أعتذر من الجميع على تغيبى و لكن ألمت بى وعكة صحية و الحمد لله و بفضله تعالى تعافيت منها.
فشكرا لسعة صدركم و صبركم على عدم اجابتى على تساؤلاتكم فى الفترة الماضية.
و اسمحوا لى ان ابدأ بالرد لأحاول تعويض بعضا من التأخير.
و تحياتى
عرض للطباعة
أعتذر من الجميع على تغيبى و لكن ألمت بى وعكة صحية و الحمد لله و بفضله تعالى تعافيت منها.
فشكرا لسعة صدركم و صبركم على عدم اجابتى على تساؤلاتكم فى الفترة الماضية.
و اسمحوا لى ان ابدأ بالرد لأحاول تعويض بعضا من التأخير.
و تحياتى
الوصف للأسف مش واضح تماما ، الأحتمال الأغلب ان فيه نسبة جفاف فى سطح العين و دى تظهر أكتر مع تيارات الهواء المباشرة و التغير فى الحرارة زى التكييفات
و ممكن أيضا يكون فيه حساسية فى العين.
المشكلة ان حضرتك خذت قطرات معظمها فيها كورتيزونات ، و بما ان مافيش تحسن فموضوع الحساسية هنا شبه مستبعد، بالأضافة ان كفاية كده كورتيزونات.
الأفضل تجربة قطرات دموع صناعية بدون مواد حافظة زى
Hyfresh Eye Drops
Tears Guard Eye Drops
Refresh Plus eye Drops
من 4 - 6 مرات يوميا و نشوف ايه النتيجة
و تحياتى
وصف المشكلة دى فى رأيي مالوش غير سبب واحد هو الأرجح ، و هو ان المسافة بين العينين مش مضبوطة صح ، و بالتالى بؤرة العدسة مش مضبوطة قدام العين و ده بيسبب الشكوى دى ..
طبعا لو استمريت لى كده العين بتجهد و ممكن تسبب صداع و زغللة ، الأفضل اعادة قيلس المسافة بين العينين و مطايقتها للنظارة و تصليحا اذا كان فيه اختلاف.
ده أقوى سبب ، ممكن يكون فيه اسباب تانية بس بلاش نفتح مشاكل جديدة و احتمالاتها اضعف من غير ما نشوف السبب ده أولا
و تحياتى
المتهم الأول هنا هو عدم ضبط مستوى السكر بالدم ، لأن مستوى السكر فى الدم اذا ارتفع او انخفض بيعمل زغللة.
طبعا فيه احتمال ان حضرتك محتاج نظارة و لكن لابد من ضبط مستوى السكر اقل من 180 و المحافظة عليه قبل عمل مقاس النظارة لضمان عمل مقاس نظارة سليم.
أخيرا لابد من فحص قاع العين للأطمئنان على حالة الشبكية و مدى وجود تغيرات سكرية بالشبكية من عدمه.
و ألف سلامة لحضرتك.
و تحياتى
فعلا بس الكلام ده كان فى حوالى 2006 و السبب ان الRenu مش بيقتل فطر اسمه Fusarium و الفطر ده بيعمل التهاب و تقرحات بالقرنية.
و لكن لينا وقفة هامة جدا هنا....
الفطر ده بينمو فى الغابات الباردة الرطبة و بالأماكن الظليلة بها ...
و حسب معلوماتى الظروف دى غير متوفرة عندنا لنموه ، و تمت مناقشة الموضوع ده بين أطباء عيون الشرق الأوسط فى احد اجتماعات الأكاديمية الأمريكية للعيون(مش فاكر امتى بالتحديد) و اتفق الجميع على ان منطقتنا غير معرضة للمشكلة دى من اساسها.
الأهم من ده كله ان الموضوع أصلا لا يخصنا من قريب او بعيد لأن المحلول المتسبب فى المشكلة دى هو Renu MoistureLoc و ده مش بينزل عندنا من اساسه لأن اللى بينزل عندنا هو Renu Multiplus
الحكاية كلها فرقعة اعلامية و استغلال الأخبار من الشركات المنافسة علشان يضربوا بعض ..
و تحياتى
مقاسات حضرتك عالية شوية و بالتالى احتمالات المشاكل و المضاعفات بتزيد..
الأفضل فى رأيي الشخصى هو النظارة ، ثم العدسات (لو تنفع).
و لو حضرتك بتفضل العمليات يبقى لازم تقرأ عنها كفاية و تعرف مدى امكانياتها و محاذيرها الخ من مواقع موثوق بها. و بعدها القرار لك.
يمكن العودة لصفحات سابقة من هذا الموضوع حيث سبق النقاش فيه و مواضع اخرى بالعيادة تناولت نفس المشكلة.
و تحياتى
السلام عليكم ...
العين الشمال يوجد على الرموش السفلى والعليا شئ يشبه القشرة واحيانا تاخذ شكل كروى لونه ابيض او اصفر وعندما احاول ازالتها بيدى يحدث تقشر بشكل ازيد وعند الذهاب للطبيب اول مرة تم وصف قطرة جل لتلطيف الجفاف ولكن لم تحل المشكلة وعند الذهاب لطبيب آخر تم وصف مضاد حيوى قطرة 3 مرات ومرهم قبل النوم من نفس نوع القطرة وبالفعل شفيت لفترة ولكن عادت مرة اخرى مع العلم بانى ايضا عندما اقوم من النوم صباحا اشعر بخشونة عند فتح العين وغلقها ...
آسف على الاطالة ... وجزاكم الله خيرا