصص.. مش عملية ليزك اللى مش هاعرف اعملها ، انا فعلا باعملها و لكن للمريض اللى ماعندوش حل آخر غيرها و بشروط معينة اتجنب فيها ايذاء مريضى..
كلام "ماتش كوره" و "غير علمى" و "بالويم" و "من عنده" فأسمح لى ده اسلوب مرفوض فى الحوار.. ياريت بلاش تجريح و اتهامات و اهانة اكتر من كده.
و أخيرا اتفضل طلبك ، معلش اتأخرت شوية بس على ما طلعت المجلات و الكتب و عملت لها سكان ، خصوصا مع ضيق وقتى الشديد.
http://img405.imageshack.us/img405/6561/img3qd.jpg
طبعا واضح ان النظر قل فى 14.5% من المرضى ، و قبل ما تقول لى كلمة "فشل" فين ، اتفضل الباقى
http://img695.imageshack.us/img695/2357/img2k.jpg
و هنا نقص 18%
http://img109.imageshack.us/img109/9962/img30001.jpg
و هنا كلمة "فشل" اللى حضرتك طلبتها ، لأ و الأدهى ان المريض انتحر بسبب العملية ، بس ده مش موضوعنا
حجم الصور كبير لأنى تعمدت ارفعها كما هى بجودة السكانر ، و اهى قدام حضرتك بتتكلم بدلا منى
و لسه فيه تانى بس باعمله سكان و هارفعه فى اقرب فرصة ، انا قلت ارفع دول بسرعة لما لقيت الأهانة رجعت مع التجريح و التلميحات الغير بريئة ...
انا مش بادعى و لا بألف و لا باقول بالويم ، انا كلامى موثق بالمراجع ، انت بتكلم دكتووووور (زى ما بتكتبها) مش لعيب كورة
و تحياتى
أرجو المعذرة من كل الأخوة فى تأخرى عن الرد على أسئلتهم و لكن كلام الأخ mosaelaswad كان لازم ارد عليه أولا لأن دخلنا فى مرحلة التشكيك فى شخصيا ، و هذا ما لا اقبله ، و كان لابد من اثبات وجهة نظرى و انى مش بأفتى أو بأدعى
وساقوم بالرد على اسئلتكم فى اسرع وقت ان شاء الله ، فعذرا مرة أخرى
و تحياتى
و آدى كمان مقالتين ، يا ترى ده كلام بالويم ؟؟؟
http://img685.imageshack.us/img685/2103/img400012.jpg
http://img513.imageshack.us/img513/225/img400022.jpg
يا ترى الحاجات دى كفاية و لا فيه تحدى تانى ؟؟؟
تحب اجيب لحضرتك مقالات بتقول ان الدعاية و مراكز الليزك بيغشوا العيانين و بيزيفوا النتائج علشان يبان ان العملية آمنة اكتر من الحقيقة علشان يضمنوا ان نسبة الأقبال عليها ما تقلش و بالتالى الفلوس تفضل شغالة ؟؟؟ تحب أجيب لحضرتك تقارير ال FDA عن مراكز الليزك اللى قفلوها فى أمريكا من كتر المشاكل اللى حصلت منهم و الدعاوى القضائية اللى عليهم ؟؟؟ كل ده بسبب المضاعفات ؟؟؟ العمليات نجحت و حصل بس شوية مضاعفات ، و الناس كسبت القضايا بسبب المضاعفات ، و المراكز اتقفلت بسبب المضاعفات ... لكن ده مش فشل أبدا...
و بارجع تانى و باقول زى ما دايما باقول :
الى عايز يعملها هو حر ، بس يبقى عارف اللى له و اللى عليه
انا مش عايز و لا باخد حاجة من حد ، و لا فاتح مركز عدسات و باقول بلاش ليزك و تعالوا عندى ، و لا باخد الناس اللى مش هاتعمل ليزك اعمل لهم اى حاجة تانية ، من الآخر ماليش مصلحة شخصية فى الموضوع.
كل الحكاية ان دى أمانة لازم أأديها ، اقول كلمة الحق لما حد يسألنى عليها
اقتباس:
لانة مفيش حاجة فى الطب اسمها نسبة فشل او نجاح العملية 00فى حاجة اسمها المضاعفات ونسبة حدوث كل واحدة منها على حدة
بصراحة جديدة على دى ، يعنى كل العمليات مالهاش نجاح او فشل ، ليها مضاعفات او لأ ، و بس ...
أمال اللى يخش يعمل عملية مياه بيضاء و يطلع بيشوف ، تبقى دى اسمها ايه ؟؟؟ عملية بدون مضاعفات ؟؟؟ لكن مش ناجحة ؟؟؟
و اللى يدخل يعمل عملية جلوكوما (ضغط العين مرتفع) و يفقد الأبصار فى العين دى بعد العملية ... يبقى اسمها ايه ؟؟؟ العملية نجحت بس المضاعفات خلت العيان ما يشوفش .؟؟؟ لكن لم تفشل ؟؟؟
بلاش اللعب بالألفاظ و نقول مادام كلمة قشل لم تذكر يبقى الكلام غير حقيقى ...
