محتاج مساعدتكم فى موضوع بطاقات الائتمان

**elbaz45** · 20-01-2009 01:28 PM

ما الفرق بين الثلاث بطاقات الاتية

1- بطاقة فيزا إلكترون .
2- بطاقة ماستركارد للخصم الفورى .
3- بطاقة الشباب BM ماستركارد إلكترونيك .

وهذا ما استطعت الحصول عليه من معلومات فى هذا الموضوع وارجو من الخبراء افادتى فى هذا الموضوع

بطاقة فيزا إلكترون
وتتميز البطاقة بالاتى :-

* تصدر لأصحاب الحسابات الجارية بالعملة المحلية
* الاستعلام عن رصيد الحساب الجارى من خلال كافة آلات الصرف الالى ATM داخل وخارج الجمهورية بدون اى تكلفة
* الحصول على العديد من الخدمات من خلال آلات الصرف الالى ATM الخاصة ببنك مصر .
* - كشف حساب مختصر - طلب كشف حساب جارى
* - الإيداع النقدى - طلب دفتر شيكات
* عدم الحاجة إلى استبدال العملة عند السفر نظراً لإمكانية استخدام البطاقة باى مكان فى العالم .
* السحب النقدى من خلال آلات الصرف الالى ATM الخاصة ببنك مصر بدون أية عمولات .
* الشراء من كافة المنافذ التجارية على المستوى المحلى والعالمى .
* الحصول على بيان عمليات البطاقة وطباعة كشف الحساب الجارى من خلال الاشتراك بخدمة البنك الفورى المجانية المتوافرة بموقع البنك على شبكة الانترنت www.banquemisr.com .

بطاقة بنك مصر - ماستركارد للخصم الفورى
وتتميز البطاقة بالاتى :-

* تصدر لأصحاب الحسابات الجارية بالعملة المحلية .
* تستخدم البطاقة محلياً ودولياً فى عمليات السحب النقدى والمشتريات .
* الإطلاع على رصيد الحساب الجارى بالعملة المحلية من خلال آلات الصرف الالى ATM فى اى وقت وباى مكان فى العالم بدون تكلفة .
* لا يتم احتساب أية عمولات للسحب النقدى أو الاستعلام عن الرصيد فى حالة استخدام البطاقة على آلات الصرف الالى ATM الخاصة ببنك مصر والمنتشرة بكافة أنحاء الجمهورية.
* الاستعلام عن رصيد الحساب الجارى والحصول على بيان عمليات البطاقة من خلال الاشتراك بخدمة البنك الفورى المجانية المتوافرة بموقع البنك على شبكة الانترنت www.banquemisr.com .

بطاقة الشباب BM ماستركارد الكترونيك
قدم بنك مصر ولأول مرة فى مصر بطاقة دفع الكترونية للشباب والتى تتميز بالاتى : - >

* أول بطاقة تصدر للشباب من سن 16 سنة .
* يتم فتح حساب توفير لحامل البطاقة .
* الحصول على عائد دورى طبقاً لرصيد البطاقة يضاف لحساب البطاقة تلقائياً.
* تستخدم البطاقة محليا ودولياً فى السحب النقدى من خلال كافة آلات الصرف الالى ATM وأيضا استخدام البطاقة فى الشراء لدى جميع المنافذ التجارية .
* تستخدم البطاقة فى سداد فواتير تليفون الشركة المصرية للاتصالات من خلال موقعها على شبكة الإنترنت www.telecomegypt.com .
* لا يتم احتساب أية عمولات للسحب النقدى أو الاستعلام عن الرصيد فى حالة استخدام البطاقة على آلات الصرف الالى ATM الخاصة ببنك مصر .
* الاستعلام عن رصيد البطاقة من خلال الاشتراك بخدمة البنك الفورى المجانية المتوافرة بموقع البنك على شبكة الانترنت .

اريد مجرد فتح حساب فى بنك مصر بهدف امكانية سحب اى مبلغ من خلال ماكينات الصرف الالى ATM فى اى مكان فى الجمهورية

**Hussein_Ramdan** · 20-01-2009 01:42 PM

شكرا ليك ياجميل على المعلومات الجميلة دى
بص ياسيدى انا جربت بنك مصر والاهلى سوستية جينرال
والصراحة مفيش حاجة عجبتنى وخدمتهم معجبتنيش
الصراحة انا استريحت معا ستى بنك
جميل اوووى وخدمتهم حلوة

**mramzy** · 20-01-2009 02:08 PM

شوف صديقى العزيز
- بطاقة ماستركارد للخصم الفورى دى بتاخدها كده والا كده لما تفتح حساب فى بنك مصر
وبتفتح ليك على الرصيد الفعلى اللى فى الحساب يعنى مثلا فى الحساب 1000 متقدرش تسحب او تشترى الا ب 1000 جنيه ودى مفيش عمولات عليها ولا حاجه خالص
نفس الموضوع فى bm كارد بس بياخدوا 5 جنيه مصاريف كل 3 شهور تخصم من الحساب ولو عملت ايداع فى الحساب مش بينزل الا بعد 48 ساعه عكس الاولى
اذا المرشح لك انك تفتح حساب عادى او توفير فى بنك مصر وتاخد بطاقة الاول وتريح دماغك واى سؤال

