الموضوع: ادولف ايخمان‏

يا استاذ فياتو يا مثقف يا ملم بكل الاحداث التاريخية وقادر تفرق بين المعلومة الصحيحة ومعلومة القواهي او التيك واي زي ما بتقول
اعتقد في طريقه الطف وازوق في انتقاد الموضوع من حيث المغالطات التاريخية اللي فيه زي ما باقي الاعضاء المحترمين ما عملوا
بحثوا عن المعلومة الصحيحة وقالوها في نفس الموضوع ووضحوا فين الحق وفين الكدب بدون اي تعرض لكاتبة الموضوع او اللي نقلته بدون ما تفلتره بدماغها
بالاضافة لزوقهم ومجاملتهم اللي حضرتك غير مطالب بيها

المشاركة الأصلية كتبت بواسطة fiatto

انما ثقافة التيك أواى اللى انتشرت وحمى النقل بدون فلتر يعدى على الدماغ حاجة مستفزة جداً

واعتقد اننا ما دمنا في صرح عظيم زي نايل موتورز وكلنا مثقفين وبنقرأ لعبد الوهاب المسيري ورجيه جارودي لازم يكون عندنا ابسط قواعد الزوق في الانتقاد او تصحيح المعلومات الخاطئة بدون التعرض لناقل الموضوع في شخصه
يعني من الاخر بلاش نمسك في شعارات واحنا ابعد ما نكون عنها وننتقد الناس واحنا كلنا عيوب

المشاركة الأصلية كتبت بواسطة fiatto

، نسمع الروايات دى من بسطاء الفكر ماشى انما هنا فى نايل موتورز بيتهيألى عيب أوى !!
يا أستاذة ياصاحبة الموضوع مينفعش اللى بيحصل ده خالص خلينا ايه لجنرالات المقاهى

المشاركة الأصلية كتبت بواسطة fiatto

يا أستاذى الفاضل أنا كان نفسى أسمع رد صاحبة الموضوع بس مش مشكلة متعودين على كدة ، أسمه ايه الفالوجى اللى انت ذكرته فى عرفنا إحنا حملة الماجيستير والدكتوراه أسمه عيييييييييييييييييييب أوى على باحث مبتدئ ، المعلومة قوتها من قوة مصدرها ثم تعدد مؤكديها ، وما وزن الكاتب اللى حضرتك ذكرته فى الدراسات اليهودية أو التاريخ الحديث والمعاصر أو تاريخ الحروب أو تحليل الأزمات !!!
أتمنى كلامى يؤخذ على محمل الافادة وليس العند ، نايل موتورز بنتعلم فيه ومش عيب نتعلم .
ويارب ارحمنا ، بالمناسبة أستاذة نور القمر انتى خريجة ايه ؟

مبدأيا انا مبعاندش معاك
ثانيا اسمحلى ..اسلوبك فى الحوار مستفز للغايه
عاوز توصل معلومه وصلها بهدوء مش بتكبروغرور
نرجع بقى للسؤال اللى سألتهولك وماجاوبتش عليه ؟؟
انت عرفت منين ان الواقعه دى ماحصلتش ؟؟
هاتلى مصدرمن اللى انت تعرفه

المشاركة الأصلية كتبت بواسطة mada121977

على فكره الكلام اللى اتقال على لسان ايخمان حول اليهود بعد اعتناقه اليهوديه جاء فى كتاب (كفاحي..قراءة جديدة في مذكرات هتلر ونهايته) لفريد الفالوجي

أيوه، وحضرتك فكرت تبحث عن الرجل اللي اسمه فريد الفالوجي وتشوف عناوين "ابداعاته"

يعني محاكمه تناقلتها الصحف ووسائل الاعلام الأجنبية بس فريد بيه هو اللي جاب الديب من ديله وهو الوحيد اللي "وَثّق" تحول الرجل لليهوديه وخطبته المزعومه؟

بمجرد النظر على عناوين الكتب اللي ألفها الراجل ده يفقد أي مصداقية.
1) أمينة المفتي أشهر جاسوسة للموساد
2) من ملفات الجاسوسية ـ جواسيس الموساد في الدول العربية
3) العملية رقم سبعة - كتاب في الجاسوسية الإسرائيلية

ودي بعض كتاباته القيمه
http://www.arab4ever.com/qesas/category.php?id=30

معرض الكتاب جاي. وجنب محلات الكشري حنلاقي عناوين كتب مثل "صدام حي: اكذوبة اعدام صدام"

المشاركة الأصلية كتبت بواسطة fiatto

يا أستاذى الفاضل أنا كان نفسى أسمع رد صاحبة الموضوع بس مش مشكلة متعودين على كدة ، أسمه ايه الفالوجى اللى انت ذكرته فى عرفنا إحنا حملة الماجيستير والدكتوراه أسمه عيييييييييييييييييييب أوى على باحث مبتدئ ، المعلومة قوتها من قوة مصدرها ثم تعدد مؤكديها ، وما وزن الكاتب اللى حضرتك ذكرته فى الدراسات اليهودية أو التاريخ الحديث والمعاصر أو تاريخ الحروب أو تحليل الأزمات !!!
أتمنى كلامى يؤخذ على محمل الافادة وليس العند ، نايل موتورز بنتعلم فيه ومش عيب نتعلم .
ويارب ارحمنا ، بالمناسبة أستاذة نور القمر انتى خريجة ايه ؟

بالمناسبة شيء ما يخصكش انا خريجة ايه وتدخل فيما لا يعنيك
وبلاش نغمة التكب والغرور دي
ياما ناس مش معاهم شهادات نهائي لكن يتميزوا على الاقل بالزوق
واذا كنت اتأخر في الرد لاني مش قاعدة 24 ساعه على النت ارد على كل مشاركة

المشاركة الأصلية كتبت بواسطة itsonlyme

أيوه، وحضرتك فكرت تبحث عن الرجل اللي اسمه فريد الفالوجي وتشوف عناوين "ابداعاته"

يعني محاكمه تناقلتها الصحف ووسائل الاعلام الأجنبية بس فريد بيه هو اللي جاب الديب من ديله وهو الوحيد اللي "وَثّق" تحول الرجل لليهوديه وخطبته المزعومه؟

بمجرد النظر على عناوين الكتب اللي ألفها الراجل ده يفقد أي مصداقية.
1) أمينة المفتي أشهر جاسوسة للموساد
2) من ملفات الجاسوسية ـ جواسيس الموساد في الدول العربية
3) العملية رقم سبعة - كتاب في الجاسوسية الإسرائيلية

ودي بعض كتاباته القيمه
http://www.arab4ever.com/qesas/category.php?id=30

معرض الكتاب جاي. وجنب محلات الكشري حنلاقي عناوين كتب مثل "صدام حي: اكذوبة اعدام صدام"

بصرف النظر عن كون الفلوجى ده كتبه بتتباع عند بتوع الكشرى ولاالفول والطعميه .. انا قلت ان الكلام اتنشر فى كتاب له .. سيادتك تجيب الكتاب وتشوف المصادر اللى اعتمد عليها فى كتابه المتعلق بالموضوع ايه هيا