ده هروب من الحقيقة
أخيرا يا ريت فى حوارنا و نقاشنا بلاش اتهامات و تجريح و اهانة ، ممكن نتناقش بهدوء و كل واحد يقول رأيه من غير ما نزعل من بعض ، اما اسلوب الأهانة و التجريح لمحاولة تكذيب الطرف الآخر فمالوش لازمة
و تحياتى
شوف برضة يادكتوور00المرة دى مش ناوى ارد على الكلام اللى من نوعية المجادلين بلا هدف لانى عندى مصيبة اكبر لازم اوضحها وارد عليها00
مصيبة اضحكتنى و احزنتنى فى نفس الوقت00ليه بأة00
لازم نوضح اية الفرق بين الpaper and ....book
او بمعنى البحث والمرجع00الاوراق او المقالات تعنى ابحاث من اشخاص على مجموعة قليلة من الافراد بواسطة طبيب او اكثر لعرض تجربتهم الشخصية فى موضوع ما (يعنى ممكن دكتوور فاشل يعمل 20 عملية ويطلع 10 منهم مش بيشوفو وتكون النسبة فى البحث 50% وينشر البحث وتطلع انت تعلملنا على النسبة دى وتقول شوفو 50% فشل اهة00طبعا الدكتور الفاشل دة مش انت عشان ما تطلعش تقولى بطل اهانة )00ولا تنم عن نتيجة نهائية للموضوع00اما المرجع فهو الذى يعطينا النتائج النهائية لموضوع ما بعد سنوات البحث00ولذلك فالاوراق او المقالات اللى سعادتك حاطتها هنا لا يمكن الاعتماد عليها ولكن00عشان خاطرك هنعتمدها ونقراها عشان نوضح حجم المصيبة00
عارف وانا بقراها افتكرت اية00ولا تقربوا الصلاة00لية بأة تعالى نشوف000
الورقة الاولى:بص فيها فوق كدة وشوف التاريخ01997 ولاحظ الكلام اللى مكتوب بالنصthis paper describe intial experience with this proceedure
يعنى مقالة من 1997 وتشرح الخبرة المبدأية للعملية من بعض الاشخاص ورحت سايب دة كلة وعلمت علامة كدة فى النص وخلاص ومش مهم اية اللى مكتوب قبلها00 ماهى الناس مش هتقرأ00ولا تقربو الصلاة00ادى واحدة
الورقة او المقالة التانية:بتتكلم عن خبرة بعض الطباء فى اجراء العملية فى الناس اللى عندهم قصر نظر شديد _12 ديوبتر وانت طبعا عارف ان دة كتير على العملية 00فطبا لازم تطلع معاهم النسبة كدة واوحش من كدة كمان00ادى التانية00ولا تقربوا الصلاة
اما الورقة الثالثة فدى اضحكتنى كثيرا لانها قمة الكوميديا 00عاوز كلمة فشل ادى كلمة فشل يا عم موسى00ههه00اية اللى مكتوب فيها مش مهم 00دى ورقة تنفع تكون خبر لطيف فى ملحق انهاردة اجازة فى اخبار اليوم عن واحد عمل ليزك ومتحسنش فجالة اكتئاب وانتحر00عادى اعرف واحد برضة حصلة كدة بعد ماتش الجزائر00هههه
يادكتوورر00انا استخدمت الفاظ عنيفة 00لانها فعلا مصيبة ومهزلة كمان لما تستخف بعقول الناس وتفتكر انهم هيشوفوا شوية مقالات ف هنبلم ونصدق من غير ما نقرأ ونفكر
عيب يادكتور دى امانة ولازم توصلها صح ومش عيب ان الواحد يغلط ويصحح خطأة لكن العيب اكتر واللى احزنى انك بتحاول تضحك علينا 00(لانى استبعدت طبعا انك تكون مش فاهم اللى مكتوب والا تكون دى مصيبة اكبر ويكون على الطب السلام فى مصر)
حضرتك بتقول انى فاكر انى هزنقق 00ردك بالمقالات دى يبين انك فعلا اتزنقت ومش لاقى رد علمى( لاحظت انك حطيت ورقتين تانيين مع ان وقتك ضيق جدا على حد تعبيرك00بس انا مش ناوى اقراهم لان كدة الموضوع باة واضح للناس خلاص)
كلمة اخيرة:يادكتوورر الامانة العلمية حاجة مهمة وخصوصا لو بكلم ناس تلجأ لى للنصيحة00واللة الموفق
أستاذى الفاضل
حضرتك ليه بتقرأ بين السطور و تسيب الهدف ؟؟؟
أنا قاصد اجيب البحث بتاع 1997 علشان اورى حضرتك ان من أول ما طلع و فيه نسبة للفشل تقريبا ماتغيرتش لحد دلوقت برغم ان المفروض الأجهزة اتطورت جدا ...
