الموضوع: باركولي اخيرا بعد عناء فتيس لانسر 2006

بس فيه سؤال فني هام ... ايه اللي يبوظ الفتيس بالسرعه دي ؟؟!!!!! ده ياباني يعني مش صيني وعربية جديده

هو الضمان كان خلص ولا الخليجي مالوش ضمان ؟؟؟؟؟

لا الخليجي مالوش ضمان لاكن انا بامشي بالعربيه يوميا مش اقل من 150 كم لان انا المعهد بتاعي ف العاشر من الزقازيق للعاشر يوميا حوالي 120 كم رايح جاي و العربيه ماشيه 122000 كم وبصراحه انا ماغيرتش زيت الفتيس ولا مره و ماكانش بينقص لان انا كان عندي شيروكي2001 مانيوال و اول و اخر مره اركب اوتوماتيك

طيب ليه حضرتك مفكرتش تجيب فتيس من التوكيل و تركبه هناك
ده انت كده دافع ثمن اكثر من ثكمن فتيس جديد و الله اعلم

اولا الفتيس في التوكيل عامل 28000 جنيه غير المصنعيه 2000
انا سألت كده قالي حايتكلف في حدود 29 او 30 و انا ماكنتش فاكر ان هيا حتصرف كل ده في الاول كل مره كنت بقول دي اخر حاجه و خلاص

قدر الله وماشاء فعل

بس واضح ان موضوع ال cvt ده مش تمام

وبرضه انا معايا ماتريكس اوتوماتيك بفتيس عادى مش cvt وعمل معايا مشاكل

معلش ربنا يعوض عليك
بس انتا بتاكدلى ان التوماتيك كلو قرف
مفيش احلى من المانيول وسهولة المانيوال
هو اى متعب شوية فى الزحمة بس ارحم من مصاريف الاتوماتيك
بس انتا غلطان عربية جديدة وحديثة مش اى مكانيكى يلعب فيها عشان اكيد هو مش هيفهم فيها
لكن هو عمل فيها فلحوص وقالك اوك اصحلهالك
انا رئى ان كل الماكنيكاية مينفعش يشتغلو فى عربيات بعد موديل 95 عشان كلو بئا حديث مش زاى 131

4-وده اهم حاجه عاوز أوضحها لأن واضح من كلام حضرتك انك فى الفتيسات اللى كنت بتجيبها كنت بتجيبلها زيت أوتوماتك عادى و أحب أقول لحضرتك ان الفتيس الcvt له زيت مختلف و بمواصفات خاصه و مش موجود غير فى التوكيل و لو اتحطله زيت اتوماتك عادى بيبوظ علطول(خد بالك قوى من النقطه ده) وممكن تكون هيه السبب فى كثير من المتاعب اللى حصلتلك.
that is the spot as mohamedway said ! its the 4th point but its the most important !
putting other fluid than the genuine one for the CVT results in an immediate failure!

and also the CVT could not be fixed if it went faulty !

i dont have automatic lancer but i read this and it stuck in my mind ! i think there should be a warning message in the forums talking about this issue ! cause its a total disaster !

مش ممكن اللى حصلك ده .. بس معلش انت من غير زعل متسرع وواخد كلام الميكانيكيه ثقه وغالبا بيكون فتى وقليل فيهم اللى بيفهم .. بس اهو انت خدت خبره من الموقف ده واتعلمت حاجه

سؤال صغير : حضرتك مكانش ينفع تقلبها مانيوال وكان الموضوع حيتكلف في حدود 2000 -3000 وتريح دماغك خصوصا انك متعود على المانيوال