الف شكر على إهتمام حضرتك بالرد
عرض للطباعة
هو طبعا لأ للأسف ، لأن عدسات النظارة بتيجى كل واحدة لوحدها ، فإزاى هايلزقهم فى النص ؟؟
و لو فرضنا انه هايحاول يعمل كده ، لو مقاس العينين مختلف هايبقى فيه فرق فى سمك العدسات و بالتالى الحكاية دى مش هاتنفع.
بس عموما دى معلوماتى الشخصية ، و ممكن نسأل حد من خبراء النظارات المشهود لهم بالخبرة و نشوف لو عنده حل.
لو سمحت ادينى يومين ثلاثة اكون دورت على حد منهم اسأله و أرد على حضرتك.
و تحياتى.
السلام عليكم
الدكتور الجميل شريف
بارك الله لك فى وقتك وجعل مجهودك وتعبك فى ميزان حسناتك
انا اخوك مصطفى شحاته - دكتور علاج طبيعي
عمري 26 سنه
الحمد لله من زمان مشهور عنى حدة النظر
لكن بدأ معى منذ حوالى سنتين تغير ملحوظ فى قدرتى النظريه تتلخص فى الاتى
1- احمرار دائم بمقلة العين خاصة العين اليسرى
2- عند النظر الى السماء وقت الصباح ارى مثل خيوط من الضوء تتلوى مثل الدود فى مستوى النظر
3- عندى مشكله فى الرؤيه الليليه لاحظتها من ركوبى بجانب اولاد خالتى اثناء القياده كانوا يحذرونى من سيارات او اشخاص فى الاضاءه الخافته وانا لم اكن اراهم جيدا او لا اراهم على الاطلاق
4- عندى مشكله زغللله بالعين تذهب عندما اقوم بغسل عينى بالماء كأن كان عليها ماده زيتيه او شئ من هذا القبيل
منتظر ردك على ما كتبت وجزاك الله خيرا
السلام عليكم ورحمة الله وبركاته
جهد مشكوووووور والله يعطيك الف عافيه
حصل معايا ان النظارة القديمة اتخربشت عدساتها و بقت تعبانى وكنت عملاها من حوالى ثلاث سنين
وكان القياس Cylinder 1.0 Axis 90 للعنين الاثنين وكنت عايزة اغيرها
فقلت بالمرة اقيس نظر يمكن جد فى الامور امور
المهم رحت للدكتور قاس لى النظر بجهاز الكمبيوتر و لوحة العلامات
وطلع القياس الجديد Cylinder 1.0 Axis 100 للعين اليمين
Cylinder 0.5 Axis 90 للعين الشمال
السؤال بقى .....
هل ممكن النظر يتحسن زى ما حصل للعين الشمال ؟:018:
وكمان عينى اليمين الفترة دى حاسة ان النظارة بتخلي الصورة اضاءتها باهتة شوية مع ان حدود الصورة واضحة وعندى احاس انى عايزة ابرقها :,:(افتحها قوى) دون الشمال ليه ؟؟؟ مش عارفة
ولا ممكن القياس يكون غلط:8954[1]: مع انه عند نفس الدكتور وعلى نفس الأجهزة ,هى الفترة بس الفرق ؟؟
ولك منى جزيل الشكر ووافر الاحترام :wubclub:
,كنت عاوز اعرف من حضرتك اسعار عملية الليزك حاليا و احسن الاماكن الى ممكن تتعمل فيها فى الالقاهرة او الجيزة
أهلا و سهلا بك يا دكتور و ألف سلامة على حضرتك...
بالنسبة لخيوط الضوء فمن وصف حضرتك مش مقلقة ان شاء الله ، و لكن من المعتاد فحص قاع العين للأطمئنان...
مش مستحب غسل العين مياه الحنفية و ذلك لوجود شوائب و مواد كيميائية بها قد تؤدى لألتهاب العين...