بالنسبة لموضوع -12 فلو حضرتك متابع اللى بيتقال عن الليزك انهم بيصححوا حتى -14 فيبقى ازاى توافقنى ان لازم -12 ده عالى و هايفشل و بتقول ان الليزك مابيعملش مشاكل و هم بيعملوا لحد -14 ؟؟؟ مش شايف ان حضرتك كده فيه تناقض ؟؟؟
موضوع اللى انتحر فده مش نكتة ... للأسف حضرتك مافهمتش المغزى من سياقه ... ده معناه ان الموضوع له ابعاد اكبر من انه مجرد عملية مدتها 5-6 دقائق و المريض يروح مبسوط لأنه قلع النظارة ... لأ ...الموضوع اكبر لأن له ابعاد على الناس فى حالة حدوث مشاكل فى النظر تؤدى للأكتئاب (بلاش سيرة الأنتحار يا سيدى) و إلا ما كانتش ال FDA بجلالة قدرها تدعو لعمل دراسة فى الموضوع ده ... مش علشان حضرتك تشوفها نكتة و تضحك على مصايب الناس..
الورقتين اللى حضرتك مش عايز تقرأهم دول آخر أبحاث للسنة دى 2009 و فيها دراسة من AAO و دى اختصار ل American Academy of Ophthalmology و دى اعلى جهة لطب و جراحة العين فى العالم ... و أكيد الناس دى مش بتلعب ، بل بالعكس فيه لوم لأنهم اتأخروا فى توضيح الحقائق دى...
نقطة أخيرة ، حضرتك أنا عارف كويس الفرق بين ال paper و ال book و لكن فيه ملحوظتين هنا :
أولا لو حضرتك اخذتك بالك كويس هاتلاقى ان تانى صورة دى من كتاب مش paper
ثانيا مادام حضرتك عارف الفرق بينهم فأكيد حضرتك عارف ان اى معلومة بتتحط قى الكتب بتكون دراسة او بحث و يتم نشرها و تبقى paper و لما تاخد موافقة من جهات موثقة (زى AAO) بتتحط فى الطبعات الجديدة من الكتب ، و لا حضرتك اللى بيعمل بحث و يكتشف حاجة بيروح مألف كتاب و ينشر الكتاب فى المؤتمرات ؟؟؟
اقتباس:
يادكتوورر00انا استخدمت الفاظ عنيفة 00لانها فعلا مصيبة ومهزلة كمان لما تستخف بعقول الناس وتفتكر انهم هيشوفوا شوية مقالات ف هنبلم ونصدق من غير ما نقرأ ونفكر
لو انا عايز استخف بعقول الناس ماكنتش قعدت اتناقش معاك و اشرح اسباب فشل و مشاكل الليزك ، و ماكانش فيه داعى اتعب نفسى و اعمل سكان للصفحات االى صورتها ، كان كفاية اخد الجزء اللى فيه النسبة و بس ، هل تعتقد انى غبى لدرجة انى انشر الصفحة و انا متخيل ان ماحدش هايقرأها كلها ، امال انا حاططها ليه بالكامل ؟؟؟ العلامة اللى حاططها الغرض منها توضيح الجزء اللى انا عايز احدده بالكلمة اللى حضرتك طلبتها و أصريت عليها و كأنى مدعى و جاهل ، و لما جبت لك الأدلة عليها اتهكمت باللى موجود قدامك و رفضت تقرأ الباقى اللى فيه كلام حاسم ... تفتكر كده مين بيستخف بعقول الناس ؟؟؟
اقتباس:
عيب يادكتور دى امانة ولازم توصلها صح ومش عيب ان الواحد يغلط ويصحح خطأة لكن العيب اكتر واللى احزنى انك بتحاول تضحك علينا
أعتقد ان العيب هو محاولة الأستمرار فى اثبات الخطأ على انه صواب ، انا مش عارف انت عايز ايه تانى ؟؟
مواقع عالمية طبية و غير طبية و سعادتك معترض عليها ، طلبت اثبات مكتوب و جبت 5 بدل واحد و برضه حضرتك مش مصدق ، و بعد كده بتقول مش عيب الواحد يغلط و يصلح غلطه ، يا أخى قول لنفسك الأول ، اما اسلوب الأهانة اللى بقى متعمد فى كلامك (و مش عارف ليه الأصرار على استفزازى) فللمرة المليون مرفوض ، و لكن مش هاسمح لنفسى بأنى أرد بنفس الطريقة
عارف للأسف اسلوبك فى المناقشة بيفكرنى بالمثل القديم "خدوهم بالصوت لا يغلبوكم" كل ما اجيب لحضرتك ادلة و اثباتات (و ماعادتش تفرق معايا انت تقتنع بيها ولا لأ علشان انا ملاحظ ان الغرض من مجادلتك لى هو الأهانة و التجريح و خلاص) تلجأ لأسلوب الأهانة بدل اسلوب الحوار و النقاش.
على فكرة ، اتناقشنا فى مشاركة تانية عن الليزك انا و أحد الزملاء هنا فى المنتدى و اختلفنا و لكن كانت مناقشة ممتعة لأنه لم يلجأ لأسلوب الأهانة و التجريح زى ما انت بتعمل..