**elbaz45** · 20-01-2009 03:44 PM

المشاركة الأصلية كتبت بواسطة mramzy

شوف صديقى العزيز
- بطاقة ماستركارد للخصم الفورى دى بتاخدها كده والا كده لما تفتح حساب فى بنك مصر
وبتفتح ليك على الرصيد الفعلى اللى فى الحساب يعنى مثلا فى الحساب 1000 متقدرش تسحب او تشترى الا ب 1000 جنيه ودى مفيش عمولات عليها ولا حاجه خالص
نفس الموضوع فى bm كارد بس بياخدوا 5 جنيه مصاريف كل 3 شهور تخصم من الحساب ولو عملت ايداع فى الحساب مش بينزل الا بعد 48 ساعه عكس الاولى
اذا المرشح لك انك تفتح حساب عادى او توفير فى بنك مصر وتاخد بطاقة الاول وتريح دماغك واى سؤال

طبعا انا متشكر جدا لحضرتك على اهتمامك وارجو المتابعة معايا من غير متزهق منى

* يعنى اللى انا فهمته ان حضرتك بترشحلى بطاقة ماستر كارد

* طب بالنسبة لعملية السحب بتتم على حسب علمى من ماكينات ATM بنك مصر بدون عمولة
ومن اى ماكينة اخرى بعمولة تقدر ب4 جم للسحب و2 جم للاستعلام عن الحساب

ارجو التوضيح اذا كنت انا فهمت الكلام غلط

**mramzy** · 20-01-2009 03:46 PM

صح كده
بس عايز اقولك على حاجه ان bm بيكون مساتر كارد برضه بس ده بيسموه الكترون يعنى استخدام فى المكن فقط وفى نفس الوقت على رصيدك المباشر
لان فيه مساتر كارد او فيزا بيكون ائتمانى يعنى بتكون واخد حد تسحب منه او تشترى بيه حتى لو رصيدك مفهوش وده الفيزا او الماتسر كارد العادى

**elbaz45** · 20-01-2009 03:58 PM

المشاركة الأصلية كتبت بواسطة mramzy

صح كده
بس عايز اقولك على حاجه ان bm بيكون مساتر كارد برضه بس ده بيسموه الكترون يعنى استخدام فى المكن فقط وفى نفس الوقت على رصيدك المباشر
لان فيه مساتر كارد او فيزا بيكون ائتمانى يعنى بتكون واخد حد تسحب منه او تشترى بيه حتى لو رصيدك مفهوش وده الفيزا او الماتسر كارد العادى

انا عاوز اقول لحضرتك انى مش عاوز اى نوع من انواع الائتمان خالص

كل اللى انا عاوزه هوا انى اسحب من رصيدى فى اى وقت من اى مكان فى الجمهورية فقط لا غير

**mramzy** · 20-01-2009 04:02 PM

ارشحلك الاولى علشان الايداع بيخش على طول مش بعد 48 ساعه زى bm

**elbaz45** · 20-01-2009 04:14 PM

المشاركة الأصلية كتبت بواسطة mramzy

ارشحلك الاولى علشان الايداع بيخش على طول مش بعد 48 ساعه زى bm

انا قريت على النت فعلا ان بطاقة master card بنك مصر بيضيف الحساب خلال 24 ساعة خلاف visa بتبقى خلال 48 ساعة اما bm فأنا مش عارف هيا ايه اللى يفرقها عن master card

**elbaz45** · 20-01-2009 04:25 PM

على فكرة فى نقطة مش عارف اذا كانت صح ولا غلط

1- بطاقة فيزا إلكترون .
تصدر لأصحاب الحسابات الجارية

2- بطاقة ماستركارد للخصم الفورى .
تصدر لأصحاب الحسابات الجارية

3- بطاقة الشباب Bm ماستركارد إلكترونيك .
يتم فتح حساب توفير لحامل البطاقة

وانا بالطبع مش هافتح حساب جارى لان البنك بيخصم من الحساب عمولة نظرا لان الحساب الجارى على حسب ما فهمت خاص بالمعاملات التجارية فالبتالى التجار بيستفيدوا منه علشان كده البنك بياخد عمولة من الحساب

اما حساب التوفير هو ده اللى الاغلبية بيعملوه لان البنك مبياخدش عمولة بل بالعكس بيدى فايدة بصرف النظر عن قيمة الفايدة ومدى مشروعيتها

ارجو التوضيح اذا كنت انا فاهم غلط يا ريت حد يقولى الصح ضرورى

**bemocarlo** · 21-01-2009 04:03 AM

انا مش فاهم حاجه!!!!!!!!!!
فيزا وماستر ايه اللي بتتاخد في مصر لما يكون ليك حساب جاري او توفير؟واللي ما لوش حساب في اي بنك ميعرفش يملك كريديت كارد في مصر؟وايه علاقه ذلك بالحساب البنكي؟امال اسمها كريديت ليه؟
هو نظام الكريديت في مصر مختلف عن دول العالم؟
bemo,ire

الموضوع: محتاج مساعدتكم فى موضوع بطاقات الائتمان

LinkBack

أدوات الموضوع

عرض

محتاج مساعدتكم فى موضوع بطاقات الائتمان - انشر الموضوع فى :

-

-

-

-

-

المواضيع المتشابهه

محتاج مساعدتكم

محتاج مساعدتكم

محتاج مساعدتكم فى موضوع يهم مستقبلى جدا

محتاج مساعدتكم في موضوع الرخصه

محتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة