الموضوع: ما معني السرعة القصوي للسيارة

المشاركة الأصلية كتبت بواسطة samirayad

بينى وبينك كده بعيدا عن المهاترات بتاعة السرعه القصوى دى........أنا حللت بينى وبين نفسى موضوع تقوية السست بتاعة الصبابات للتغلب على ظاهرة الvalve Float علشان عاوزين يرفعوا سرعة المحرك لقيت لها مردود مش كويس على مجموعة التقسيمه وخلافه كالتالى 1-العزم المطلوب من الكامه لفتح الصبابات حيزيد ومش مستحب لكفاءة مجموعة الكاتينه 2 -رفع السرعه مش حلو لاداء الكستبانات وده حيعجل بتلف البساتم بتاعة الكستبانات ويمكن يتلف الغرف بتاعتها اللى فى رأس السلندر لأن معدل التزييت حيقل بين البستم وغرفته نتيجه الحركه التردديه العاليه.................................... ............. 3- سرعة تلف رأس السلندر حتزيد فى المنطقه بتاعة تطبيع الصبابات مع الرأس من الداخل نتيجة قوة السست لحظة فرد السسته نفسها وأكيد حتزيد الاجهادات على الصبابات ذاتها عند منطقة الطبق بتاع الصباب لحظه قفله على رأس السلندر نتيجة قوة الياى 4- كامات عامود الكامه نفسها ستتعرض لاجهادات تصادم أكبرعند اصطدامها بالكستبان نفسه (علشان مطلوب منها عزم كبير للتغلب على السسته بتاعة الصباب لفتحه وبالتالى سرعة تلف عمود الكامه وهكذا حنلاقى مشاكل كتير من تقوية السست ....وأعتقد ان ممكن يكونوا ما عملوش موضوع تقوية السست ده

كل اللى قلت علية صح... و تعديل زى كدة بيكلف جدا جدا عشان يتعمل.... بس فيه حاجة اهم من كل دة

ايه هى الحكمة انك تلفف الموتور لحد 9000 لفة اذا كان اصلا اقصى قدرة بتطلع عند حوالى 5600RPM حسب ما افتكر؟؟

دا كان دايما رد الناس فى دايوتك على كل واحد عايز يلعب فى الرف ليميتر لان حسب الرسم البيانى بتاع قدرة المحرك... القدرة الحصانية بتقل بشكل مريع بعد 5600 RPM و بالتالى زيادة لفات الموتور عن كدة مش حيفيد باى حاجة بل بالعكس حيضعف الاداء

MMamdouh