و عموما ياريت اعرف رأيك ايه فى آخر ورقتين ... تعالى على نفسك شوية و اقرأهم ... ولا دول وحشين ؟؟؟
36 سنة ده سن صغير على حدوث المياه البيضاء ... يا ترى حد دور على سبب حدوثها ؟؟؟ مهم جدا السؤال ده ..
ليزر الياج ده مش جلسة تحضيرية ، اللى صاحبتك بتقول انها عملته ده اسمه قياس عدسة لتحديد مقاس العدسة اللى هايتم زرعها داخل العين اثناء العملية.
طالما صاحبتك كانت مش عاملة نظارة قراءة فاحتمال انها كانت بتستعمل العين اللى ماتعملش فيها عملية للقراءة و الثانية للبعيد و ده ممكن يحصل من غير الواحد ما يكون منتبه لكده ، و لما زادت كمية المياه الببضاء اصبحت القراءة مشكلة فحدثت الزغللة ... ده مجرد احتمال.
و المفروض انها عملت تحاليل قبل العملية و ان كل شئ تمام ، و مافيش ضغط او انيميا الخ الخ..
بصراحة فى وضع زى كده ماقدرش اقفز للأستنتاجات :U_thin1[1]:... الأفضل اشوف المريضة.
لوصاحبتك تحب انى اكشف عليها .. حضرتك ابعثى لى على الخاص و انا ابعت لحضرتك العنوان و التليفون ، و تشرفنى ضيفة عزيزة
و تحياتى
دى حضرتك فعلا الذبابة الطائرة و لو تسمح لى اشرحها ببساطة :
العين من جوه مليانة بجيلى اسمه "الجسم الزجاجى" و ده بيكون لازق على الشبكية كويس ، و مع تغيرات النظر (زى قصر النظر مثلا) أو التقدم فى السن أو الأثنين بيبدأ جزء منه يسيل (زى لما تطلع طبق جيلي من الثلاجة بتلاقى الجيلي لازق فى الطبق ، و لما تسيبه شوية بتلاقى حروفه سيلت و بدأ الجيلي فى الطبق يتحرك) و بالتالى يبدأ الجسم الزجاجى فى الأهتزاز و الحركة مع حركة العين ، و طبعا الجسم الزجاجى فيه شوائب ، و لما بيتحرك ظل الشوائب دى بيقع على الشبكية و نشوفه ، و هى دى الذبابة الطائرة.
بتبان لما يكون فيه تباين (contrast) يعنى لما تبص على ورقة بيضاء ، سماء صافية ... الخ ، و لما تبص على حاجة غامقة ماتبانش.
مالهاش علاج حتى الآن غير انك تنساها ، فيه قطرتين كانوا طلعوا علشان بيقولوا بيضيعوها و لكن ثبت عدم صحة الكلام ده ، و اتضح انهم مالهمش فايدة.
أحسن حل انك تنساها..
طالما قاع العين سليم انساها تماما.:N_no[1]:
الحالة الوحيدة اللى تكون مقلقة هى لو فجأة حصل دش من الذبابة الطائرة (فجأة 100 واحدة ظهروا فى ثانية مثلا) و كان معاها فلاشات ضوء ، دى تبقى مش كويسة.
لكن غير كده انساها و مالهاش اهمية تماما..:S_thum1[1]:
و تحياتى
دكتور شريف00للمرة الثانية انت فاهم الفرق بين المقالة اللى بتعبر عن تجربة شخصية فى عمل ما واكرر تجربة شخصية وبين المرجع او الكتاب 00مثال لذلك من الممكن ان يكون هناك عملية تتم بنجاح تام مع كل الاطباء وعندما يجريها احد الاطباء فيكون خبرتة الشخصية معها سيئة وينشر هذا فى مقالة00ودة مايعبرش عن الحقيقة
ولكن عشان خاطرك انا قريت المقالتين اللى انت حاطتهم وبردو وجدت الاتى00بص يا سيدى00
الاولى:بتتكلم عنvery short sighted people اى الناس اللى عندهم قصر نظر شديد جدا واكرر شديدجدا شديد00وعاد وكمل وقالvery poor naturale sightاى اللى نظرهم ضعيف جدا 00وكان قبلها اتكلم عن الليزك فى الناس حتى _8 وقال انة very well اللى عاوز اقولة ان المقالة موجهة للناس اصحاب قصر النظر الشديد جدا وليس على العموم 00دى واحدة
التانية :لاحظ كدة الكلام بالنص كدة مكتوبthere is no oficial data detailing coplication بمعنى ان اللى كاتب المقالة لا يوجد لدية اى معلومات رسمية موثقة عن مشاكل الليزيك00وبالتالى شهادتة فى الليزك لا يمكن الاعتماد عليها00
وهو دة اللى انا بقولة من الصبح ان دى مقالات00مقالات00من اشخاص00وحتى المقالات دى لا تدين الليزك ولكن بتتكلم عن فئة من الناس زى مانا وضحت
اما لو عاوز نتكلم صح اتعب نفسك شوية واتلى من اى مرجع ان النسبة للفشل 15% 00بس لو سمحت تجيب اسم الكتاب والطبعة ورقم الصفحة00وساعتها نتكلم صح00وطبعا الموضوع بتاع الكتب دة مش صعب عليك00مش كدة ولا اييية
بالمناسبة يا دكتور ان ليس لى غرض من النقاش سوى ايضاح الحقائق00اما اتهامك لى ان غرضى هو الاهانة والتجريح فهو اتهام مرفوض بالمرة00
سياده العضو الفاضل
يمكنك طلب ايضاح الحقائق علي اي من المنتديات الطبيه الاخري
صاحب الموضوع يقوم بالمساعده تطوعا منه ولم ترد لينا اي شكاوي من اجاباته او تشخيصه
ولكن تطاولك عليه ادي لخرقك القاعده رقم 13 من قواعد وقوانين المنتدي اللتي تنص علي
[gdwl]
13- ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .
