::::::::::::: الموتور فوت .. خلاص حسن الختام :::::::::::::::

**amrgamea** · 23-01-2009 04:33 PM

المشاركة الأصلية كتبت بواسطة dr_abooody

العربية فعلا اي دوسة بزين تلاقيها تنط جامد كدا تحس انها مجنونة و بتسحب جامد اوي بس بلاعة بنزين مع انها 1100 سي سي

بس كان عندي سؤال كمان
ان العربية في الاول قبل ما اعمل بيها 35 الف كيلو
كانت هادية و الموتور صوتة مش مسموع هل العربية صوتها هيهدى لما اعمل الشنبر دة

كمان الشكمان بقى بيترج جامد مع ان الجلب كلها سليمة هل دة من ان كبسالوتور بقى مش مظبوط ؟

اخر سؤال بقى معلش طولت عليكم
ان العربية لازم افضل ادورها 3 مرات عشان تدور
لما تكون باردة

و لما تكون سخنة ممكن مرة تفلت و تدور المرة اللي بعدها
هل دة عشان الموتور عايز شنبر و كبسة ضعيف ؟

لانى لسة مغير طقم الكهربا و الكربراتير منضفة و المارش حتى لما كان جديد كانت بتاخد مرة او اكنين عشان تدور

طقم الشنبر حيمنع تسريب الزيت لغرف الإحتراق في الموتور و حتلاقي سحب العربهي قل عن و الموتور خفيف.

الرعشة في الشكمان مش حفتيلك فيها بصراحه....

دوران العربيه ده ممكن يكون ان الكاربيراتير مش حلو, عايز يتنضف كويس أو عايز طقم إصلاح....

المشاركة الأصلية كتبت بواسطة Abdo_Eldesokey

يا جماعة بجد أنا اتلخبطت كده ... ممكن حد من الإخوة الأفاضل يحطلنا الأعراض الي أعرف منها إن المكنة خفيفة ، بس يا ريت يكون كلام على قد المسئولية ؟

لأن فعلا ً الموضوع ده بيقلق كل ملاك السيارات القديمة

أعراض ان الموتور خفيف

1- ظهور دخنه من الشكمان و من خرطوم الفايظ ووجود زيت في عمة الكاربيراتير.
2- نقص في الزيت.
3- فقدان قدرة الموتور و خصوصا في المطالع حتحس ان الموتور مش قادر على الحمل إلي عليه.... ( و فيه إختلاف بين العرض ده و بين ان الإسطوانه تكون بايظه, لإن الإسطوانه لو بايظه حيبقى سحب العربيه عامة ضعيف و لما تكبس بنزين تلاقي صوت العربيه علي و مفيش سحب)

**Abdo_Eldesokey** · 24-01-2009 02:32 AM

متشكر جدا ً يا جماعة على التوضيح .. كدا الرؤية اتضحت

**dr_abooody** · 24-01-2009 07:46 AM

المشاركة الأصلية كتبت بواسطة samirayad

رفع العربيه فترة كبيرة بدون تشغيل بيعجل بتلف البساتم والشنابر

العربية فعلا اترفعت فترة حوالي 7 سنين بس مش متواصل

**samirayad** · 24-01-2009 07:39 PM

المشاركة الأصلية كتبت بواسطة dr_abooody

العربية فعلا اترفعت فترة حوالي 7 سنين بس مش متواصل

رفع العربيه لفتره طويله بدون أخذ الاحتياط الازم أثناء عمليه ابعادها من الخدمه......بيؤدى الى حدوث شبه التصاق بين الشنابر والشمايز من الداخل.....وبالتالى عند الاداره بعد فتره طويله يؤدى هذا الى حدوث تاّكل شديد على سطح الشمايز من الداخل(الشنابر بتحاول تقشطها)...وبالتالى بتسرع من تلف الشمايز.....وهنا تظهر عملية التفويت عند استعمال السياره مره أخرى.......علشان كده وبسبب التحليل السابق بتلاقى المحرك بيأخذ جهد كبير لأدخاله الخدمه من جديد...ولازم البطاريه والمارش المستخدمين للاداره بعد فترة طويله تكون حالتهما أكثر من ممتازه