سؤال بخصوص عفشة البيتل

**djhaggar** · 16-03-2010 02:01 AM

غيرت طقم بيض الموجود في الدنجل وللاسف الدريكسيون بقي تقيل جدا العربية بقت ناشفة جدا في المطبات حتي اني بحس ان اي طوبة صغيرة تحت العجل ممكن تقلب العربية وعلي فكرة انا كنت عليت العربية من قدام فهل التعلية ممكن تسبب عدم اتزان للسيارة؟ والسؤال الاخر هل العربية هاتفضل ناشفة ولا العفشة هاتطبع ؟الرجاء الافادة من خبراء البيتلز وشكرا

**ابوهاشم** · 16-03-2010 03:05 AM

ممكن اعرف انت عليت العربيه ازاى
يعنى ايه الطريقه اللى عليت بيها
ومين الميكانيكى اللى عليتها عنده
انا كنت معلى عربيتى من قدام
وماكانش فى اى مشاكل قابلتنى

**djhaggar** · 16-03-2010 03:50 AM

بصراحة ان اشتريت العربية كدة واللي خلاني اخد بالي من علو العربية هو الميكانيكي لما كان بيركب الركب في الدنجل بعد تركيب البيض الجديد فيها قلي يا بية العربية دية متعلية من قدام قلتلة ازاي لقيتة بيقول الركب مكنها في الدنجل مش استاندر يعني ملفوفة شوية دة اللي فهمتة وبعدين قلي ارجعها استاندر قلتلة لا لانها قبل تغير البيض كانت عادية والسؤال هنا هل دة كدة لية تاثير علي اتزان العربية لاني بحس ان العربية بتعوم علي السرعة العالية وشكرا

**DIDO_EL_DIDO** · 16-03-2010 09:57 PM

طبعاً اذا كانت التعلية اكثر من اللزم قد تؤدي الاخلال بالاتزان
رجاء تحديد نوع بيض الدنجل الذي نم تركيبه هل هو الماني ام برازيلي والسعر والمصدر
وجديد ام استيراد. كما يفضل تحديد حالة المساعدين.
وياريت تذكر اسم المكانيكي اللي قام بالعمل.

**djhaggar** · 17-03-2010 01:16 AM

نوع بيض العفشة lanfolder لانفلدر الماني ودة كان من الشركة المحمدية وكان سعرة 180 للطقم وبالنسبة للمساعدين كانت قبل تغير البيض كانت عادية ولكن بعد التغير وعند اختبار المساعد بالضغط علي الرفرف تفريبا مابيتحركش خالص

**amo400** · 17-03-2010 10:37 AM

انصحك باستشارة خالد رباب دور على نبفونة و عنوانة فى المنتدى او اتصل بالاستاذ احمد حسن

**semam** · 17-03-2010 11:19 AM

دة رقم تليفون خالد رباب

0101855126

**DIDO_EL_DIDO** · 17-03-2010 01:33 PM

اختبار المساعد بالضغط علي الرفرف تفريبا مابيتحركش خالص

اعتقد ان السبب ان العربية عالية جداً (المساعد مفتوح علي الاخر)

انا راي زي باقي السادة الزملاء انك تروح لخالد رباب وهو هيقدر يحللك المشكلة بس لازم تعرف ان العربية مش هطبع معاك الكلام ده بيقوله المكانيكي لما يكون مش عايز يفك الشغل الغلط اللي عمله ويعمله تاني (استسهال) ؛ عايز تتاكد من كلامي روح لنفس المكانيكي او العفشجي بعد اسبوع من الشغل هتلقيه غير رايه ويرضي يفك وطبعا يطلب فلوس تاني .
ربنا يكفينا جميعاً شر الجهل والطمع.
والله اعلم

**ahmed2y** · 18-03-2010 10:44 PM

روح لخالد رباب وخد معاك العلب ومركات الحاجات الى انت اشتريتها وهو ان شاء الله هيجبلك من الاخر محدش زى خالد رباب فى عفشة القولكس وقولة احمد الدغيدى بيسلم عاليك وبيقولك كلة تمام والعملية نجحت متتعبش نفسك فى العغشة بالذات مع الصنايعية روح لخالد وريح نفسك وان شاء الله خير