ادولف ايخمان‏

**نور القمر** · 19-01-2009 01:13 AM

المشاركة الأصلية كتبت بواسطة fiatto

كلام حضرتك مظبوط ومتفق معاك انى انفعلت بزيادة ، بس مشاركات الأخت نور محتاجة شوية دقة وتحرى وأمانة فى نقل الكلمة لأن مش سهل أبدا ارمى كلام للناس من غير ما أتأكد منه خصوصا وان الأخت نور كان ليها مواضيع قديمة أثارت مشاكل كبيرة فى المنتدى أذكر منها موضوع جلد الأطباء المصريين وكانت لما تلاقى خبر على منتدى تيجى تنقله ونبهتها أكثر من مرة وقولتلها رجاءً مش كل اللى تشوفيه عالنت تنقليه ، وساعتها الدنيا ولعت بين مؤيدين للسعودية وآخرين وطنيين مصريين والكل فاكر الموضوع ده ، وحصل بعدها برضو مشاركة منها فى نفس الموضوع وبرضوا خبر غير معلوم صحته ، فده سبب تأكيدى أكتر من مرة فى مواضيعها انها تتعب شوية وتتأكد .

اها اوك يا مسترفياتو سوري اني خالفت تعاليم سيادتك ولم اتحرى الدقة في نقل مواضيعي الجديدة
وبناءا عليه استحق العقاب من معاليك
ولان دي اول مخالفة سيادتك ترصدها بعد التحذير فالعقاب المرة دي مخفف مجرد هجوم وسخرية وسب
طبعا المرة الجاية هيكون العقاب اكبر
يا ترى ممكن يكون ايه .... اممممممم
وصحيح موضوعي ده ما سببش مشكلة بين الاعضاء
فقلت ما بدهاش بقه ادخل انا اعمل جو للاجتماعي واعملي مشكلة معاها
اسلوبك مستفز في الموضوع ده والموضوع تاني وواضح ان ده طبع مش هتقدر تغيره

**fiatto** · 19-01-2009 01:17 AM

نقطة الخلاف يا أخت نور هى أسلوب الانتقاد المرفوض ، ماشى كلامك مظبوط وأعتذر عن انفعالى الزائد ، بس يا أستاذة نور مش نقطة الاتفاق هى تصحيح المعلومة ، وجهة نظرى هى وضع المعلومة محورة بالشكل ده ، اكتب الموضوع ده فى منتدى عام ولا لأ . وبناءً على ايه أكتب وماكتبش .
وعلى فكرة انا معلقتش على كلامك بخصوص مدى صحة كلامى بشأن دراساتى العليا من عدمه !!

**Terrible_DaRsH** · 19-01-2009 01:27 AM

ارجــــو الهدوء يا جماعة وخلاص الحوار خلص ...
ويا استاذ فياتو كل شخص حر فى ما يكتبه ويقوله ...
اذا كانت نور عملت مشكلة فده حاجة تخصها هى واللى بيوجه العقوبات والتحذير هى الادارة ....
ويا ريت المواضيع متتحولش لصراعات فكرية ووجهات نظر مختلفة بطريقة غير مقبولة ..

**نور القمر** · 19-01-2009 01:30 AM

والله لو سيادتك كلفت نفسك عناء قراءة ردودي عليك وعلى باقي الاعضاء وبتركيز هاتلاقيني اعتذرت على عدم تأكدي من صحة المعلومة قبل ما انشر الموضوع
اذا انا مش معارضة لتصحيح المعلومة بالعكس
وبالنسبة لموضوع دراساتك العليا صح ولا لأ فالموضوع ميهمنيش لاني مش بحكم على الانسان بشهادته
ياما اتعاملت مع ناس مش معاهم حتى الابتدائية لكن كان بينا احترام للاخر

**fiatto** · 19-01-2009 01:40 AM

المشاركة الأصلية كتبت بواسطة نور القمر

والله لو سيادتك كلفت نفسك عناء قراءة ردودي عليك وعلى باقي الاعضاء وبتركيز هاتلاقيني اعتذرت على عدم تأكدي من صحة المعلومة قبل ما انشر الموضوع
اذا انا مش معارضة لتصحيح المعلومة بالعكس
وبالنسبة لموضوع دراساتك العليا صح ولا لأ فالموضوع ميهمنيش لاني مش بحكم على الانسان بشهادته
ياما اتعاملت مع ناس مش معاهم حتى الابتدائية لكن كان بينا احترام للاخر

