المشاركة الأصلية كتبت بواسطة ahmedhossam86
صباح الخير يا د. شريف..
أبلغ من العمر 24 سنة .. عمري ما لبست نضارة او حسيت بضعف النظر..
اتخرجت من كلية هندسة و اعمل كــ networks engineer فبالتالي قعدتي ليل نهار قدام الكمبيوتر..
في الفترة الاخيرة بقيت احس بصداع مزمن و عدم وضوح الرؤية بالليل و انا سايق بالذات لو في اعلانات بعيدة او banner.. بس طول ما انا قاعد قدام التليفزيون/الكمبيوتر او بقرأ حاجة.. لأ شايف كويس اوي..
روحت لدكتور سيد اكرام بصفته احد الاطباء الكبار و عملت كشف (كان سريع شوية) و قاللي انت minus 0.75 هنا و هنا... حبيت اتأكد و روحت مستشفي المغربي عند دكتور مؤمن و محمد شبل و الاتنين أكدوا ان فيه نسبة استجماتزم بسيطة بس انا plus 0.75 هنا و هنا!! و حاحتاج ألبس النضارة في اوقات قليلة اوي.. يعني و انا سايق او ساعة مابحس بزغلله.. و عليه عملت نضارة طبية من شهر علي الكشف بتاعهم.. و كتبولي علي قطرة اسمها tears guard عشان تعالج الاجهاد و الـ strain
لحد دلوقتي انا لبست النضارة يوم واحد بس خلال شهر..! صداع كان رهيب و بطني مقلوبة.. تقدر تقول كنت في حالة من الاعياء :)))))))
و مش قادر البسها نهائي... هل ده طبيعي.. انا حاسس ان انا مش بعاني نفس الاعراض من شهر.. هل ده نفسيا بس؟ بارك الله فيك