نيجى بقى لأحمرار عين واحدة (أو عين أكتر من عين) مع زغللة و صعوبة فى الرؤية الليلية... دى لها حاجات كتيرة ... مابين حاجات ما تقلقش و حاجات ممكن تكون محتاجة علاج سريع ، أفضل ان حضرتك تفحص عينك ، و لو تحب أفحصها لحضرتك أنا تحت أمرك ، و لو تحب ارسل لحضرتك التليفون و العناوين على الخاص ...
و تحياتى
طبعا حكاية ان المقاس يتغير فدى عادة مش واردة و لكن لنا ها وقفة مع مقاس حضرتك ...
طبيعى جدا ان زاوية الأستيجماتيزم تتغير و هنا من 90 الى 100 و ده عادى و وارد حدوثه.
كون الأستيجماتيزم اتغير من 1 الى 0.5 فعندى سؤال أولا ... هل هو سالب و لا موجب ؟؟
لما يكون عند حضرتك -1.0 فى زاوية 90 فده صعب يتغير الى -0.5 زاوية 90 ، و لكن لو +1.0 و اتغير الى +0.5 فاحتمال ان ده يحصل فى حالات قليلة.
حكاية الأضاءة الباهتة دى عادة سببها نوع العدسة (خامة الزجاج او البلاستيك العمول منها العدسة) او لو كان فيها درجة لون.
و على فكرة ، مش لازم ان المقاس يطلع نسخة كربون مادام نفس الأجهزة الخ، و لكن التغير هنا ملفت للنظر نوعا ما.....
لو ممكن نراجع العين دى تانى عند نفس الطبيب يكون أحسن...
و تحياتى
و الله يا سيدى الفاضل للأسف أنا مش من أنصار عملية الليزك إلا لو فيه ضرورة ملحة أو مافيش حل تانى أبدا غير العملية دى.
و عموما متوسط الأسعار بيكون من 3000 و انت طالع (عادة للعين الواحدة) ، و فيه أماكن اقل او ازيد ..
و نصيحتى انك ممكن تراجع مناقشاتنا فى العيادة فى مواضيع مختلفة و تشوف الآراء المؤيدة للعملية و المضادة لها ، و وجهة نظر كل فريق..
و عموما ممكن حضرتك تراجع موقع منظمة الأغذية و الأدوية الأمريكية (و دول اللى بيسمحوا أو بيرفضوا اى جهاز طبى أو مستحضر طبى) و دى جهة محايدة ، و اقرأ الموضوع بعناية و شوف كل أقسامه لتوضيح الصورة، و بعدها قرر بنعم أو لآ ...و الله الموفق.
موقع منظمة الأدوية و الأغذية الأمريكية
فى رأيي الشخصى ، انك تختار طبيب ثقة تعرفه أو مشهود له بالنزاهة لعمل أى عملية ، عادة ما يكون أفضل من الذهاب لمركز و انت و بختك..
و تحياتى
السلام عليكم دكتور شريف
انا مش هقول كلمات شكر و لا حاجة انا هدعيلك احسن :)
بس عندي استشارة لحضرتك بخصوص والدي
من حوالي سنة اكتشفنا انه عنده مياه بيضاء علي عينيه الاثنين
و هو ما كانش بيلبس نظارة و عمره 65 سنة
المهم راح كشف نظر و الدكتور قاله ممكن تستني عليها شوية قبل ما تعمل العملية
المهم عمل النظارة و استريح عليها كتير
بس حاليا نظره تعبان و بيشتكي منه
السؤال هل حضرتك بتعمل العملية دي ؟
لو لأ يا ريت حضرتك ترشحلنا مكان كويس نعملها فيه
هل ممكن نعمل العينين مع بعض في نفس العملية ؟
و للا الاحسن اننا نترك فترة ما بين كل عين و عين ؟
يا ريت حضرتك تبعتلي ارقامك و عنواينك علي الخاص
و جزاكم الله خيرا