الموضوع: بين سلوكيات المصريين .. وسلوكيات العالم المتحضر

اما بالنسبه لسلوكيات المصريين فأحب الخص منها:
1-الكدب ثم الكدب ثم الكدب, و ده بيتساوي فيه الكبير و الصغير, و فكرو كده كام موقف اتعرضلكو فيه واحد بيقسم و يحلف بالله و هو كداب
2-النصب او الاستغفال (او كما يحبو ان يسموها فهلوه) و الصفه دي بيعتز بيها اي مصري من اياهم, و بتبقي مبرر للعديد من الافعال المشينه
3-الحقد و التدخل في كل شيء, تلاقي واحد بيقولك بص ده عمل ايه او اشتري ايه و ازاي انه عبيط و مكنش حقه عمل كده, و لو اتجننت و اشرت بس علي نفس الشخص المتحدث بتعديل حاجه معينه فيه تلاقي الحنجره علت و بعين لا تعرف الحياء يقولك و انت مالك مالي و انا حر فيه!!!!!
4-لو هنتكلم عن علاقه الرجل و المرأه هنفتح بوابات جهنم, تلاقي الواحد بيكلمك عن واحده في الشارع بطريقه لا تمت لمكارم الاخلاق ببصله, و لو حد قال ربع كلامه علي اخته او بنته او مراته, يبقي ساعتها اسد
5- الشعب المصري الان يمتاز بكل الصفات المقرفه, و يكفي اللي حصل قدامي لما عربيه انقلبت براجل و ست و بعد ما طلعناهم يكتشف الراجل انه اتسرق موبيله, و من قبله موقف لواحده زميله دراسه عربيتها اتقلبت كذا مره و لما خفت و رجعت الكليه بتحكيلنا انها و العربيه مقلوبه علي سقفها كانت الايدي بتمتد و تخطف كل حاجه حتي غويشه في ايديها كانت بتتشد لدرجه خلتها تصرخ من الالم و غني عن الذكر ان كل ده و هيا مجروحه و بتنزف

شعب ايه بس
دي بقت غابه و مزبله و القانون غائب و الامن منعدم