المشاركة الأصلية كتبت بواسطة ahmed_zimo
كل سنة وحضرتكم بخير وصحة وسلامة ويارب يعيد الله علينا رمضان باليمن والخير والبركات وعلي كل اعضاء المنتدي الكراام
انا عندي استفسار صغير في مشكلة عندي في العربية وذي ماتعودت بلاقي حل اي مشكلة عندكو هنا وبذات استاذ nfs7
انا عربيتي اونو 93 لما تكون العربية سخنة موش سخنة اوي ياعني قبل النص بشرطة او اتنين واجي اقف في اشارة ولا حاجة او امشي بسرعة ضعيفة عشان الطريق موش سامح بالجري بلاقي صوت الماتور موش طبيعي ذي مايكون عندو حالة عصبية واول ماطفي النور العالي او الواطي بيرجع لطبيعتو ولو نسيت اطفي النور شوية كدة والعربية تبطل وماتدورش الا بعد دقيقيتين تلاتة
السؤال اية علاقة النور بصوت الماتور وليا العربية بتبطل لو نسيت النور شغااااااال
حاجة غريبة جدااااا ياريت اي حد عندو معلومة بخصوص الموضوع دة مايبخلش عليا بيها ورمضان كريم وهنيالك يافاعل الخير
واسف علي الاطالة وتقبلوا فائق تحياتي واحترامي