اهانتك لعقلى وعقل بعض الأعضاء بموضوعك ده هو مثال لعدم احترامك للآخر ، عدم الاحترام مش بس انى اتنرفز عليكى واقولك كلام قاسى شوية ، لكن أيضا هو إصرارك على عرض مواضيع من عينة الموضوع ده .
فيما يتعلق باستعادة الاحترام المتبادل بين الأعضاء عن نفسى هحاسب فى انفعالاتى ونرفزتى فى المواضيع اللى جاية عشان مزعلش حد منى ، لكن فيما يخصك باستعادة الاحترام المتبادل فكرى فى مواضيعك قبل ما تلقيها على مسامعنا ، معلش دقيقة قبل ماتدوسى عالماوس هتفرق كتير .

**نور القمر** · 19-01-2009 01:50 AM

المشاركة الأصلية كتبت بواسطة fiatto

اهانتك لعقلى وعقل بعض الأعضاء بموضوعك ده هو مثال لعدم احترامك للآخر
ده كلام بنقوله لما نحس اننا غلطنا وبالتالي عايزين ندور على غلطة من الطرف الاخر علشان نبرر غلطنا
، عدم الاحترام مش بس انى اتنرفز عليكى واقولك كلام قاسى شوية
اساسا مش من حقك تتنرفز عليا او على غيري لاي سبب
عندك معلومة تصحح بيها خطأي انفضل اعرضها للكل علشان يستفيد اكتر من كدة مش من حقك
، لكن أيضا هو إصرارك على عرض مواضيع من عينة الموضوع ده .

حضرتك مش مفوض من قبل ادارة المنتدى بتقييم مواضيعي وذا كانت صالحة للنشر فيه ولا لأ

فيما يتعلق باستعادة الاحترام المتبادل بين الأعضاء عن نفسى هحاسب فى انفعالاتى ونرفزتى فى المواضيع اللى جاية عشان مزعلش حد منى
يبقه فضل كبير اوي من سيادتك
، لكن فيما يخصك باستعادة الاحترام المتبادل
اذا مكنتش قادر تحترمني وبالتالي ابادلك نفس الاحترام فده لعيب فيك مش فيا وكل اناء ينضح بما فيه
فكرى فى مواضيعك قبل ما تلقيها على مسامعنا ، معلش دقيقة قبل ماتدوسى عالماوس هتفرق كتير .

مش مستنية من سيادتك تصريح باللي اكتبه في المنتدى
والمنتدى له ادارة ومشرفين هم المسئولين وهم اللي يقرروا الموضوع ده يستمر للاعضاء ولا يتحذف

**itsonlyme** · 19-01-2009 02:07 AM

من الساعة 11:20 مساءاً وحتى الساعة 1:50 صباحاً والأعضاء الكرام يتبادلون السخرية والتهجم.

معتقدش أنه في أي حد مختلف في ضرورة تحري الدقة قبل نقل المعلومة. الاختلاف كان في لباقة الاسلوب المستخدم في "النصح"

أرجو من الأخت نور القمر ومن الأخ فياتو الكف عن الهجوم المتبادل. فلننسى الموضوع برمته.

رجاء محبه كما يقولون.

**نور القمر** · 19-01-2009 02:20 AM

المشاركة الأصلية كتبت بواسطة itsonlyme

من الساعة 11:20 مساءاً وحتى الساعة 1:50 صباحاً والأعضاء الكرام يتبادلون السخرية والتهجم.

معتقدش أنه في أي حد مختلف في ضرورة تحري الدقة قبل نقل المعلومة. الاختلاف كان في لباقة الاسلوب المستخدم في "النصح"

أرجو من الأخت نور القمر ومن الأخ فياتو الكف عن الهجوم المتبادل. فلننسى الموضوع برمته.

رجاء محبه كما يقولون.

