الموضوع: أرجوكم لا تزعموا النصر

بصراحة أنا حزين ، لا على شهداء فلسطين فهؤلاء مثواهم الجنة إن شاء الله والآخرة خير وأبقى ، بل حزين على من يغتاب اخوانه المجاهدين وهم فى أشد الحاجة لنا ، أى مصيبة أكبر من هذه !!

اللهم أجعل كيدهم فى نحرهم وزلزل الارض من تحتهم و أبتليهم فى صحتهم يا رب العالمين ... اللهم يا خالق السموات والارض يا رازق الطير ويا رافع الدعاء أسألك بأسماءك الحسنى وصفاتك العلى أن تحرر أراضى العرب وتفرج همومهم ,و تُعلى كلمة الحق وتذل كل من هو على باطل يا رب العالمين .. اللهم إجعل العرب مرفوعين الرأس كما كانوا يا رب العالمين .. اللهم خفف على إخواننا فى فلسطين وفى العراق وفى كل بقاع الارض يا رب العالمين .. الله يا مسير الريح سير على اليهود ريحاً تعصف بهم ..اللهم أهدى عصاه المسلمين و كفر عنهم سيئاتهم ..
اللهم وفق كل طلاب العلم أجمعين يا رب العالمين .

وأخيراً فأنا لا أملك سوى الدعاء لأهل غزه وجميع المسلمين .

المشاركة الأصلية كتبت بواسطة crazylambada

و لكن نجاحها اجبر الجميع على الاحترام

نجاحها في أي شيئ بالظبط ؟؟؟؟؟

لو ممكن حضرتك تقدرتوضح أكتر أكون شاكر لك جداُ

المشاركة الأصلية كتبت بواسطة crazylambada

فشل قطر و سوريا و ايران في حل المشكلة
و مجرد خطب عصماء
مصر كانت بعمل مش بفعل و استطاعت وقف اطلاق النار بين الاطراف
عندك المبادرة المصرية
العرب اكتشفواطلعوا او نزلوا ملهمش غير مصر
لان السياسة بتاعغتها مش بتاعة كلام فعل بس
وده اللي اجبر قطر و سوريا على مصالحة مصر
النهاردة في قمة الكويت

ده موضوع فيه كلام كتييير و لا مجال للحديث عنه الآن

تقبل تحياتي

حماس موجوده طبعا
وكمان ليها مواجهات محترمه ضد اسرائيل
لكن الحرب او المجزره الاخيره على غزه
لا كان فيها مقاومه و لا ليها علاقه بالمقاومه
كان ضرب من طرف واحد ضد طرف اعزل
فقط كام واحد يروحوا يضربوا كام صاروخ من نوعيه بمب العيد
طب ليه ؟ ....عشان يفضل الضرب شغال على المدنيين لكن مقاومه مقاومه مين اللي بتدافعوا عنها

المقاومه دي نتكلم عليها ف اي موضوع تاني غير اللي حصل في غزه

اللي حصل في غزه كان استهتار حماس بالمواطنين من اجل تنفيذ مخطتات ايرانيه واللي يقول غير كده يبقى بيتكلم على مزاجه

و ياريت محدش يخش يهاجمني و تنعتوني بالجهل و لا الانهزاميه

انا مش هقول ده اختلاف في وجهات النظر
لا ده اختلاف شديد جدا في وجهات النظر

كل اللي انا شايفه هنا ان ناس بتدافع عن مجموعه من الوصوليين كل اللي عملوه ضروا شعبهم اكبر ضرر بدون مقابل

وبكرر بدون مقابل

و اللي عايز يقول فيه مقابل زي ما فيه عضو فضل يعد كام مليون اتصرفوا عشان يعوضوا مين ويوطنوا مين

يبقى احنا اللي بنرخص روحنا و بنحسب البني ادمين قدام الفلوس

المقاومه راجل لراجل مش شعب مقابل خسرناهم كام مليون

اللي بيقول كده يحسب تكلفه اعادة اعمار غزه كام و لا اسرائيل اللي هتدفع

و الاخ اللي شايف الناس ف غزه مبسوطه وفرحانه انها بتموت من اجل الدفاع عن المقاومه و رأيه كمان ان نسيبهم ف حالهم محدش اشتكى

احب اعرف سيادته ان لو قابل الفلسطنيين اللي داخلين من غزه للعلاج وسألهم او سأل مرافقيهم عن رأيهم ف حماس و اللي حصل هيرودوا عليه وهيقلوله رأيهم في حماس اللي لو انا كتبته هنا ممكن اتوقف
هما عندنا فمستشفيات اسماعليه و طبعا موجود مصابين تانيين فمستشفيات اخرى بس انا معرفش غير اللي عندنا ف اسماعيليه

و تاني بقول اللي مش عاجبه كلامي ومقتنع ان فيه مقاومه حصلت في الحرب على غزه بلاش يرد عليا احسن
لان مثل هذه الردود غير مجديه

انا كاتب الكلمتين دول للقرايه مش للنقاش واللي مش عايز يقراهم كمان براحته عشان منتعبش بعض و ف الاخر واحد يطلعني عميل و التاني يطلعني جاهل