[/gdwl]
وبناء علي اصرارك وتعمدك التهكم سيتم ايقافك لمده اسبوعين كعقوبه مضاعفه
لما بدر منك
مشرف عام 3
استاذ موسى
مع احترامي لحضرتك
مش شايف غير حدة نقاش وتجريح في دكتور شريف
مع ان دكتور شريف بيقول ان نسب نجاح العملية في الحالات دي سيئة
يعني مالوش اي مصلحة
غير ان اسلوبك في الحوار حاد وعنيف
والاثبتات اللي انت طالبها هو جاب بيها مستندي بعد ما تكرم وعمل سكان
اكتر من كدة بعتبرة تعسف وخرج برة نطاق النقاش الهدئ للتوصل للحقيقة الى نطاق التكذيب وهذا مرفوض تماما
متشكره جدا يا دكتور لردك
بالنسبه لسبب إصابتها في هذه السن بالمياه البيضاء لا احد يعلم حتى الآن وارجو ان كان هناك اسباب لحدوث ذلك في العينين في هذه السن ان تفيدني بها
وهي عملت تحليل ومفيش انيميا فعلاً لكن الضغط الله اعلم لسه حتشوفه وهي كانت بتلبس نظاره فعلاً قبل العمليه لكن العين اللي مزغلله دلوقتي كانت مجرد عدسه سته على سته والتانيه هي اللي كان لها مقاس للنظر والنظاره دي اتكسرت قبل العمليه بيومين تقريبا والدكتور قالها مفيش داعي تعمليها دلوقتي لأن مقاس النظاره حيتغير بعد العمليه
المهم هي من يومين راحت تاني للدكتور علشان يطمئن على العمليه وقالها العمليه كويسه وبخصوص انها مش شايفه من الزغلله قالها تنتظر اسبوعين كمان وان ممكن يكون النظر اتغير فجأه!!!
انا اسفه والله يا دكتور على الإطاله انا عارفه انك اكيد مشغول بس هي مش عارفه تمارس حياتها عادي كده وعندها اكتئاب من الموضوع ده
والدكتور ده هي بتشكر فيه جداً وعنده خبره وعمل العمليه دي قبل كده لأحد اقاربها والحمد لله كويس بس هي مش فاهمه ايه سبب اللي حصل ده وكتير جداً اسبوعين تاني بنفس الحاله
اسباب حدوث المياه البيضاء فى السن الصغير مش قليلة ، ممكن يكون ناتج من استعمال أدوية ، زى الأفراط فى استعمال قطرات الكورتيزون ، ممكن يكون بسبب مشاكل فى التمثيل الغذائى بالجسم ، ممكن يكون بسبب طبيعة عمل زى التعرض للأشعة فوق البنفسجية بكثرة زى اللى بيشتغلوا فى صناعة الزجاج (و ان كنت استبعد الناحية دى مع صاحبة حضرتك) ، ممكن نتيجة اصابة او خبطة قوية ، ممكن بعض الأمراض بتسببها (نادرة شوية).. و ساعات بتيجى لوحدها فى السن الصغير بدون اسباب ...
فكده الموضوع عايم ، و المفروض كان الفحص هو اللى يوضح كده ، لأن شكل المياه البيضاء عادة بيدل على السبب ، و مادام عملت العملية بالسلامة فى الأثنين يبقى تقريبا مش هانعرف السبب الا لو كان فيه حاجة تظهر فى بعض التحاليل..
طبعا ان النظارة اتكسرت قبل العملية بيومين ففعلا المفروض تنتظر بعد العملية علشان تعمل المقاس الجديد.. ده كلام مضبوط 100%
حكاية النظر اتغير بصراحة مش داخلة دماغى ... المفروض نقيس الضغط و نعمل فحص قاع عين للأطمئنان.
و كل عام و انتم بخير ، و عيد سعيد على الجميع
و تحياتى
ازيك يا دكتور انا بصراحه كنت عامل عملية الليزك سنه 2007 المهم سعات بعاني من الاضاءة بالليل وسعات بحس من انعدام في الرويا دا سعات بالليل وانا سايق العربية بتاعي ومتمر علي القطرة الي هي التير ناتشورال يا تري اي الحل
كل سنة و حضرتك طيب و حمدا لله على سلامتك بعد العملية.
