السلام عليكم ورحمة الله وبركاته
انا يادكتور اشتركت مخصوص علشان احط المشاركة دي
لاني متابعة الموضوع من فترة لاقيتة بالصدفة وانا ببحث علي النت
انا بااعاني من الم وزغلله مستمرة وعيني اليمين بااحس فيها جحوظ عن عيني الشمال مش بتطلع بره بس احساسي انا كده الم يعني وكمان فيه حاجات بيضة بااشوفها دايما
وكمان المواد اللي بتطلع مع النوم زادت عندي اليومين دول(عذرا العماص)ما اعرفش اسم تاني
وفيه حاجات بيضا باطلعها دايما وبيطلع غيرها زي خطوط كده
وعيني بتحرقني دايما من اي ضوء خاصة الكومبيوتر والتلفزيون
كمان جفني اليمين نازل ولما باحط عيني موضع السجود في الصلاة
باحس عيني اليمين بتنحرف اتجاه تاني يعني بااحسها بتبص عكس الشمال
وطبعا عندي تحسس شديد من النور بس ده قديم شوية من حوالي 5 سنين الا انه ابتدي يسبب صداع والم شديد في العين
كمتن نزول جفني بيخلي عيني تقفل في الصلاه من ناحية اليمين يعني مش من ناحية المناخير
لا من طرف العين اللي باتجاة الاذن انا بس بااحاول اوضح المشهد
وده طبعا بيسبب لي الم وصعوبة في الرؤية
انا رحت كشفت الا ان الدكتور قالي نظرك سليم واعطاني قطرة للحساسية
وعملي نظارة للمذاكرة والكومبيوتر
انا لسه ماجبتهاش
لكن عيني بتوجعني بااستمرار خاصة اليمين
عندي استفسار هو لازم الدكتور يحط قطرة قبل كشف قاع العين
اصل انا كشفت قبل كده اكثر من مرة وحطلي قطرة
كمان ماما وبابا لابسين نظارات وكل لما يجددوا النظارات الدكتور بيحط قطرة
بس انا لما كشفت كشفت عند دكتور غير الي هما بيكشفوا عنده بسبب المواعيد
وماحطش قطرة كشف علي طول