السلام عليكم ورحمة الله وبركاتة
عندى مشكلة وأرجو من سيادتكم الأفادة وهى
أعانى من الذبابة الطائرة وهى مضايقانى جدا جدا هل الذبابة الطائرة لها علاج فى طب العيون .
وشكرا
عرض للطباعة
السلام عليكم ورحمة الله وبركاتة
عندى مشكلة وأرجو من سيادتكم الأفادة وهى
أعانى من الذبابة الطائرة وهى مضايقانى جدا جدا هل الذبابة الطائرة لها علاج فى طب العيون .
وشكرا
ألف سلامة على الوالد ، المياه البيضاء تعتبر أحد التغيرات السنية (الا لو كان سببها مرضى ، و أعتقد ان حالة الوالد طبيعية) ، و عادة المريض هو من يقرر ميعاد العملية عندما تتزايد كمية المياه البيضاء بما لا يتناسب و حياته اليومية ، فيطلب تحديد ميعاد اجراء الجراحة
طبعا يا أخى العزيز
فيه أماكن عديدة ، و الفرق بينها بيكون فى الفندقة و المنطقة الموجود بها المستشفى (حسب قربها او بعدها من المريض و الطبيب).
لأ ... و ده يبقى مخالف لقواعد جراحات طب العيون.
لازم فترة بين كل عين و الأخرى ، و أقل فترة مسموح بيها 3 أيام لو المريض مستعجل جدا ، و لكن من المعتاد أسبوع فأكثر.
تم يا عزيزى ، و شكرا لك
و تحياتى
حلها هو تجاهلها ...
آسف و لكن لا يوجد حل آخر لها .
قامت بعض الشركات باصدار قطرات ادعوا انها تزيلها و لكن بالتجربة و لفترات طويلة مع مرضى عديدين لم نجد نتائج يعتد بها ، بل كان العامل النفسى هو الغالب ، ناهيك عن أسعارها المبالغ فيها و الحاجة لأستعمال العديد منها كما تقول الشركات المصنعة ، و فى النهاية لم نجد لها فعالية تذكر.
هناك قلة من الجراحين يعرضون عمل "استبدال جسم زجاجى" للتخلص من الذبابة الطائرة ، و برغم انه نظريا حل ممكن ، و لكن العملية كبيرة جدا و السبب (التخلص من الذبابة الطائرة) لا يستحق أبدا المخاطرة العظيمة لعمل تلك العملية ، بالإضافة لمضاعفاتها الواردة الحدوث. (هذه العملية كبيرة جدا و يتم اجراؤها فى حالات معينة فقط ليس لها بديل عنها ، يعنى من الآخر ما تتعملش علشان الذبابة الطائرة). و أذكر تشبيها طريفا من أحد أساتذتنا عندما سئل عنها من أحد الزملاء فقال "ان ذلك كمن يريد أن يقتل فأرا فى غرفة بأن ينسف المبنى بأكمله".:fun_36_3_4[1]:
حاول ان تتجاهلها.:Oc_sun1[1]:
و تحياتى
شكراً يا دكتور والحقيقة مقاسى كان -1 قصر نظر يعنى وان شاء الله اعيد قياسه تانى زى ما حضرتك اشرت عليا مع انى لبست النظارة بالمقاس الجديد وعندى شعور ان العين الشمال مريحانى فى المقاس دة حتى اكتر من اليمين وربنا هو الموفق
اكرر شكرى وان شاء الله لما اعيد قياس النظر اشوف رايك برضو
مع خالص تحياتى و امنياتى بالتوفيق والسداد
دكتور شريف موضوع الفرق بين tropicamide and cyclopentplate ومين اقوى دى حاجة سهلة اوى دة سؤال لطلبة سنة رابعة ....اما مسألة ساعة كفايىه لعمل القطرة امال ساعات بنحتاج نحطها لمدة 3 ايام لية فى بعض الاحبان لية...اما بالنسبة لظهور بلس بعد القطرة فدة وارد جدا فى اغلب الحالات....المهم الموضوع اصلة كبير زى ما انت عارف...الغرض من الرد من البدايى ان حضرتك لو راجعت الرد بتاعك للعضو المشتر فى السؤال انك شككتة فى الدكتور بتاعه من غير ماتشوف هو كشف ازاى وقلت انك معترض على اللى عملة لمجرد انة محطش قطرة للطفل وانا معترض على التشكيك دة .....وعلى فكرة انا مش معترض على مساعدتك للاعضاء بالعكس انا مبسوط بكدة...وتحياتى
الأخ العزيز د/موسى
سامحنى أولا على التأخير فى الرد و لكن مشغول جدا جدا اليومين دول.