حكاية المعاناة مع الأضاءة فى الليل و ضعف الرؤية الليلية دى احد المشاكل المعروفة بعد عمل الليزك و متوقع حدوثها.
اقتباس:
- Some patients develop debilitating visual symptoms.. Some patients develop glare, halos, and/or double vision that can seriously affect nighttime vision. Even with good vision on the vision chart, some patients do not see as well in situations of low contrast, such as at night or in fog, after treatment as compared to before treatment
و الكلام ده مذكور فى ال FDA هنا
و للأسف حتى الآن مالهاش علاج محدد ، ممكن تحاول تجرب لو محتاج نظارة (لو فيه مقاس صغير موجود)
بالنسبة للتيرزناتشوريل فهى قطرة جيدة للتغلب على اى جفاف يحدث بعد العملية ، و لكن لنا بعض التحفظات عليها على المدى الطويل ، و لذلك من الأفضل استعمال اى من القطرات التالية بدلا منها :
Tears Guard Eye Drops
Hyfresh Eye Drops
Systane Eye Drops
Vidisept-N Eye Drops
أى واحدة من دول تؤدى الغرض و افضل من التيرزناتشوريل ، و اى واحدة منهم توضع 4 مرات يوميا ماعدا Systane فمرتين يوميا تكفى.
و تحياتى
عندى استفسار صغيرة يا دكتور عن احمرار العين المستمر
انا بلبس نظارة من 6 سنين و عندى استجماتزم و العادى بتاعى انى لو قعدت قدام الكمبيوتر
اكتر من ساعة عينى تحمر واحس بحرقان و كنت متعود على كده
لكن المشكلة انى قبل العيد باسبوع تقريبا كان عندى شوية ظروف مش لذيذة و 3 و 4 يوم العيد
كان عندى وعكة صحية فى الفترة دى كلها طول الليل عنيى بتبقى حمرة بدون سبب والكل
بيلاحظ ده سواء لابس النظارة او لا
وخلال الفترة دى سوقت مسافة حوالى 60 كيلو عينى بعدها كانت حمرة جدا وحسيت كان فيها ميه بملح
و حرقان غريب و مستريحتش الا لما خدت قطرة
فهل فيه اسباب عضوية تعمل كده ولا دى نتيجة اسباب نفسية وارهاق ؟؟؟
وانا عندى مرض ضغط الدم من 8 سنين ممكن يكون هو اللى بيعمل كده ؟؟؟
و شكرا
الف سلامة على حضرتك.
للأسف الموضوع واسع و صعب تحديد السبب بمجرد الوصف ...
طبعا المفروض ان النظارة تتلبس على طول ، و احيانا لبس و خلع النظارة بيكون سبب فى اجهاد العين و احيانا الأجهاد بيظهر بشكل احمرار و حرقان و دموع فى العين و خصوصا مع المجهود.
الكومبيوتر بيسبب ان معدل الرمش بالعين بيقل و ذلك نتيجة التركيز فيه ، و لذلك تزيد درجة تبخر الدموع و يحدث الحرقان و احمرار العين ، و يمكن التغلب على هذه المشكلة باستعمال قطرة دموع صناعية عند العمل على لكومبيوتر لتجنب هذه المشكلة
بالأضافة ان الكومبيوتر يعتبر من الأعمال القريبة التى تجهد فيها العين و لذلك لابد من النظر الى اى شئ بعيد لمدة نصف دقيقة كل 20 دقيقة لأراحة العين من اجهاد العمل القريب ، و اذا لم يتم ذلك بانتظام قد تجهد العين و تحمر و تدمع.
بعض انواع الوعكات يظهر بصورة احمرار العين ، مثلا البرد و الأنفلونزا يصاحبهما احمرار العين و الحرقان و الدموع ، و طبعا ضغط الدم المرتفع له تأثير على العين ، و المفروض ان حضرتك بتاخد علاج و الضغط مضبوط .. ولا ايه ؟؟ آخر قياس ضغط كان امتى و كام ؟؟
ايه نوع القطرة اللى استعملتها ؟؟؟
نلاحظ هنا انى ماتكلمتش عن احتمال وجود التهاب او حساسية فى العين ، و دى واردة جدا و خصوصا لو كان فيه افرازات من العين او دموع كتيرة و مستمرة ، و ده كمان احد الأحتمالات ..
احيانا الحالة النفسية تتسبب فى قلة النوم و بالتالى تحمر العين و تكون مجهدة و ممكن يحصل فيها حرقان ...
لو ممكن توضح لى النقط اللى سألت عليها علشان احاول احدد السبب ان شاء الله ..
فى انتظار الرد .
و تحياتى
الله يسلمك يا دكتور و اسف على تعبك معىاقتباس:
الف سلامة على حضرتك.
انا فعلا مش بلبس النضارة الا عند مشاهدة التليفزيون والكمبيوتر و السواقة لانى بشوف الصور البعيدةاقتباس:
طبعا المفروض ان النظارة تتلبس على طول ، و احيانا لبس و خلع النظارة بيكون سبب فى اجهاد العين و احيانا الأجهاد بيظهر بشكل احمرار و حرقان و دموع فى العين و خصوصا مع المجهود.