اوك مستر itsonlyme انا عموما قلت كل اللي عندي رداًً على كلام فياتو باشا
وكمان علشان محدش يعتقد اني برمي الموضوع ومعنديش القدرة بالرد على نقاش الاعضاء
وزي ما سيادتك وضحت الخلاف على الاسلوب مش على تحري الدقة في الموضوع

المشاركة الأصلية كتبت بواسطة fiatto

يا أستاذى الفاضل أنا كان نفسى أسمع رد صاحبة الموضوع بس مش مشكلة متعودين على كدة ،ويارب ارحمنا ، بالمناسبة أستاذة نور القمر انتى خريجة ايه ؟

بالمناسبة انا جالي اميل عجيب غريب مريب من شوية عن بناء الاهرام
كنت اتمنى انزله المنتدى اشوف اراء الاعضاء الافاضل فيه ايه
بس للاسف مش هقدر انزله في المنتدى لانه مليان صور وهيكون ممل في تنزيله

**Rembrandt** · 19-01-2009 04:54 AM

اتمنى ان يتسع صدر الجميع للنقد وتقبل اراء الاخر بدون تهكم او مزايدة وموضوع الاخت قريب جدا من القصة الحقيقية وعشان نغلق الموضوع دة خالص انا جبتلكم محاكمة ايخمان كاملة بلصوت والصورة على 10 اجزاء, واعتقد ان اعضاء النتدى الكرام يهمهم كتير ان يشوفو موضوعك العجيب عن بناء الاهرامات
رابط المحاكمة...
http://www.youtube.com/results?searc...rch_type=&aq=f

**fiatto** · 19-01-2009 07:04 AM

يافتاح ياعليم عالصبح ، الواحد نام وقال الصبح ربنا يهديها أبص الاقى عند ومكابرة واستفزاز وشغل بنات عالصبح !!!!
اصلنا غلطنا ومعندناش رد وبنبرر غلطنا وكلام ميخصكش وانت مش من الادارة ومش من حقك وشوية كلام مستفز ملوش لزمة .
يعنى هو الواحد عدم الرد عليكى ، ولا محاولة الواحد كسب آخر خيط منطق مشترك بقت تتفهم ضعف وتراجع ، ياستى شوفى كلامك المستفز وأسلوبك المتهكم واتهامك انتى الأخرى ليا بحاجات كتير وشوية كلام من عينة ده بيتمنظر علينا ده جاى يعمل جو فى الاجتماعى على حسابى وشوية قلبتى على دكتور اليشع وكلام عن نفاق أحد الطرفين ....
هو فيه ايه بالظبط ، كل ده عشان قلنالك راعى الدقة فى مواضيعك ، ومش لازم اكون من الادارة عشان اعترض على موضوع أو الفت نظر حد على موضوع ، ومش عشان تبقى بارزة ومهمة فى المنتدى يبقى الحل سيل من المواضيع اللى تثير دماغ الناس بربع معلومة والباقى مبالغات بصفة متكررة ، وزى ما من حقك تلقى علينا مواضيعك من حقى أعلق عليها .

وياريت مننساش الغرض من أول تعليقاتى وننجرف لعند الاستاذة صاحبة الموضوع ، تعليقى اللى تاااااه وسط زحمة الخناقة هو لجوء العديد لخلق حالة من الشماتة أو السخرية من العدو عبر اختلاق أحداث وحوارات على أشلاء ربع حقيقة تاريخية لخدمة أغراض معينة ، وكلامى هو ان مثل هذه الأمور هى حيلة العاجز وعيب لما ينتشر الكلام ده بين العرب ويفضلوا مبسوطين بحاجة ربعها حصل من خمسين سنة , يعنى ايه أفرح بشتيمة حد لعدوى من خمسين سنة !!! وكمان أصلا الشتايم والحوارات تم اختلاقها لاكساب الموضوع شوية حماس يدغدغ شعور الناس .

المشكلة الكبيرة انى كنت متصور ان نايل موتورز مختلف ، وان تلك الحواديت التى يتم تداولها على منتديات أقل من المستوى يتم عرضها فى نايل موتورز .
نصيحة أخيرة مش بالضرورة اللى بيجاملك يبقى ده فى صالحك ، ومش بالضرورة ان اللى بيهاجمك يبقى ضدك ، الغرض مصلحة المنتدى اللى نفسى ماشوفهوش بقى زى منتديات تانية فقد مايميزه ، وأى منتدى أهم مايميزه أعضاؤه وفكر الناس اللى فيه .

تم غلق الموضوع لتعدد مخالفة القاعدة رقم 13

مشرف القسم

الموضوع: ادولف ايخمان‏

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة