حملة (خليها تصدى وتعفن)

**نور القمر** · 25-01-2009 10:36 PM

كل ما الشيطان يوزني واقول خلاص هاشتري لانوس الجديدة
ادخل نايل موتورز ارجع لعقلي تاني
خلوها تصدي
مش هاشتريها زيروا الاما تكون ب 50 الف على الاكثر

**hamedfarouk62** · 26-01-2009 03:24 AM

أنا سعيد بالحمله دى وأنا موافق عليها جدا لأننا من أقل شعوب العالم ودخلنا قليل وبنشترى السيارة بأضعاف تمنها
خلوها تصدى علشان الطمع من الحكومه والجمارك والضرائب والتجار ميلاقوش .. فغصب عنهم هيقدموا تسهيلات وتخفيضات
والله رجالة

**boos_881996** · 26-01-2009 04:06 AM

خلوها تصدى وانا معاكم بقلبى
لانى زهقت من العالم المقرفة دى

**eng.octooo** · 26-01-2009 05:58 AM

يارب العربيات سعرها ينزل للى احنا عاوزينة

**tyseer** · 26-01-2009 03:17 PM

حد سمع 90 دقيقة امس كانو بيتكلمو علي الحملة وبيشككو ان العربيات مش هتنزل بس التاجر الية كان قاعد هيموت وبيقول فعلا مش عرفين يبعو بعد ما كانو بيبيعو في الشهر 100 عربية بقو مش عرفين يبعو 20 عربية باذن الله العربيات عندهم هتصدي وموديلها هيعدي وخليهم يعندو اكتر واحنا بردو مش هنشتري

**نور القمر** · 26-01-2009 03:41 PM

ممكن تصحيح عنوان الموضوع
بدل حاملة تصحح لـ حملة

**tyseer** · 26-01-2009 07:55 PM

شكرا لتصحيح الخطاء فعلا قوة ملاحظة قويا

**mamahmoud** · 28-01-2009 03:03 PM

ايوة كدة يا رجالة انا عرفت النهاردة ان بعض التوكيلات فى مصر لسة ما خلصتش موديل 2007 و لسة متمسكة بسعرة و منزلتش اصلا موديل 2009 اللى قرب يخلص و ينزل اللى بعدة
مع انى مش عارف لية ماينزلوش شوية فى سعر الموديل القديم ؟
الظاهر و الله اعلم التجار اخدوا على ان المصريين بيشتروا اى حاجة و مايهمش يعنى 128 ماشى ولا 125 بردو ماشى لما بنفس السعر .
وقفتنا يا جماعة هية اللى هتغير فكر التجار اللى بيتعاملوا معانا و يبطلوا يضيفو 20 فى المية بعد تمن العربية مضافا اليها الجمارك .فى نفس الوقت الذى نزلت فية الاسعار حوالى 40 فى المية على مستوى العالم و شوفوا الاعلانات على النت عاملة اية !
لن نقبل اللعب بعقولنا و اذواقنا بعد اليوم.............و خلوها تصدى و موديلها يعدى لحد ما سعرها يبقى على كيفنا احنا !!!!!!!!!!!