مشوشة ومهزوزة , ماعدا كده غالبا بقلعها
شكرا يا دكتور على المعلومات , و هل قطرة الدموع الصناعية ليها اعراض جانبيةاقتباس:
الكومبيوتر بيسبب ان معدل الرمش بالعين بيقل و ذلك نتيجة التركيز فيه ، و لذلك تزيد درجة تبخر الدموع و يحدث الحرقان و احمرار العين ، و يمكن التغلب على هذه المشكلة باستعمال قطرة دموع صناعية عند العمل على لكومبيوتر لتجنب هذه المشكلة
بالأضافة ان الكومبيوتر يعتبر من الأعمال القريبة التى تجهد فيها العين و لذلك لابد من النظر الى اى شئ بعيد لمدة نصف دقيقة كل 20 دقيقة لأراحة العين من اجهاد العمل القريب ، و اذا لم يتم ذلك بانتظام قد تجهد العين و تحمر و تدمع.
هى فعلا كانت نزلة برد مع شد عضلى فى عضلات الظهراقتباس:
بعض انواع الوعكات يظهر بصورة احمرار العين ، مثلا البرد و الأنفلونزا يصاحبهما احمرار العين و الحرقان و الدموع ، و طبعا ضغط الدم المرتفع له تأثير على العين ، و المفروض ان حضرتك بتاخد علاج و الضغط مضبوط .. ولا ايه ؟؟ آخر قياس ضغط كان امتى و كام ؟؟
بالنسبة للضغط انا باخد علاج فعلا اسمه Co-Tareg و الضغط عندى مظبوط عند 150 :140 - 100 :80
مبينزلش عن كده , اما عن معاد قياس الظغط بقيسه كل شهر او 2 تقريبا وبتابع مع الدكتور كل 6 شهور تقريبا
Prefrinاقتباس:
ايه نوع القطرة اللى استعملتها ؟؟؟
لا الحمد الله معنديش اى التهاب او حساسية و مفيش افرازات او دموع كتييرةاقتباس:
نلاحظ هنا انى ماتكلمتش عن احتمال وجود التهاب او حساسية فى العين ، و دى واردة جدا و خصوصا لو كان فيه افرازات من العين او دموع كتيرة و مستمرة ، و ده كمان احد الأحتمالات ..
وشكرا يا دكتور و معلش تعبتك معى
مافيش تعب خالص
النفروض ان النظارة تتلبس على طول لأن خلعها (مع حاجة العين لها بدليل تشوش الصور البعيدة) يتسبب فى اجهاد العين
الدموع الصناعية مالهاش اعراض جانبية مادمت بتستعمل انواع بدون مواد حافظة زى :
Tears Gurad Eye Drops
Hyfresh Eye Drops
Refresh Plus Eye Drops
زى ما قلت لحضرتك ان البرد ممكن يعمل كده ، و سلامتك.
بالنسبة للضغط فمش ظريف انه الفوقانى يوصل ل 150 و التحتانى مش لازم يعدى 100
لو حافظت عليه اقل من المعدل ده للأثنين دول يبقى كده الضغط مضبوط تمام.
بالنسبة لنوع العلاج فأنا اعرف ان ال Co-Tareg من الأدوية الكويسة للضغط بس ماقدرش اتكلم اكتر من كده فى النقطة دى لأن مش مجالى فمش عايز افتى..
دى قطرة قابضة (مزيلة للأحمرار) ، ماعنديش مانع من استعمالها فقط عند اللزوم (زى ما حصل ... عيد و الدنيا قافلة و عينك حمراء) و لكن مافيش داعى للأستمرار عليها.
مافيش تعب خالص و اهلا بيك فى اى وقت و تحت امرك لو لسه فيه اى استفسار.
و تحياتى
شكرا يا دكتور على الرد والافادة
بالنسبة للنظارة هحول باذن الله مقلعهاش
بالنسبة للضغط انا حولت مع دكاترة كتييرة و بادوية كتييرة لكن مش بيرضى ينزل عن كده و انا بحاول اتاقلم على كده
بالنسبة للقطرة انا اول مرة استعملها فى حياتى وممكن اعرف ايه الخطر من استعملها
و شكرا اوى يا دكتور
السلام عليكم
مجهود رائع بجد يا دكتور شريف انا بأيد حضرتك بالنسبه لليزك
المهم انا عملته بقالى اكتر من سنه وعندى من ساعتها زغلله جامده عند السواقه بالليل فقط خصوصا مع عواميد النور فى الطرق السريعه لدرجه انى مش بشوف العربيات اللى قدامى روحت للدكتور بتاعى قالى ديه حاله نادره ان القرنيه بتوسع مع قله الاضاءه وعطانى قطره ايزوبتو كاربين استخدمها عند اللزوم وفعلا قللت الزغلله هل فعلا الكلام داه حقيقى وحفضل على كده على طول. واسف للاطاله.
