كيف أثبت مرآة الصالون في الزجاج الأمامي؟

**Ahmad** · 18-01-2009 04:16 PM

سلام عليكم,

الزجاج الأمامي اتكسر من فترة , و غيرته الحمد لله.
المشكلة أن المرآة الداخلية بتتثبت في الزجاج نفسه, و لصقتها أكتر من مرة بأكثر من مادة لاصقة , و لكن بعد فترة بتقع من مكانها.
ما هي أفضل وسيلة لتثبيت المرآة؟

شكراً.

**abo_hosni** · 18-01-2009 05:07 PM

المشاركة الأصلية كتبت بواسطة Ahmad

سلام عليكم,

الزجاج الأمامي اتكسر من فترة , و غيرته الحمد لله.
المشكلة أن المرآة الداخلية بتتثبت في الزجاج نفسه, و لصقتها أكتر من مرة بأكثر من مادة لاصقة , و لكن بعد فترة بتقع من مكانها.
ما هي أفضل وسيلة لتثبيت المرآة؟

شكراً.

Epoxy ولا مش عارف اسمه إيه في السوق اللي بيبقى أنبوبتين واحدة بيضاء و واحدة سوداء
ده بيبقى زي الحديد هتلاقيه عند بتوع الإكسسوارات و قطع الغيار. الأصلي منه بيبقى صناعة أمريكي بس مش لاقيه عند حد هنا. عموماً الموجود ب 8-10 جنيه يفي بالغرض و جربته في نور الاستوب اللي في الزجاج الخلفي عندي بعد ما واحد زميلي اتشعبط فيه الظاهر كان بيلعب عقلة و هو قاعد ورا فخلعه من الزجاج. جربت كذا حاجة معاه مافيش حاجة ثبتته غير البتاع اللي بقوللك عليه ده.

**Ahmad** · 18-01-2009 06:24 PM

شكرا يا ابو حسني علي مساعدتك.
بس النوع دة كل بتوع الزجاج بيستعملوه. و مع ذلك بتقع بعد فترة.
أنا لصقت المرآة حوالي 7 مرات ب 4 أنواع لصق مختلفة و ال EPOXY دة كان واحد منهم . و برضه مفيش فايدة

هل يوجد حلول أخري؟

**badblood** · 18-01-2009 06:28 PM

في سوبر في صر الجديدة اسمه (رويال هاوس) عند المريلاند
هتلاقي عنده الجاجة اللي انت عايزها

**kliken** · 18-01-2009 06:55 PM

انا كنت اشتريت مرة مرايه صالون لانسر و هى اصلا بتبقى فيها دابل فيس و من ساعتها ملزوقه و زى الفل هى الاصلى بتاعتها كانت بدابل فيس

**Ahmad** · 18-01-2009 08:15 PM

المشاركة الأصلية كتبت بواسطة kliken

انا كنت اشتريت مرة مرايه صالون لانسر و هى اصلا بتبقى فيها دابل فيس و من ساعتها ملزوقه و زى الفل هى الاصلى بتاعتها كانت بدابل فيس

أنا مش فاهم موضوع ال double face دة.
ممكن توضيح أكثر؟

**badblood** · 18-01-2009 08:24 PM

المشاركة الأصلية كتبت بواسطة Ahmad

أنا مش فاهم موضوع ال double face دة.
ممكن توضيح أكثر؟

يعني تتلصق من الناحيتين

**Ahmad** · 18-01-2009 08:35 PM

المشاركة الأصلية كتبت بواسطة badblood

يعني تتلصق من الناحيتين

قصدك ناحية في قاعدة المراية و الناحية التانية في الازاز؟

**D . a .\ AYMAN** · 18-01-2009 10:17 PM

الـ EPOXY الأصلي هاتلاقيه في كارفور أنا لسة جايب واحد منه بـ 25 جنيه بس طبعا الفرق بينه وبين المصري ولا الهندي اللى في السوق فرق السما والأرض

في منه نوعين شفاف وعادي أسود

الأسود بيستحمل درجات الحرارة العالية لغاية 100 درجة مئوية ووزن 100 كيلو عليه

الشفاف أقل شوية بيستحمل لغاية 70 درجة مئوية بس مش عارف الوزن بيستحمل لغاية قد ايه

جرب مش هاتخسر حاجة ... غير الـ 25 جنيه طبعا ...

وعلى فكرة أنا آخر مرة لازق المراية بتاعتي بيه بقالها كذا سنة ماشاء الله زي الفل

**Fadi Ezzat** · 19-01-2009 01:00 AM

انا من راىى هات مادة اسمها سيكا وهاتها السودة مش البيضة بتبقى اجمد واغمق هى دى الى بيلصقو بيها فى المصانع هتلاقيها فى حدود 80 جنية بس هتلاقيها كبيرة اوى هتقعد معاك كتير جدا واوعى تنسى تقفلها كويس

الموضوع: كيف أثبت مرآة الصالون في الزجاج الأمامي؟

LinkBack

أدوات الموضوع

عرض

-

-

-

-

-

المواضيع المتشابهه

الزجاج الأمامي علي الصبح

كسر الزجاج الأمامي للميجان 2

عايز الصق مرآة الصالون مطلعه عينى

شرخ في الزجاج الأمامي

سعر الزجاج الأمامي للياريس ????

الكلمات الدلالية لهذا الموضوع

المفضلات

المفضلات

ضوابط المشاركة