سعادتك طبعا عارف ان موضوع القطرة 3 ايام فده موضوع غير صحيح وفيه نسبة خطورة ، لأن ال 3 ايام دول لمرهم الأتروبين (مش القطرة) مع التحذير اللازم (يوقف حال حدوث احمرار شديد بالعين او ارتفاع بدرجة الحرارة ... الخ الخ) ، و اسمح لى أعير الحديث الى medical terms علشان ما نعملش قلق أو سوء فهم لأى حد من الأخوة الأعضاء غير الأطباء
Cyclopentolate are used for temp paralysis of ciliary muscle as a main action & dilatation as a secondary action, with the precaution in children that due to short naso-lacrymal duct in children a large amount of the active ingredient reaches the nasal mucosa which is very rich in blood supply resulting in a systemic absorption of a large amount that may lead to arrhythmia or even more serious cardiovascular side effects (rarely life threatening), that's why you have to occlude the naso-lacrymal ducts after instillation of the drops to ensure local absorption without or with least systemic absorption. As for the ointment it's different as it got a base which makes it stays in the target organ with slow & sustained release of the active ingredient so the systemic absorption chance is much much less & because of the slow release we must use for longer duration, i.e. 3 days in this case.
أتمنى اكون خلصت نقطة النقاش فى القطرة و المرهم مع حضرتك المرة دى ، و لو فيه تعليق أحب اسمعه طبعا.
بالنسبة لنقطة التشكيك فى الدكتور المعالج للزميل العزيز فى المنتدى فده ماحصلش أبدا ، لأن اللى قلته بالحرف هو
اقتباس:
لو لأ يبقى لى تحفظ كبير جدا على الكشف (مع كامل احترامى و تقديرى للى عمله له ، و لكن لا اتفق معه ان كان بهذه الطريقة) ، و افضل اعمله بالطريقة اللى ذكرتها.
و تلاحظ حضرتك انى لا يمكن اغلط او اقلل من شأن أى زميل أو اسخر أو اتهكم عليه ، كل اللى قلته انى مختلف معاه و باحترمه و بأفضل طريقتى ، و ماعتقدش ان ده تشكيك ، و بعدين يا د/ موسى ، لو حضرتك شايف ان ده تشكيك يبقى اسلوب نقاش حضرتك معايا من أول ما دخلت يبقى كله تشكيك صارخ و قوى ، و لا ايه رأيك يا باشا:36_1_1[1]:
و شكرا على مداخلتك
السلام عليكم
جزاك الله خير على هذه المبادرة الطيبة
بإختصار
أنا أعاني من جفاف وأحيانا حساسية بالعين
هذه الحالة كانت تأتيني وانا في مصر ولكن تمت تشخيصها حساسية فقط ولم يلتفتوا لموضوع الجفاف
بعد أن سافرت الإمارات عام ألفين وأربعة ازدادت الحالة وعانيت منها بشدة وتم تشخيصها على أنها جفاف شديد بالعين وقمت بتركيب سدادة لمجرى سحب الدموع في كلتا العينين
بعد العملية ظلت الحالة كما هي فقال لي الاستشاري إن نسبة التدميع عندي قليلة أصلا وما فيش كمية بتروح على قناة سحب الدموع لأن الكمية التي يتم إنتاجها بتجف بسرعة وفهمت منه لم يكن هناك داعي للعملية الذي هو من اجراها لي
أعطاني قطرة دموع خارجية تستخدم لمدة أقصاها شهر
حاولت استخدامها فكانت بتعمل لي حساسية شديدة
اعطاني قطرة دموع صناعية في هيئة عبوات تستخدم مرة واحدة ولكن مشكلتها إنها خفيفة جدا ومع شدة حرارة الجو أو جفاف الهواء الخارج من المكيف - بعد إمتصاص المكيف لرطوبة الهواء داخل وحدة التكثيف - فكانت القطرة تتطاير بسرعة