شكرا لك
الحمد لله على سلامتك ، و لكن مشكلتك دى مش حالة نادرة و لا حاجة ، دى احد المشاكل المتكررة المعروف حدوثها مع الليزك ، و المفروض انها بتقل مع الوقت و لكن وارد انها تستمر (و بخاصة لو قعدت اكتر من 6 شهور) . ولكن نقول إن شاء الله تروح من عندك.
مافيش حاجة اسمها القرنية بتوسع مع قلة الأضاءة ، اعتقد قصد حضرتك القزحية ، يعنى الننى بتاع العين بيوسع مع قلة الأضاءة و ده شئ طبيعى و لكن لأن ده بيعمل مشكلة مع اللى عملوا ليزك فالدكتور بتاع حضرتك بحركة ذكية خلاك تحط قطرة أيزوبتوكاربين و دى بتضيق الننى ، و حسب نظرية اسمها Pinhole Effect فى علم البصريات فالمفروض ان حضرتك تشوف صورة كويسة بدون مشاكل ، و لكن على حساب قلة الأضاءة و قلة تمييز الأشكال فى الليل نوعا ما.
المشكلة ان القطرة دى استعمالها على المدى الطويل مش محبب و ممكن يعمل مشاكل.
خليها فقط عند اللزوم و الضرورة القصوى فقط.
و تحياتى
أهلا و سهلا و تحت امركم فى اى وقت.
مافيش حاجة اسمها "الضغط ما بينزلش و هاحاول اتأقلم على كده" ، ممكن لو سبته كده يعمل مشاكل ، الف بعد الشر عليك ، امنع الملح من الأكل و تابع الطبيب الباطنى بانتظام لحد الضغط ما ينضبط.
القطرة مافيش منها خطر الا لو واظبت على استعمالها يوميا لفترة طويلة متصلة ، و ده مش وارد فى مشكلة حضرتك ، يبقى مافيش داعى للقلق منها خالص.
و تحياتى
الف شكر يا دكتور على الموضوع و المبادرة الجميلة دي
سؤالي بقى اني بقالي بتاع 4 او 6 شهور كدة كتير الاقي عينيا تحس انها ناشفة و عاوز ادعكها و بمجرد معمل كدة الاقيها دمعت جامد و حرقتني حرق فظييييييييييييييييع و تحمر و احيانا تانية الاقي نفسي بدمع كدة بدون اي سبب علما بان
سني 20 سنة
بلبس النظارة بقالي بتاع تقريبا 8 ل 10 سنين
شغلي كثير على الكومبيوتر نظرا لطبيعة دراستي
النظارة اللي بلبسها دلوقتي مريحاني جدا و مش مسببالي اي مشاكل خالص
من فترة الدكتور كتبلي Natural Tears بس مكنش بسبب الموضوع ده قالي لأن عينيا جافة
بطلت احط الNatural Tears دي بعد استخدامها لفترة
كنت بعمل كشوفاتي في مستشفى النور للعيون و بعدين نقلت مغربي و حسيت بان فيه فرق بين الكشفين(في نفس الفترة واحد في مغربي و واحد في النور) استريحت اكثر مع مغربي
ياريت اكون اديت لحضرتك وصف كافي
و شكرا مرة تانية
الف شكر يا دكتور , بالنسبة للضغط فانا جربت ادوية كتيير و دكاترة كتيير لدرجة فى فترة حسيت انى زى فيران التجارب
من كتر الادوية اللى جربتها لحد ما روحت للدكتور اللى بتابع معه دلوقتى ادنى دواء اسمه زيستوريك فضلت ماشى
عليه لحد ما بطل ينزل حولت للدواء اللى عليه دلوقتى و بصراحة كنت فى الفترة دى زهقت من الدكاترة واللى بيعملوا
فيا - كان سنى 16 سنة -
و الكتور اللى بتابع معه حاول يدينى دوايان فى اليوم بس الضغط مكنش بينزل وانا كنت صغير فمرضاش يكتر الجرعات
و شكرا يا دكتور و معلش دوشت دماغك
شكرا لحضرتك و لذوقك.
الوصف اللى حضرتك بتقوله فعلا اكتر حاجة يمشى معاها هو جفاف العين (ممكن نشك فى التهاب زاوية العين ايضا يكون معاه و لكن فيه تشخيص سابق لجفاف العين).
و طبعا الشغل على الكومبيوتر بيزود الأحساس بيه.
انا بس لى تعليق على قطرة Tears Natural ... هى ممتازة كقطرة دموع صناعية و لكن فيها مشكلة المادة الحافظة ، لأنها مع طول الأستعمال (و ده لا مفر منه فى جفاف العين) بتعمل جفاف فى سطح العين (المادة الحافظة اللى فى القطرة) ، يبقى باصلح من ناحية و ازود من ناحية تانية.
الحل فى استعمال قطرات دموع صناعية بدون مواد حافظة او المادة الحافظة بتاعتها بتتكسر لما تتعرض للضوء او الهواء و بالتالى تكون آمنة على المدى الطويل.
لو تسمح لى اوصف لك قطرة
Systane Eye Drops
مرتين يوميا لمدة شهر تقريبا ، و بلغنى أول بأول حاسس بتحسن و لا ايه..
و تحياتى