ما تيجوا نتخانق شوية

**badry** · 24-01-2009 12:12 AM

ايه ده............
احنا هنجيب ورا يا وحوش و نبطل خناقات؟؟؟؟؟؟؟؟؟

انا حاسس ان وقف اطلاق النار ده هش جدا..........
و مش هقول اللى فى قلبى الا لما اتأكد ان كله خد الخيااااااااااااار الأستراتيجى..........اللى هو السلام يعنى....:)

**fiatto** · 24-01-2009 12:17 AM

شكر كبيييييير لنور القمر و ودكتور اليشع وشنورى ونور العمر اللى بجد ضحكت من قلبى معاهم وبسببهم أكتر من يوم وشوية ، حقيقى فرحان بصداقتكم فى المنتدى الجميل نايل موتورز .
وشكراً للأدارة اللى سابتنا يوم وشوية فى حالة هذيان ضاحك
وكمان شكراً للأعضاء اللى سابونا فى الحريقة اللى كانت والعة وقالوا سيبوهم يطفوها مع نفسهم

وياريت من آن لآخر ندخل على الموضوع ده ونطلع طاقاتنا السلبية فى خناق ضاحك بدل مانطلعه على بعض فى مواضيعنا الجادة ونخسر ناس محترمة كان ممكن نكسبهم أصدقاء لينا فى المنتدى.
وعاوز أستعير من شنورى ملاحظته المهمة أوى ان محدش يزعل منى انا كمان لو كلمة ملهاش لزمة طلعت منى أثناء هزارنا فى الموضوع ده ، وعلى رأى دكتور اليشع حبيب قلبى ربنا يديم المحبة والود .

فياتو

**نور القمر** · 24-01-2009 01:01 AM

سيداتي انساتي سادتي والان وقد انتهت حقلة الردح والتشليء والخناق بين شنوري واليشع وفيانو ونور العمر والبدري والرأس المدبر نور القمر اللي هي انا
وبعدما اظهر الاعضاء الافاضل قدراتهم الخرافيه وقاموا بالتنفيس عن مكبوتاتهم في العقل اللاواعي الذي اظهر مدى رغبتهم في افتعال مشاكل
نعلن انتهاء اليوم المفتوح وننتظر من باقي الاعضاء الكرام البدء في حلقة جديدة
وعلى كل من يرغب في الخناق لاسباب تافهة في مواضيع اخرى بالمنتدى يتفضل عندنا وهنديلو استيكر هدية زي ده

**A.Saad** · 24-01-2009 10:07 AM

وبعدين يا نور القمر
انتى مش هاتسكتى الا اما الخناقة توصل للقمر

وشكلك هتعملى جولات زى بتوع المصارعة الحرة

**نور العمر** · 24-01-2009 01:12 PM

أنا موافقة على الهدنة بس تعالوا نعرف بعض أكتر على هذا اللينك وخصوصاً أ/ شنوري .... ( أتمنى يكون بخير وتعافى تماما ) :k48::k48:
عاوزة أتأكد واعرف برجه إيه لأنه مقاتل ناجح وعنيد ........
http://www.nilemotors.net/Nile/showthread.php?t=56200

ولكم مني كل الحب والتقدير والاحترام .... :k10: وأرجوا مكونش خسرت برستيجي أصله عزيز عليا قوي

**نور العمر** · 24-01-2009 01:22 PM

المشاركة الأصلية كتبت بواسطة fiatto

شكر كبيييييير لنور القمر و ودكتور اليشع وشنورى ونور العمر اللى بجد ضحكت من قلبى معاهم وبسببهم أكتر من يوم وشوية ، حقيقى فرحان بصداقتكم فى المنتدى الجميل نايل موتورز .
وشكراً للأدارة اللى سابتنا يوم وشوية فى حالة هذيان ضاحك

وكمان شكراً للأعضاء اللى سابونا فى الحريقة اللى كانت والعة وقالوا سيبوهم يطفوها مع نفسهم

وياريت من آن لآخر ندخل على الموضوع ده ونطلع طاقاتنا السلبية فى خناق ضاحك بدل مانطلعه على بعض فى مواضيعنا الجادة ونخسر ناس محترمة كان ممكن نكسبهم أصدقاء لينا فى المنتدى.
وعاوز أستعير من شنورى ملاحظته المهمة أوى ان محدش يزعل منى انا كمان لو كلمة ملهاش لزمة طلعت منى أثناء هزارنا فى الموضوع ده ، وعلى رأى دكتور اليشع حبيب قلبى ربنا يديم المحبة والود .

فياتو

احنا أسعد طبعاً وشكراً على المجاملة اللطيفة دي

**A.Saad** · 24-01-2009 01:42 PM

المشاركة الأصلية كتبت بواسطة دينا أبوالعلا

ايه ده ايه ده انا اول مره اشوف الموضوع دلوقتي وبعدين يعني ايه الجوله خلصت يعني طب وانا محدش عمل حسابي يعني ماشي انا اعلنت عليكو الحرب:k40: عشان تبقو تعملو حاجه بعد كده ومتندهونيش ولو عايزين تعتبرو تهديد اعتبرو زي ما انتو عايزين

يا اهلا بالمعارك
وبالناس اللى تعارك
وبعدين يعنى المفروض بقى المنتدى يبعتلك عيل صغير يندهلك ولا ايه
ولا نعمل دليفرى للمشاركات