الموضوع: كيف تهرب من رسوم تسجيل الشهرالعقاري

طيب يا جماعة هو الى بيشترى العربيىة بتوكيل ويبعها قبل ما تخلص الرخصة بيقى حرام ؟؟

ايه اللى حرمها؟؟ اللى شارى العربية فاهم انها بتوكيل و انه حيحتاج ينقل ملكية لما يجدد الرخصة ... يبقى ايه المشكلة؟

طيب ما تيجي نحسبها بطريقه تانيه... لوانك سيبت العربيه باسم البائع.. و خليتو يعملي عقد ابتدائي و اخدت عليه صحة توقيع من المحكمه ده يبقى حرام؟؟!

طيب اذا كان فيه طريقتين لأثبات الملكيه... تسجيل في الشهر العقاري.. وصحة توقيع في المحكمه.. انا ليه معتبرش ان اللي حرام هوه الشهر العقاري و الحلال المحكمه؟ ولا الأغلى هوه اللي حلال؟؟

انا عاوز اعرف هى العربيه الجديده كمان بتتسجل فى الشهر العقارى بمبالغ كبيره كده
ارجو الرد :?: :?: :?: :?:

المشاركة الأصلية كتبت بواسطة خالد

الأخ الفاضل / باهر
أفتكر أن الموضوع ده يعتبر سرقة وحرام جداً للطرفين ، صاحب السيارة الذى يحتال على الدولة ، والمحامى الذى يأكل من حرام ومن سحت ، ومن نبت لحمه من سحت فالنار أولى به ، وربك دائماً بالمرصاد وأفعل ماشئت كما تدين تدان
ربنا هايرزقك باللى ينصب عليك فى أضعاف أضعاف ماأخذته ، أو تحصل حاجة للعربية وتدفع فيها الشئ الفلانى ، وساعتها الناس مش هاتدعيلك زى ماأنت فاكر

بالراحة يا أستاذ خالد واحدة واحدة:
1- الحكم بالحرام مش بالسهولة دي
2- صاحب السيارة لا يحتال على الدولة ولكنه يسلك طريق قانوني آخر لتسجيل سيارته
3- وبتتهم المحامي ليه بأكل الحرام الراجل عمل إجراء قانوني بحت ومأكلش حق حد
4- وبتتهم الناس بالنصب ليه هو اللي يمشي بالقانون يبقى نصاب
5- وبما إنه معملش حرام طبعا ربنا هيحفظ عربيتو من كل سوء
6- ولو حصله بلاء في عربيتو كل الناس هتدعيلوا واللي ميدعيلوش يبقى شامت وهو ده الحرام
7- وماتحاولش تربط الموضوع بموضوع حرام زي ترافع المحامي عن حرامي مثلا
8- وإسأل نفسك الأول هل صح إن الواحد يروح الشهر العقاري يعمل عقد عربية يدفعوه ألف جنيه مش ده إفترى وحرام
9- لما فكر الحكومة يتحول للجباية في كل حاجة حتى عبور الطرق مش ده حرام

وملاحظة أخرى : تعرف إن بعض المناطق لا تعطي فيها الأحياء تصاريح مباني والحل إنك تبني وترفع قضية على نفسك وبعدين يحكموا عليك بغرامة وتاخد رخصة بالمباني اللي بنيتها
فيا ريت حضرتك متتسرعش في حكمك وإتهامك الناس لأن جايز في يوم من الأيام تلاقي نفسك بتدور على محامي غصب عنك عشان ترفع قضية على نفسك عشان تاخد حقك

المشاركة الأصلية كتبت بواسطة عاشق الياريس

انا عاوز اعرف هى العربيه الجديده كمان بتتسجل فى الشهر العقارى بمبالغ كبيره كده
ارجو الرد :?: :?: :?: :?:

لا لأن العربيات الجديدة بتشتريها بفاتوره أو إفراج جمركي وفاتورة

لكن الموضوع في حالة نقل الملكية فقط وذلك عندما تذهب للشهر العقاري لتعمل عقد بيع بياخدو عليه رسوم حسب موديل العربية
موديل 1990 بياخدو عليه جباية 175 جنيه
وكلما كانت العربية أحدث زادت الجباية ولنا الله

افكار مصرية ههههههههههه

المرور بيقبلها ؟؟؟