::::::::::::: الموتور فوت .. خلاص حسن الختام :::::::::::::::

**dr_abooody** · 21-01-2009 12:05 AM

معايا 128 مو 85
المهم العربية عاملة حوالى 93الف كيلو يا اما 193 الف مش عارف بالظبط لأن العداد اخرة 99999 و بعدين يصفر
بس هي طول عمرها مرفوعة و والدي ماكنش بيركبها كتير

و عمرها ما عملت عمرة للموتور و لا طقم شنابر و لا اي حاجة

دلوقتي في خرطوم كدا طالع من الموتور الاول مماكنش بيطلع دخان غير حاجة بسيطة دلوقتي بقى الدخان ابيض و باين جداا

الموتور سحبة كويس جداا بس ممكن يكون صوتة على

غطا الزيت لو فتحتة و العربية دايرة بتلاقى التيكيهات بتنطر زيت جامد

استهلاك البنزين عالي شوية ال 22 ليتر بتعمل 200 كيلو
قبل تغيير طقم الكهربا كانت بتعمل 120

روحت للميكانيكي قالي المكنة خفيفة و عايزة طقم شنبر
بس قالي كلها هتتكلف 750 ج

اية رايكم في الكلام دة

و هل بعد طقم الشنابر العربية بتحتاج فترة تليين ؟

و هل ال 93 الف كيلو يخلو العربية تجيب طقم شنبر كدا ؟

هل استهلاك البنزين بيقل و السحب بتاع العربية بيزيدوا بعد طقم الشنبر ؟

اسف للأطالة عليكم

**lord23** · 21-01-2009 09:31 AM

العربية عندي فيها نفس الكلام ده
بس الصنايعي قالي طقم الشنبر هيتكلف 500 جنيه

**bassem.naguib** · 21-01-2009 10:29 AM

طقم الشنبر بيختلف تكلفته على حسب نوع الشنبر نفسه

**tmedhat** · 22-01-2009 11:17 PM

طقم الشمبر سعرة 100 جنية برازيلى و دة احسن حاجة فى السوق
بخلاف مصنعيات الميكانيكى و شوية جوانات يحتاجها
و ربنا يقويك عليها

**eldeplomasy** · 23-01-2009 12:44 AM

مفيش كلام يتقال بعد كلام الاعضاء

وهي ان فعلا محتاجه طقم شنبر وهو في حدود 110 البرازيلي والاصلي في حدود 400 بس قليل مش هتلاقيه

**dr_abooody** · 23-01-2009 02:00 PM

المشاركة الأصلية كتبت بواسطة amrgamea

الزيت إلي بيطلع من الخرطوم إلي بتقول عليه ده زيت الفايظ و طالما ليه لون و بيطلع دخنه يبقى الموتور خفيف فعلا و لو بصيت على الشكمان و كبست بنزين حتلاقي فيه دخنه من الشكمان.

طبيعي انك أما تفتح غطاء الزيت و العربيه دايره انك تلاقي التاكيهات بتنطر زيت متقلقش.

بالنسبه لكلام الميكانيكي فطبعا مش حيقدر يقولك هي تتكلف كام إلا اما يفتح الموتور لإن الموتور ده علبه مقفوله و محدش يقدر يخمن ممكن يكون ايه إلي بايظ فيه, إنما طقم الشنبر هو إلي بيكون مسئول عن خروج دخنه من الشكمان و خرطوم الفايظ علشان كده الراجل قالك ده طقم شنبر بس ممكن اما يفتح الموتور يلاقي حاجات تانيه عايزه تتغير و التكلفه تعلى و أنت مكنتش عامل حسابك عليها.

الخلاصه ان ايوه فعلا طقم الشنبر عايز يتغير بس ممكن يطلع فيه حاجات تانيه معاه......

نيجي بقه لنقطه أنت سألت فيها و هي ان كان سحب العربيه بيزيد و إستهلاك البنزين بيقل بعد طقم الشنبر, فلاء طقم الشنبر لما بيبوظ و الموتر يبقى خفيف تلاقي العربيه جرايه معاك أكتر من الأول فلما حتعمل نص عمره (تغيير طقم الشنبر) حتلاقي ان سحب العربيه قل معاك شويه و ان إستهلاك البنزين قل برضه شويه.....

العربية فعلا اي دوسة بزين تلاقيها تنط جامد كدا تحس انها مجنونة و بتسحب جامد اوي بس بلاعة بنزين مع انها 1100 سي سي

بس كان عندي سؤال كمان
ان العربية في الاول قبل ما اعمل بيها 35 الف كيلو
كانت هادية و الموتور صوتة مش مسموع هل العربية صوتها هيهدى لما اعمل الشنبر دة

كمان الشكمان بقى بيترج جامد مع ان الجلب كلها سليمة هل دة من ان كبسالوتور بقى مش مظبوط ؟

اخر سؤال بقى معلش طولت عليكم
ان العربية لازم افضل ادورها 3 مرات عشان تدور
لما تكون باردة

و لما تكون سخنة ممكن مرة تفلت و تدور المرة اللي بعدها
هل دة عشان الموتور عايز شنبر و كبسة ضعيف ؟

لانى لسة مغير طقم الكهربا و الكربراتير منضفة و المارش حتى لما كان جديد كانت بتاخد مرة او اكنين عشان تدور

**Abdo_Eldesokey** · 23-01-2009 02:05 PM

يا جماعة بجد أنا اتلخبطت كده ... ممكن حد من الإخوة الأفاضل يحطلنا الأعراض الي أعرف منها إن المكنة خفيفة ، بس يا ريت يكون كلام على قد المسئولية ؟

لأن فعلا ً الموضوع ده بيقلق كل ملاك السيارات القديمة

**samirayad** · 23-01-2009 02:06 PM

رفع العربيه فترة كبيرة بدون تشغيل بيعجل بتلف البساتم والشنابر

**samirayad** · 23-01-2009 02:09 PM

المشاركة الأصلية كتبت بواسطة Abdo_Eldesokey

يا جماعة بجد أنا اتلخبطت كده ... ممكن حد من الإخوة الأفاضل يحطلنا الأعراض الي أعرف منها إن المكنة خفيفة ، بس يا ريت يكون كلام على قد المسئولية ؟

لأن فعلا ً الموضوع ده بيقلق كل ملاك السيارات القديمة

ياريت الأسئله لو تكون سؤال سؤال .....بس طبعا الدكتور استرسل فى الكلام لايضاح كل الملابسات ودة كويس ....علشان اللى بيشخص يكون عندة درايه كامله عن حالة المريض وبالتالى العلاج بيكون قريب من الصح أوصحيح.....وأكيد الدكتور حيدلل على صدق كلامى ان لم أكن مخطىء

الموضوع: ::::::::::::: الموتور فوت .. خلاص حسن الختام :::::::::::::::

LinkBack

أدوات الموضوع

عرض

::::::::::::: الموتور فوت .. خلاص حسن الختام ::::::::::::::: - انشر الموضوع فى :

-

-

-

-

المواضيع المتشابهه

(:@:)ماركات وموديلات السائقين-النوع الثالث"عم نجيب حسن الختام"

لا حول ولا قوة الا بالله .... الموتور راح خلاص

العربية باظت خلاص ... الموتور رزع

الموتور في الكليو خلاص فوت وانتهي ماذا افعل

الكلمات الدلالية لهذا الموضوع

المفضلات

المفضلات

ضوابط المشاركة