المهم استمريت على هذه المعاناه وهي - ولله الحمد في كل حال - معاناه شديدة
كنت كل فترة صغيره لا استطيع ان افتح عيني وأتوقف في عز الحر في الطريق كي أنام وإلا تعرضت لعمل حادث وبالقعل عملت حادث وانقلبت بي السيارة ولكن الحمد لله كانت نتائجه بسيطه - وهذا يؤثر على عملي بشدة حيث بدأت أبحث عن عمل بعيد عن المواقع أكثر وهكذا
لكن لو طولت في النظر للتلفاز أو الكمبيوتر بعد قليل أشعر بالنعاس الشديد الذي لا يمكن مقاومته ولا أستطيع فتح عيني ومهما حاولت من عمل كمادات مياه لها فلا جدوى
أما لو نظرت لشاشة كميوتر أو تلفزيون عادية من التي تعمل بالأشعة وهي المنتشرة في مصر فبعد عشر دقائق عيني تلتهب بشدة ولذلك أحرص على النظر لشاشات إل سي دي فقط أو بلازما
منذ سنتين قال لي احد الأطباء في مستشفى مغربي هناك قطرة صنعت في أمريكا حديث تمن العلبة ( 400 درهم ) تعمل على حث العين على إنتاج دموع أكثر
جربتها لكن عملت هياج لعيني وحساسية شديدة
أنا حكيت لك حالتي يمكن حد يستفيد منها وعندي سؤالين
1- هل هناك علاج فعلا لمرض جفاف العيون أم فقط علاج موضعي مزمن
2- أثناء القيادة لو شعرت بالنعاس وانا مضطر لإكمال طريقي ما هي الوسيلة الفعلية لتنشيط العين مرة أخرى والشعور بحالة استيقاظ
عفوا للإطالة وجزاكم الله خيرا
ألف ألف سلامة على حضرتك، و مافيش اطالة و لا حاجة ، ده كده كويس علشان اقدر اعرف الوضع ايه ان شاء الله.
طبعا مشكلة الجفاف بتظهر مع تواجد أكبرعدوين ليها ، "الحر" و "المكيفات أو المراوح"
الحر بيزود سرعة تبخر الدموع ، اما المكيفات و المراوح فبتولد تيار هواء يساعد على سرعة تبخر الدموع ، و المشكلة ان معظم المكيفات الحديثة فى المنازل او السيارات فيها خاصية نزع الرطوبة من الهواء علشان تزود كفاءة التكيبف و تزود الأحساس بالتبريد ، و ده طبعا هايزود المشكلة عندك...
بالنسبة للشاشات العادية CRT او التليفزيونات ، فدى بتطلع الكترونات ، و لو المسافة بين حضرتك و بينها قليلة ، الألكترونات دى بتخبط فى سطح العين و تزود الأحساس بالجفاف.
ده كده تفسير سريع لمشاكلك ليه زادت بعد السفر و بقت واضحة.
نيجى للمهم بقى...
حكاية قفل القناة الدمعية دى فكرة كويسة ما دامت بسدادات مش قفل دائم بعملية فلا مانع من تجربتها كخط دفاع اول لو مش هايفيد مش هايضر.
القطرة الخراطيش الصغيرة دى قطرة Refresh Plus و دى فعلا كويسة للحالات البسيطة مش للوصف اللى حضرتك بتقوله.
أولا انصح حضرتك بوضع أحد اجهزة ال Humidifiers دائما فى مكان جلوسك سواء فى المنزل او المكتب ... الخ ، و تضبطه على درجة الرطوبة المريحة لعين حضرتك ، و لو فيه منه ممكن يركب فى العربية يبقى هاته كمان.
ثانيا ، تجنب تيارات الهواء المباشرة و خاصة التكييفات ، و لو سايق خلى توزيع الهواء من ناحية الزجاج ، ماتخليهوش مباشر على وشك.
ثالثا اسمح لى اطلب منك تجرب القطرة دى
Systane Eye Drops
و لو لقيت منها ال Systane Ultra Eye Drops يبقى أحسن
دى حضرتك تبدأ تحط منها مرتين أو 3 يوميا و بلغنى النتيجة ايه .
رابعا ، مش لازم ننسى ان الجفاف ده حاجة فى العين على طول ، يعنى لازم نحط حاجة تحمى العين و حضرتك نايم زى
Systane Nighttime Eye Ointment
و لو مش موجود يبقى
Vidisic Eye Ointment
ده مرة واحدة قبل النوم ، و حتة صغيرة جدا يادوب فى حجم نصف حبة البرغل.
اتمنى لك الشفاء بأذن الله تعالى.
و فى انتظار ردك على تبلغنى النتيجة ايه ان شاء الله.
و تحياتى