تجربة زيارة معرض الأهرام وبعض الصور

**Jato.33** · 21-01-2009 11:35 PM

أنا يا رجالة رحت النهاردة بدعوة والحمد لله
بداية تعنت وتتضيق واضح في الدخول
طوابير معرفش ليه ولازم تركب أتوبيس عشان يوديك على الباب البعيد والباب القريب قدامك وتبتدي من الآخر بدل ما تبتدي من الأول وكلام فارغ ومسخرة

المهم تنظيم زي الزفت

أعداد الزوار بالعبيط والأهبل كمان
نصيحة محدش يروح لا جمعة ولا سبت هيبقى موت
ومش حلو أوي يعني

فيما يتعلق بالعربيات

هيا قاعة واحدة كبيرة يظهر فيها بقوة الماكينات الألمانية جناح مرسيدس - فولكس
ومعاهم سوزوكي - سيات - شيفروليه

وشكراً هوا ده المعرض

تصبحوا على خير

الباقي سيارات كلاسيكية قديمة لكن بصراحة تحف تستحق الإعجاب والإنبهار

إسلام مشهور بالعربيتين المرسيدس بتوعه وجنوط 20 حلوة

Hashim Team

والباقي صيني بلاستيك في ورق

كل ده في قاعة واحدة

باقي المعرض

الدور العلوي لسيارات الدفع الرباعي فقط تشمل عربية BMW يتيمة X5 كمان مش X6 حتى

البورش Cayeen S والـ911 وطبعاً عل الرغم من ظهورهم في المعارض على مدى 70 سنة فاتوا إلا إنهم يخلوك طاير في السما ومش عايز حد يفوقك

بحضور قوي جداً Range Rover & Land Rover تقريباً 10 موديلات ويعني للعرض فقط

وطبعاً الأودي

وشوية ياباني على كوري على صيني

بالنسبة للصالة الأخيرة
ما يجذب فيه إنتباهي (Armor all بجميع أنواعة - CarTuning Team ورشة بديوي بعربية صني في منتهى السوء بتفكرني بالمعاكسات القديمة إلي كانت بتترمي على البنات كانوا بيقولوا "إيه القماش خلص ولا الترزي مات"
يعني ملقوش إلا دية ويقولك أصله ذوق الزبون مهو باين

وبس

محدش يسأل على الأسعار زي ما هية:k26:

الظاهر لازم يتعبطوا ويتمدوا على رجلهم

بس حاجات مهمة ليا جداً

ظهور الساحرة الـOpel Corsa 2009
من أجمل الحاجات إلي شوفتها النهاردة

كمان الشيفروليه كروز تحفة

والسيتي الجديدة 2009 بصراحة لازم يشوفولها حل لأن السيفيك كده مش هتتباع

وبشرى سارة
يمكنك الان مع المصرية تقسيط Ford Mustang GT أو تدفع كاش بـ750 ألف جنية فقط
طبعاً كويس إن الفرجة كانت ببلاش لأني كنت حاسس إنها بتجري وهنزل تحت العجل بس ربنا ستر

نسيت كمان أقول إني شوفت عربية عند Hashim Team كانت مرشوشة دهان مط أزرق كنت أول مرة أشوفه على الطبيعة بصراحة رائع

من الأخر الـAuto Mac هو ده المعرض

وأسيبكوا مع الصور

**Hosam_Optrawy** · 21-01-2009 11:50 PM

الف شكر على الصور
ياترى سألت على سعر الشيفروليه كروز ؟

**Nour_Peugeot** · 22-01-2009 12:20 AM

سوال يا جماعه مهم و ياريت الرد السريع

تاني يوم للجمهور ولا لا

**mohamed-mekhamer** · 22-01-2009 12:21 AM

الله ينور يا باشا مجهود رائع

**fady.bekatcho** · 22-01-2009 12:28 AM

بجد انت مية مية يا غالى

تسلم ايديك يا غالى على الصور وعلى التغطية الجميلة

**king_de_egypt** · 22-01-2009 12:29 AM

تسلم ايدك على الصور وعلى المجهود فى الموضوع
الاسكاى لاين و الفورد جى تى بحبهم لدرجه مش عارف اوصفها :k30:

**islamaboelnaga** · 22-01-2009 12:42 AM

مفيش اخبار عن الاوكتافيا الجديده ؟؟؟؟؟؟؟؟؟؟؟

**magomago** · 22-01-2009 12:47 AM

شكرا عالمجهود
وتسلم ايدك لرفع الصور

**eng.octooo** · 22-01-2009 01:08 AM

شكرااااااااا على رفع االصور
وانا ماعجبنيش غير
الشيفرولية كروز
والبيجو407
والبرودا كيليسيا هشام تيم العربية الصغيرة (الى شبة المينى كوبر)
والهوندا (بس انت متاكد ان الجمال دة كلة سيتى مش حاجة تانى)
والبورش ال cayman s وال carrera s
والعربيات الكلاسيك كلهم بجد ماشاء الله عليهم

-

الموضوع: تجربة زيارة معرض الأهرام وبعض الصور

LinkBack

أدوات الموضوع

عرض

تجربة زيارة معرض الأهرام وبعض الصور - انشر الموضوع فى :

-

-

-

-

-

-

المواضيع المتشابهه

معرض فورميولا (الأهرام)

تجربة زيت liqui moly وبعض الاضافات الالمانية

تجربة حجز byd أوتوماتيك خلال معرض الأهرام

تغطية معرض فورميولا الأهرام ؟!

كاسيتات يابانى والمانى للبيع وبعض الصور لها

الكلمات الدلالية لهذا الموضوع

المفضلات

المفضلات

ضوابط المشاركة